Иеремия 4:12 - Ыдыктыг Библия

¹² Хат хөлүн эрттир дыңзыг боор! Мээң күзел-соруум ёзугаар ол хат хадып кээрге, Мен чонумга хамаарыштыр шииткелимни үндүрер мен!» – деп, Бурган чугаалаан.

Иеремия 4:12 Iomraidhean Croise

Ырлар 11:6

А Дээрги-Чаяакчы: «Мен ам түреңги улуска – човалаңы дээш, базындырган улуска – уё-човууру дээш болчур мен, Мээң камгалалым алыксаан кижиниң идегелин боттандырып бээр мен» – деп турар.

Иеремия 1:16

Мен Иудеяның үүлгеткен бүгү кем-буруузу дээш, ооң Менден ойталап, өске бурганнарга айдызаар өргүлдер кыпсып, холу-биле кылып алган дүрзүлеринге мөгейип турганы дээш, аңаа удур шииткелим үндүрер мен.

Иеремия 4:11

Шак ол чонга, Иерусалимниң чурттакчыларынга: «Ол үеде Мээң күжүр чонумче ээн кургаг ховунуң тас тейлеринден изиңейндир чип турар хат хадып кээр! Ындыг хатка тараа арыглай челбиттинмес, үрезин саваңдан арыглаттынмас.

Иеремия 4:13

Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 51:1

Дээрги-Чаяакчы мынча дээн: «Мен Вавилонга, Лэв-Камайның чурттакчыларынга удур өлүмнүг шуурган көдүрер мен!

Иезекиил 5:8

Ынчангаш Дээрги-Бурган-Чаяакчы: «Көрдүң бе, Мен Бодум сеңээ удур апардым; өске чоннар көрүп турда, сеңээ үндүрген шииткелимни күүседир мен.

Осия 13:15

Эфрем акы-дуңмазынга бодаарга, өзүген-даа болза, өрттендир чиир хат чедип кээр – ээн кургаг ховудан Дээрги-Чаяакчының хады көдүрлүр, ынчан ол хат Эфремниң суунуң бажын соолдуруп каар, булаан кадырып каар; ол хат Израильдиң эртине-байлаан үптээр, ооң бүгү үнелиг чүүлдериниң шыгжамырын куругладыр.

Аввакум 1:11

Оон ол чон хат ышкаш ужугуп, оруун уламчылаар. Шак ол бачыттыг улус бодунуң күжүн бурганчыдып турар».