Иеремия 4:1 - Ыдыктыг Библия

¹ «Израиль, бир эвес эглип келиксээр болзуңза, Менче эглип кел – деп, Дээрги-Чаяакчы медеглээн. – Чүдек-бужар дүрзүлериңни ап октапкаш, улчуп чорбастай берзиңзе база

Иеремия 4:1 Iomraidhean Croise

Эге дөс 35:2

Ынчан Иаков өг-бүлезинге болгаш бодунга хамааржыр улузунуң шуптузунга мынча деп чагаан: «Бодуңарда бар хары бурганнарны октапкаш, арыгланып чунуп алыңар. Идик-хевиңерни база солуп алыңар.

4 Хааннар 23:13

Израильдиң хааны Соломон Иерусалимниң чөөн талазынга, Өлүм-чидим дааның мурнуу талазынга сидончуларның чүдек-бужар бурганы Астартага, моав чоннуң бужар бурганы Хамоска, аммон чоннуң чүдек-бужар бурганы Молохка мөгейиишкин кылыр бедик черлер тудуп каан турган. Иосия ол черлерни база бужартадып каапкан.

4 Хааннар 23:24

Иосия оон ыңай өлүг улус сүнезини кыйгырар, караң көрнүр кижилерни, Иудея биле Иерусалимден тывылган чүдек-бужар ээреннерни, дүрзү-бурганнарны узуткап каапкан. Ол ону Хелкия бараалгакчының Дээрги-Чаяакчының өргээзинден тып алганы дүрүг номда бижиттинген ыдыктыг хоойлунуң сөстерин күүседири-биле кылган.

2 Чылдар 15:8

Аса ол сөстерни – Одед медээчиниң оглу Азарияның өттүр билген медеглелин – дыңнап кааш, сорук кирип, Иудея биле Вениаминниң черлеринден база Эфрем дагларынга эжелеп алган хоорайларындан чүдек-бужар дүрзү-бурганнарны ап каапкан. Ол Дээрги-Чаяакчының өргээзиниң мурнунда турар Ооң өргүл бедигээжин септеп-чаартып каан.

2 Чылдар 33:8

Бир эвес израильчилер Мээң оларга дужааган бүгү чүвемни күүседип, оларга Моисейни дамчыштыр берген бүгү хоойлу, дүрүмнер болгаш айтыышкыннарны сагып чурттаар болза, Мен оларны ада-өгбезинге үзүп берген черимден моон соңгаар улчуп чоруурунче албадавас мен» – деп турган.

2 Чылдар 34:33

Иосия израильчилерниң бүгү черлеринден чүдек-бужар чүүлдерни чайладып каапкаш, Израильде чурттап турар бүгү чонга боттарының Бурганы Дээрги-Чаяакчыга бараан болурун дужааган. Ооң чуртталгазының үезинде израильчилер боттарының ада-өгбезиниң Бурганы Дээрги-Чаяакчыдан ойталап көрбээн.

Исайя 31:6

Израильчилер, кедергей кызып ойталааныңар Бурганче эглип келиңер!

Иеремия 15:19

Ынчан Дээрги-Чаяакчы: «Менче эглип кээр болзуңза, Мээң мурнумга бараан болур кылдыр сени база катап тургузуп каар мен. Үнелиг сөстү хоозун сөстен аңгылап шыдаар болзуңза, Мээң аксы-сөзүм дег апаар сен. Улус боттары сээң аайыңче кирер, а сен оларның аайынче кирбес сен!

Иеремия 15:4

Мен оларны Эзекияның оглу, Иудеяның хааны Манассияның Иерусалимге үүлгеткен чүвези дээш бүгү өске күрүнелерге коргунчуг үлегер-чижек кылып каар мен.

Иеремия 18:11

Ынчангаш ам Иудеяның чонунга, Иерусалимниң чурттакчыларынга мону чугаала. Дээрги-Чаяакчы: „Мен силерге айыыл-халап белеткеп тур мен, силерге удур сагыштыг мен! Кайыңар-даа бузуттуг оруктан чайлай берзин. Оруктарыңарны, ажыл-херектериңерни экижидип алыңар“ – деп чугаалады дээр сен.

Иеремия 24:9

Мен оларны чер-делегейниң бүгү күрүнелеринге коргунчуг айыыл-халаптың бужар үлегер-чижээ кылып каар мен, оларны үндүр сывырарым чер бүрүзүнге оларның адын баксырадыр мен, оларны дорамчылал, кочулал болгаш каргышка таварыштырар мен.

Иеремия 25:5

Ол силерге: „Кайыңар-даа бодунуң бузуттуг оруундан, бачыттыг үүлгедиглеринден ойталазын, ынчан Дээрги-Чаяакчының силерге база ада-өгбеңерге шаг шаанда берген черинге кезээ мөңгеде чурттаар силер.

Иеремия 3:1

«Ашаа кадайын чандырыптарга, кадайы оон чоруй баргаш, өске ашакка барып аар болза, баштайгы ашаа олче эглип кээп болур бе? Ынчаар болза, ол чер бужартай бербес деп бе? А сен хөй таныштарың-биле самыырап турган хиреңде-ле, Менче эглип кээр деп тур сен бе? – деп, Дээрги-Чаяакчы медеглээн. –

Иеремия 3:12

Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 3:14

«Эглип келиңер, өскерликчи ажы-төл – деп, Дээрги-Чаяакчы медеглээн, – чүге дээрге Мен – Ээңер-дир мен, силерни, бир хоорайдан-на – бир кижи, бир аймактан-на – ийи кижи кылдыр эдертип алгаш, Сионче эккээр мен.

Иеремия 3:22

Эглип келиңер, өскерликчи ажы-төлүм, Мен силерни шынчы эвес чорууңардан экиртип каар мен». Көрем, Сенче бар чыдыр бис, чүге дээрге Дээрги-Чаяакчы Бурганывыс – Сен-дир сен!

Иеремия 35:15

Мен силерже Бодумнуң бүгү чалча-медээчилеримни айбылап чорудуп, оларны дамчыштыр: „Кайыңар-даа бодунуң бузуттуг оруун каапсын! Ажыл-херээңерни экижидип алыңар, өске бурганнарны эдерип, оларга бараан болбаңар, ынчан Мээң силерге база ада-өгбеңерге берген черимге чурттап артар силер“ – деп дамчыдып турдум. Ынчалза-даа силер кулааңар ээктирбээн, Мени тооп дыңнаваан силер.

Иеремия 36:3

Иудеяның чону Мээң оларга кандыг айыыл-халап таварыштырар деп турарымны дыңнап кааш, кижи бүрүзү бодунуң бузуттуг оруундан ойталаар чадавас. Ынчан Мен оларның кем-буруузун база бачыттарын өршээр мен».

Иеремия 4:4

Дээрги-Чаяакчыга хамааржырыңарны көргүзери-биле чүрээңерни демдектеп, арыглап алыңар, Иудеяның улузу, Иерусалимниң чурттакчылары, оон башка силерниң бузуттуг херектериңер дээш Мээң килеңим чалбыышталдыр хып, өжүртүнмес өрт ышкаш апаар».

Иеремия 7:3

Аг-шериглиг Дээрги-Чаяакчы, Израильдиң Бурганы мынча дээн: «Оруктарыңар биле ажыл-херектериңерни эдип-чазап, экижидип алыңар, Мен ынчан силерни бо черге чурттадып арттырар мен.

Иеремия 7:5

Оруктарыңар биле ажыл-херектериңерни эдип-чазап, экижидип алыңар база кижилер аразында чаргыны чөптүү-биле чарыңар,

Иеремия 7:7

Ынчан Мен ада-өгбеңерге үе-дүпте кезээ мөңгеде ээлээр кылдыр берген черимге – шак бо черге силерни чурттадып арттырар мен.

Иезекиил 11:18

Мээң улузум чанып келгеш, мында турар бүгү бак, чүдек-бужар чүүлдерни чайладып кааптар.

Иезекиил 18:13

акша-мөңгүннү хөө алыр дээш чегдирер, хуузун хавырар кижи дижик. Ындыг кижи амы-тынныг артар бе? Чок! Үүлгеткен бүгү чүдек-бужар чүүлдери дээш, ол ыяап-ла өлүп каар, бодунуң өлүмү дээш боду буруулуг болур.

Иезекиил 43:9

Ам олар Менден боттарының самыыраашкынын база хааннарының мөчү-сөөгүн чайлатсыннар. Ынчан Мен оларның аразынга кезээ мөңгеде чурттаар мен.

Осия 14:1

Самария бодунуң буруузун чүктээр, чүге дээрге бодунуң Бурганынга удур тура халаан-дыр; израильчилер хылыштан кырлып калыр, оларның чаш төлдерин черже чылча октап, сааттыг херээженнерин одура шаап каар».

Осия 2:2

«Аваңар-биле чаргылдажыңар-ла, чаргылдажыңар, чүге дээрге ол – Мээң кадайым эвес-тир, а Мен – ооң ашаа эвес-тир мен; аваңар бодунуң самыын чоруун – арнындан, өскерликчи чоруун – эмиглеринден ап каапсын.

Осия 7:16

Олар кымче-даа эглип кээп турду, чүгле Дээди Өрүкү Бурганче эвес; олар ыргак-дагыр согуннар дег апарды; оларның нояннары аксы-дылының каржы-багы дээш хылышка шаштырып аар, ынчан Египеттиң чону оларны кочулап-шоодар».

Иоил 2:12

Дээрги-Чаяакчы: «Ам безин Менче бүгү чүлдү-чүрээңерден, шээрленип база ишкирнип ыглап тургаш, эглип келиңер» – деп медеглээн.

Захария 1:4

Ада-өгбеңер дег болбаңар. Оларны Бурганның биеэде турган медээчилери кыйгырып, Аг-шериглиг Дээрги-Чаяакчының: „Бузуттуг оруктарыңардан база багай үүлгедиглериңерден ойталаңар“ – деп чугаалаан чүвезин дамчыдарга, олар Мени тооп дыңнаваан, Менче кичээнгей салбаан болгай – деп, Дээрги-Чаяакчы медеглээн. –

Ы. х. к. 27:15

„Бодунга дүрзү-бурган шуткуп азы чазап кылып алгаш, оозун чажырып алган кижи каргаттырар, кижи холу кылган дүрзү-бурган болза Дээрги-Чаяакчының мурнунга чүдек-бужар чүүл-дүр!“ Бүгү чон: „Аминь!“ – деп харыылаар.

Ы. х. к. 4:30

Айыыл-халапка алзып алган туруңарда, келир үеде ол бүгү силер-биле болу бергенде, Дээрги-Чаяакчы Бурганыңарже эглип, Ооң үнүн тооп дыңнаар силер.

Иисус 24:14

Оон Иисус мынча дээн: «Ынчангаш Дээрги-Чаяакчыдан коргуп чоруңар, Аңаа арыг-шынчы сеткилиңер ханызындан бараан болуңар. Ада-өгбеңерниң Евфрат хем ындынга болгаш Египетке чурттап турган үезинде бараан болуп чорааны бурганнарындан ойталаңар. Чүгле Дээрги-Чаяакчыга бараан болуңар.

Баштыңчылар 10:16

Олар хары бурганнардан ойталааш, чүгле Дээрги-Чаяакчыга чүдүп, бараан бооп эгелээн. Ынчан Израильдиң хинчек-човулаңын көргеш, Дээрги-Чаяакчының сеткил-чүрээ чыырлыш кынган.

1 Хааннар 7:3

Ол өйде Самуил бүгү израиль чонга чугаалаан: «Бир эвес силер сагыш-сеткилиңер ханызындан Дээрги-Чаяакчыже эглип турар болзуңарза, бодуңарның араңардан хары бурганнарны, Астарта бурган дүрзүлерин ап кааптыңар. Сеткилиңерниң ханызындан Дээрги-Чаяакчыга бердинип, чүгле Аңаа бараан болуңар. Ынчан Ол силерни филистимнерниң холундан адырар».