Иеремия 39:8 - Ыдыктыг Библия

⁸ Хаанның ордузун база карачал чоннуң бажыңнарын халдейлер хуюкталдыр өрттедипкен, а Иерусалимниң ханаларын бузуп каапкан.

Иеремия 39:8 Iomraidhean Croise

4 Хааннар 25:8

Беш айның чедиде (Вавилоннуң хааны Навуходоносорнуң чагыргазының он тоску чылында) Иерусалимче Вавилоннуң хаанының дүжүмеди, камгалакчы шериглер даргазы Навузардан чедип келген.

2 Чылдар 36:19

Бурганның өргээзин өрттедипкен, Иерусалимниң ханазын үрегдеп каапкан, хоорайның ордуларын шуптузун өрттедипкен, бүгү үнелиг чүүлдерин узуткап каапкан.

Неемия 1:3

Олар меңээ: «Туттуруушкун соонда Иудеяже дедир чана берген улус ам ында улуг бергедээшкин, базындырыышкынга таваржып тур. Дайзыннар Иерусалимниң ханазын үреп бускан, а хаалгаларын өрттедипкен-дир» – дээн.

Ырлар 79:7

Сен бистиң черивисти кожа чоннарга маргыжар чылдак кылып каан сен, дайзыннарывыс бисти кочулап тур.

Исайя 5:9

Аг-шериглиг Дээрги-Чаяакчының: «Хөй санныг бажыңнар ээнзирээр, улуг каас-чараш бажыңнар чурттакчы чок артар. Виноград шөлүнде он гектар чер чүгле чаңгыс көгээржик ишти арага бээр, чашкан он шоодай ишти үрезин чаңгыс борбак хапчыгаш ишти дүжүт бээр» – деп даңгыраглаанын дыңнадым.

Иеремия 17:27

А бир эвес Мени тооп дыңнавас, амыр-дыш хүнүнүң ыдыктыын сагывас база амыр-дыш хүнүнде Иерусалимниң хаалгаларын дамчыштыр чүък дажыглап эрттирер болзуңарза, Мен ынчан ол хаалгаларны хуюкталдыр өрттедир мен! Ол дээрге Иерусалимниң шивээлерин чиир өшпес от-тур!»

Иеремия 21:10

Чүге дээрге Мен арнымны бо хоорайга удур, аңаа ачылыг чүүл эвес, айыыл-халап таварышсын дээш, көрүндүм – деп, Дээрги-Чаяакчы медеглээн. – Ол хоорайны Вавилоннуң хаанының холунга хүлээдир, хаан ону хуюкталдыр өрттедир».

Иеремия 32:29

халдейлер ынаар киргеш, ону отка чиртир – хоорайны, ээлери оларның кырынга Ваал бурганга айдызаашкын кылып, хары бурганнарга арага чажып, Мени килеңнедип турган бажыңнарны өрттедиптер.

Иеремия 34:2

Дээрги-Чаяакчы, Израильдиң Бурганы: «Барып, Иудеяның хааны Седекияга мону чугаала» – дээн. Дээрги-Чаяакчы Седекияга дамчыдар кылдыр мынча дээн: «Мен бо хоорайны Вавилоннуң хаанының холунга хүлээдип тур мен. Ол хаан ону өрттедиптер.

Иеремия 34:22

Мен ам дужаал бээр мен – деп, Дээрги-Чаяакчы медеглээн, – дайзыннарны бо хоорайже ээлдирер мен, олар ооң-биле чаалашкаш, эжелеп алгаш, өрттедиптер. Иудеяның хоорайларын хоозурадыр мен, олар чурттакчы чок артар».

Иеремия 37:10

Силерге удур дайылдажып турар халдей аг-шеригни чылча шаап каар-даа болзуңарза, олардан чүгле балыглаткан дайынчылар-даа артар болза, олар туруп келгеш, чадырларындан үнгеш, бо хоорайны хуюкталдыр өрттедиптер» – деп чугаалаан.

Иеремия 38:18

А бир эвес Вавилоннуң хаанының шериг баштыңнарынга дүжүп бербес болзуңза, бо хоорайны халдейлерге хүлээдип бээр, олар ону хуюкталдыр өрттедиптер, бодуң база оларның холундан адырлып шыдавас сен“ – дээн».

Иеремия 5:10

Дайзын чоннуң виноград шөлдеринче барып, үрегдезин, ынчалза-даа бүрүнү-биле узуткавазын. Виноград сыптарын үрегдезин, чүге дээрге олар Дээрги-Чаяакчыга хамаарышпас-тыр.

Иеремия 7:20

Ынчангаш Дээрги-Бурган-Чаяакчы: «Мээң хорадаан килеңим бо черни, кижилер болгаш мал-маганны, шөлде ыяштарны, черниң үнүш-дүжүдүн хөме аптар. Килеңим өшпейн кыптыгар!» – дээн.

Ыы-сыы 1:10

Ооң бүгү эртине-байлаан дайзынның холу хунаан. Ыдык өргээ саза баскан өске чоннар улузун ол көрүп турар. «Ниитилелиңерге олар каттышпазын!» – деп хорудуң чоп, Дээрги-Чаяакчы! כ (каф)

Ыы-сыы 2:2

Израильдиң хоорай-суур, турлагларын Дээрги-Чаяакчы кээргел чокка сыырыпты; Иудея шивээлерин килеңнээштиң, узуткады; күрүнени болгаш нояннарны ойтур октап, бужартатты. ג (гимел)

Ыы-сыы 2:7

Дээрги-Чаяакчы өргүл салыр черин тоовайн, ыдыктыг өргээзин хүлээведи. Ооң быжыг ханаларын дайзынның холдарынга киирип берди. Байырлалдың чыыжында дег, Дээргиниң өргээзинде алгы-кышкы дыңналып тур. ח (хет)

Иезекиил 16:41

Олар сээң бажыңнарыңны өрттедип, сеңээ үндүрген шииткелди хөй күрүнелер көрүп турда, күүседир. Мен сээң самыыраашкыныңның төнчүзүн салыр мен, сен моон соңгаар хандыкшааннарыңга төлевир бербес сен.

Иезекиил 23:47

Мөөң чон оларны даштар-биле соп, хылыштар-биле кезе шаап өлүрзүн; оларның оглу-кызы өлүртүп алзын, а бажыңнары өрттеттирзин.

Иезекиил 33:21

Туттуруушкунувустуң он ийиги чылының он айның беште Иерусалимден тын менди үнген бир кижи меңээ келгеш: «Хоорай узуткатты!» – дээн.

Амос 2:5

Иудеяже отту ыдар мен, ол от Иерусалимниң шивээлерин чиптер».

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.