Иеремия 39:2 - Ыдыктыг Библия

² Седекияның чагыргазының он бирги чылында, дөрт айның тоста хоорайның ханазын деже шаапкан.

Иеремия 39:2 Iomraidhean Croise

Иеремия 1:3

Дээрги-Чаяакчы Иеремияга Иосияның оглу иудей хаан Иоакимниң чагырган үезинде база сөөлзүредир – Иосияның оглу иудей хаан Седекияның хааннаашкынының он бирги чылын төндүр чугаалап келген. Ол-ла чылдың бешки айында дайзыннар Иерусалимниң чурттакчыларын тудуп алгаш, сүрүп аппарган.

Иеремия 32:1

Иудеяның хааны Седекияның чагыргазының онгу чылында Дээрги-Чаяакчы Иеремияга Бодунуң сөзүн ажыдып чугаалаан. Ол чыл болза Навуходоносорнуң чагыргазының он сески чылы турган чүве-дир.

Иеремия 34:22

Мен ам дужаал бээр мен – деп, Дээрги-Чаяакчы медеглээн, – дайзыннарны бо хоорайже ээлдирер мен, олар ооң-биле чаалашкаш, эжелеп алгаш, өрттедиптер. Иудеяның хоорайларын хоозурадыр мен, олар чурттакчы чок артар».

Иеремия 37:8

Халдейлер эглип келгеш, бо хоорайны база катап бүзээлээш, ону эжелеп алгаш, хуюкталдыр өрттедиптер!»

Иеремия 5:10

Дайзын чоннуң виноград шөлдеринче барып, үрегдезин, ынчалза-даа бүрүнү-биле узуткавазын. Виноград сыптарын үрегдезин, чүге дээрге олар Дээрги-Чаяакчыга хамаарышпас-тыр.

Иезекиил 33:21

Туттуруушкунувустуң он ийиги чылының он айның беште Иерусалимден тын менди үнген бир кижи меңээ келгеш: «Хоорай узуткатты!» – дээн.

Иезекиил 4:3

Оон калбак демир тавактан алгаш, ону бодуң биле хоорайның аразынга демир хана дег тургускаш, хоорайже шиглей көр: хоорай бүзээлеттирген боор, сен ону бүзээлеп аар сен. Ол болза израиль чонга сагындырыг демдээ-дир.

Иезекиил 5:2

Бүзээлээшкинниң үези төне бээрге, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен.

Софония 1:10

Ол хүн кээрге, Балык хаалгазындан, Иерусалимниң чаа кезээнден уё-човуур, ыы-сыы дыңналыр, Иерусалимниң тейлеринге коргунчуг дааш-шимээн үнер – деп, Дээрги-Чаяакчы медеглээн. –

Захария 8:19

Аг-шериглиг Дээрги-Чаяакчының чугаалаан чүвези бо-дур: «Дөрт, беш, чеди болгаш он айда сагып турганыңар шээрлээшкин үелери Иудеяның чонунга өөрүшкүлүг, хөглүг болгаш аас-кежиктиг хүннер апаар; ындыг болганда, алыс шынга, амыр-тайбыңга ынак болуңар».