Иеремия 30:3 - Ыдыктыг Библия

³ Чүге дээрге үези кээрге, Мээң чонумга, Израиль биле Иудеяга, эки чолду эгидер мен – деп, Дээрги-Чаяакчы медеглээн, – оларның ада-өгбезинге берген черимче оларны дедир чандырар мен, олар ынчан черин ээлеп чурттаар».

Иеремия 30:3 Iomraidhean Croise

Эзра 3:1

Израильчилер боттарының хоорайларынга чурттай берген соонда, ол чылдың чеди айда бүгү чон, чаңгыс кижи ышкаш, Иерусалимге чыглып келген.

Эзра 3:12

Ынчалза-даа дыка хөй улус – Бурганның биеэги өргээзин көрген, назы-хары улгаткан бараалгакчылар, левиттер, төрел салгалдар баштыңнары чаа өргээниң таваан салып турарын көргеш, ишкирнип ыглажып турган. А өске хөй улус өөрүшкүден ыыткыр алгыржып турган.

Эзра 3:8

Олар Иерусалимде Бурганның өргээзинче чедип келген соонда, ийиги чылдың ийи айда Салафиилдиң оглу Зоровавел, Иоседектиң оглу Иисус болгаш оларның өске ха-дуңмазы – Бурганның бараалгакчылары, левиттер болгаш Вавилонга туттуруушкундан Иерусалимче ээп келген бүгү улус ажылдап эгелээн. Олар чээрби хардан өрү назылыг левиттерни Дээрги-Чаяакчының өргээзин тудар ажылдар хайгаараары-биле томуйлап каан.

Ырлар 126:4

Сээң чалыы назыныңда төрүттүнген оолдарың дайынчы кижиниң холунда согуннар ышкаш.

Ырлар 53:6

Дыңнаңар! Бурган меңээ дузалап тур, Дээрги мээң сеткилимни быжыктырды.

Иеремия 16:15

харын олар: „Израиль чонну соңгу чүкте черден, оларны ынаар үндүр сывырыпканы бүгү чурттардан үндүре берген дириг Дээрги-Чаяакчының ады-биле!“ – деп чугаалап эгелээр, чүге дээрге оларның ада-өгбезинге берген черимче оларны дедир эгидер мен.

Иеремия 23:5

«Үези кээрге, Давидтиң салгакчызын, чөптүг-шынныг Өзүмнү өрү көдүрер мен – деп, Дээрги-Чаяакчы медеглээн. – Ол хаан чагырып эгелээш, мерген угаанныын көргүзүп, чер кырынга шын шииткел биле чөптүг чорукту доктаадыр.

Иеремия 27:11

А мойнун Вавилоннуң хаанының хомудунче сугар база аңаа бараан болур чонну Мен ооң бодунуң черинге арттырар мен – деп, Дээрги-Чаяакчы медеглээн. – Ол чон бодунуң черин болбаазырадып, аңаа чурттаар».

Иеремия 27:22

«Ол херекселдерни Вавилонче аппаар; оларже сагыш салыр хүнүмге чедир олар аңаа артып каар. Оон ол херекселдерни үндүре бергеш, бо черже дедир эгидер мен». Дээрги-Чаяакчының медеглээн чүвези ол-дур.

Иеремия 29:10

Дээрги-Чаяакчы мынча дээн: «Вавилонга берип каан чеден чыл эрте бээрге, Мен силерже сагыш салыр мен, Мээң ачы-буянныг сөзүмнү силер-биле күүседип, силерни бо черже дедир чандырар мен.

Иеремия 29:14

Мени тып аар силер – деп, Дээрги-Чаяакчы медеглээн, – Мен силерге эки чолду эгидер мен, силерни ынаар үндүр сывырыпканым бүгү чоннардан, бүгү черлерден чыып эккээр мен».

Иеремия 3:18

Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иеремия 30:18

Дээрги-Чаяакчы мынча дээн: «Мен Израильдиң чадырларын катап тигер мен, ооң бажың-балгадын кээргээр мен! Бузундулар шыпкан тейлер кырынга хоорайлар туттунар, ордулар биеэги туружунга туттунуп туруптар.

Иеремия 30:4

Дээрги-Чаяакчының Израиль биле Иудея дугайында чугаалаан сөстери бо-дур.

Иеремия 31:16

Дээрги-Чаяакчы мынча дээн: «Ишкирнигип ыглавайн көр, карааң чажы төгүлбезин, чүге дээрге сээң күш-ажылың дээш шаңнал көрдүнген – деп, Дээрги-Чаяакчы медеглээн, – ажы-төлүң дайзыннарының чуртундан дедир чанып кээр!

Иеремия 31:23

Аг-шериглиг Дээрги-Чаяакчы, Израильдиң Бурганы: «Кажан мен израиль чонга эки чолду эгидеримге, Иудеяда, ооң хоорайларында улус: „Чөптүг-шынныг оран-сава, ыдыктыг даг! Дээрги-Чаяакчы сеңээ ачы-буяндан хайырлазын!“ – деп сөстерни чугаалаар.

Иеремия 31:27

«Израиль биле Иудеяны чурттакчы чон болгаш мал-маган-биле долдурар үем кел чыдыр – деп, Дээрги-Чаяакчы медеглээн. –

Иеремия 31:31

Израильдиң чону-биле база Иудеяның чону-биле чаа чагыг-керээ чарар үем кел чыдыр – деп, Дээрги-Чаяакчы медеглээн. –

Иеремия 31:38

«Бо хоорайны Дээрги-Чаяакчыга алдар кылдыр Хананел суургазындан Азыгда хаалгага чедир катап база тудар үе кээр – деп, Дээрги-Чаяакчы медеглээн. –

Иеремия 32:37

«Мен кылыктанып килеңнээш, аажок хорадай бергеш, сывырып чорудупканым бүгү чурттардан бо улусту чыып алгаш, бо черже дедир чандырар мен, оларга айыыл чок амыдыралды хайырлаар мен.

Иеремия 32:44

Маңаа улус мөңгүн-биле шөлдер садып алгаш, садыглажылга бижиктери кылып, таңмалааш, херечилер кыйгырар – Вениаминниң черинге, Иерусалимниң чоок-кавызынга, Иудеяның бүгү хоорайларынга: дагларда-даа хоорайларга, Шефелада-даа хоорайларга база Негевте-даа хоорайларга ол бүгүнү кылыр, чүге дээрге Мен оларга эки чолду эгидер мен!» Дээрги-Чаяакчының медеглээн чүвези ол-дур.

Иеремия 33:26

Мен Иаковтуң салгалындан, Мээң чалчам Давидтиң салгалындан ойталавас мен: оларның аразындан Авраам, Исаак болгаш Иаковтуң салгалын чагырар кижилерни шилиир мен! Мен оларга эки чолду эгидер мен» – дээн.

Иеремия 51:60

Иеремия Вавилонга таваржыр бүгү айыыл-халапты аңгы дүрүг-номга бижип каан – мында Вавилон дугайында бижээн бүгү чүве ол-дур.

Иезекиил 20:42

Силерни израиль черже – силерниң ада-өгбеңерге бээр бооп даңгыраглаан черимче – киире бээримге, Мени Дээрги-Чаяакчы деп билип аар силер.

Иезекиил 34:13

Оларны өске чоннар аразындан үндүрүп, чурттардан чыып эккелгеш, боттарының черинче дедир чандырар мен. Мен оларны Израильдиң дагларынга, сугларының чанынга, бүгү чурттакчылыг черлерге кадарар мен.

Иезекиил 36:24

Мен силерни чоннар аразындан үндүрүп, бүгү чурттардан чыып алгаш, бодуңарның чериңерже эккээр мен.

Иезекиил 47:14

Черни аймактар аразынга дең кылдыр үлээр силер. Мен ол черни ада-өгбеңерге бээр бооп даңгыраглаан мен, ынчангаш ол силерниң өнчүңер болур.

Иоил 3:1

«Ол хүннерде, ол үеде, кажан Мен Иудеяга база Иерусалимге эки чолду эгидипкенимде,

Софония 2:7

Ол девискээр Иудеяның арткан чонунга онаажыр. Олар аңаа сүрүг малын кадарар, Аскалоннуң бажыңнарынга кежээ удуп дыштаныр – оларның Бурганы Дээрги-Чаяакчы оларже сагыш салып, эки чолду эгидер.

Софония 3:20

Ол үеде Мен силерни чыып алгаш, дедир чандырар мен. Силер көрүп туруңарда, силерге эки чолду эгиткеш, чер-делегейниң бүгү чоннарының аразынга алдар-хүндүлүг чон кылып каар мен». Дээрги-Чаяакчының чугаалаан чүвези ол-дур.

Лука 17:22

Оон Ол Бодунуң өөреникчилеринге мынча дээн: «Кижи амытан Оглунуң оода чаңгыс хүнүн-даа болза аажок көрүксей бээриңер үе чедип кээр, ынчалза-даа көрүп шыдавас силер.

Лука 19:43

Чүге дээрге дайзыннарыңның сени долгандыр оңгуланып-быжыглангаш, сени бүзээлээри база сенче бүгү чүктерден халдаары хүннер чедип кээр.

Лука 21:6

«Силерниң мында магадап көрүп турарыңар бүгү чүвени шуптузун үрегдеп-бузуп кааптар. Маңаа туружундан шимчевээн даш безин артпас – ындыг үе чедип кээр».

Ы. х. к. 30:3

Дээрги-Чаяакчы Бурганың сеңээ эки чолду эгидер, Ол сеңээ ээ-хайыралыын көргүзүп, оларның аразынга тоо быдарадып кааны бүгү чоннар иштинден сени катап чыып эккээр.

Ы. х. к. 30:5

Дээрги-Чаяакчы Бурганың сени ада-өгбеңниң ээлеп чорааны черже эккээрге, ол черни ээлеп чурттаар сен; Ол сеңээ буянын көргүзүп, ада-өгбеңден-даа хөй санныг кылдыр өстүрүп-көвүдедир.

Еврейлерге 8:8

Ынчалза-даа Бурган ону буруудадып, мынча дээн: «Израильдиң чону-биле база Иудеяның чону-биле чаа чагыг-керээ чарар үем кел чыдыр – деп, Дээрги-Чаяакчы чугаалаан. –