Иеремия 3:4 - Ыдыктыг Библия

⁴ А ам сен Меңээ: „Аныяамдан тура эргим эжим! Ачам сен!

Иеремия 3:4 Iomraidhean Croise

Ырлар 48:14

Мелегей улустуң эртер оруу база мактанырынга ынак улустуң салым-чолу мындыг боор-дур: Сэла

Ырлар 71:17

Ооң ады, хүн-не хүннеп турар болза, кезээ мөңгеде артсын, ат-алдары салгалдан салгал дамчып артсын; ооң ачызында бүгү чоннар ачы-буянны алзын, олар ону амыр-чыргалдыг кижи деп адазын.

Ырлар 71:5

Салгалдан салгал дамчый, хүн биле ай чырыдып-ла турар болза, улус Сенден коргуп чорзун.

Чугаалар 1:4

олар кенен сеткилдиглерниң сагынгыр боорунга, аныяктарның билиглиг болгаш бодамчалыг боорунга херек;

Чугаалар 2:17

Ол дээрге аныяандан кады чурттаан эжин каапкан, Бурганының берген чагыын уттупкан херээжен-дир.

Иеремия 2:2

«Баргаш, Иерусалимниң чонунга Дээрги-Чаяакчының бо сөстерин чарлап чугаала: „Сактып тур мен, аныяаңда меңээ бердинген чордуң, душтук кыстың ынакшылы-биле меңээ ынак турдуң, ээн кургаг ховуга, үнүш-дүжүт чок черлерге Мени эдерип чордуң.

Иеремия 2:27

Олар ыяшты „Ачам сен“ деп, дашты „Мени төрүп кагдың“ деп турар. Менче арнын эвес, ооргазын эргилдирип кээр-дир. Ол хирезинде-ле айыыл-халапка таварышканда, „Бисти камгалап көрем!“ дижир-дир.

Иеремия 3:19

Мен сеңээ ажы-төлүмге дег хамаарылгалыг болуксадым, сеңээ күзенчиг черни, чоннарның эң кайгамчык үлүүн дыка берикседим. Сен Мени „Ачам“ деп адаар боор деп, Менден ойталавас боор деп бодадым.

Иеремия 31:22

Кажанга чедир улчуп кээр сен, өскерликчи кыс? Дээрги-Чаяакчы чер кырынга туруп көрбээн чүүлдү кылды: кыс кижи бодунуң эр эжинче дедир эглип келди».

Иеремия 31:9

Израильчилер ол чурттан ыы-сыылыг чоруптар – мен ам оларны суглар кыдыы-биле оргу-дески оруктап эдертир мен, олар аңаа илдикпес. Мен – Израильдиң адазы-дыр мен, Эфрем – Мээң дун оглум-дур!

Осия 2:15

Ооң соонда Мен аңаа чимистиг шөлдерни бээр мен, а Хай-халап шынаазын идегелдиң кирер эжии кылдыр бээр мен; ол аңаа бодунуң аныяк үезинде дег, египет черден үнүп турган хүнүнде дег, Меңээ харыылаар.

Малахия 1:6

«Оглу адазын, а чалча кижи – дээргизин хүндүлээр. Бир эвес Мен Адаңар болзумза, Меңээ хүндүткелиңер кайыл? Бир эвес Мен Дээргиңер болзумза, чүге Мени хүндүлевес силер?» Бурганның адын баксырадып чоруур бараалгакчылар, Аг-шериглиг Дээрги-Чаяакчының силерге чугаалаан чүвези ол-дур. А силер: «Сээң адыңны канчаар баксыраттывыс?» – деп тур силер.

Малахия 2:14

«Чүге ындыгыл?» – деп айтырып тур силер. Чүге дээрге Дээрги-Чаяакчы аныяаңда өгленишкен кадайың биле сээң араңарда херечи-дир: ол херээжен кижи сээң кыс эжиң, өгленчир дугайында дугуржулга ёзугаар кадайың-даа болза, сен аңаа шынчы эвес болган-дыр сен.