Иеремия 3:3 - Ыдыктыг Библия

³ Ынчангаш чаъс чагбастаан, Мен часкы чаъс-чайыкты кутпайн турдум. Сээң арын-шырайың самыын-садар херээженнии дег-дир, ыядыр арның чок-тур!

Иеремия 3:3 Iomraidhean Croise

Эге дөс 19:34

Эртенинде ол дуңмазынга мынча дээн: «Эрткен дүне ачам-биле мен удудум. Бо дүне база аңаа арагадан эзиртир ижиртип аалы. Сен келгеш, ооң-биле удуп чыдып аар сен. Ам канчаар, бодувустуң ачавыстан-даа болза, ажы-төлдүг болур бис».

Неемия 9:17

Олар Сени тооп дыңнаарындан ойталап, аразынга Сээң кылып турган кайгамчык чүүлдериңни сагынмайн барган. Олар чөрүүленип, Египетте кулданыынче эглирин күзээш, боттарынга баштыңчы олуртуп алган. Ынчалза-даа Сен – килеңнээчел эвес, өршээринге ынак, ээ көрнүүчел, кээргээчел, өндүр улуг энерелдиг Бурган-дыр сен. Оларны каапкаш барбаан сен!

Чугаалар 21:29

Бузуттуг кижиниң ыядыр арны чок болур, а эки мөзүлүг кижи бодунуң оруу-биле дорт бар чыдар.

Исайя 5:6

Мен ону ээн чер кылып каар мен, артык адырларын кеспес мен, хөрзүнүн коптарбас мен, ону тенниг бок үнүш дуй үнер. Ынаар чаъс чагдырбас кылдыр булуттарга дужаар мен».

Иеремия 14:1

Дээрги-Чаяакчының Иеремияга каңдаашкын дугайында ажыдып каан сөзү бо-дур.

Иеремия 14:22

Өске чоннарның хоозун дүрзү-бурганнары чаъс чагдырып шыдаар бе? Дээр чайыкты боду хайырлаар бе? Дээрги-Чаяакчы Бурганывыс, Сен хайырлаар эвес сен бе? Сеңээ идегеп тур бис, чүге дээрге ол бүгүнү Сен чаяап турар болгай сен.

Иеремия 14:3

Ызыгууртаннар чалчаларын сугладып чорударга, демгилери кудуктарга келгеш, узар суг чок боорга, куруг саваларлыг чанып кээп, ыядып-човаанындан арнын чажырып турар.

Иеремия 14:4

Чаъс чагбастаан болгаш, чер кыры чарлыгылап калган. Тараажылар бак атка кирип, арнын чажырып алган!

Иеремия 36:2

«Дүрүг-номдан ап алгаш, аңаа Израиль, Иудея болгаш шупту чоннар дугайында бүгү сөстеримни – Иосия хаан чагырып турда, сээң-биле эң баштай чугаа кылып эгелээн хүнүмден эгелеп, амгы үеге чедир сеңээ чугаалаан бүгү чүвемни бижип каг.

Иеремия 5:24

Олар сеткил-чүрээнде: „Дээрги-Чаяакчы Бурганывыстан коргуп чоруулу, Ол биске чогуур хуусаада, күзүн-даа, чазын-даа чаъзын чагдырып, дүжүт ажаар үелерни тодарадып бээр болгай“ – дивээн-дир.

Иеремия 5:25

Оларның кем-буруузу ол бүгүнү оларга бербейн барды, бачыттары ачы-буянны олардан хунаап аппарды.

Иеремия 5:3

Дээрги-Чаяакчы, Сээң карааң алыс шынны көрүп кагбас деп бе? Чонуңну буурадып турдуң – а ол аарышкыны медереп билбес-тир, ону узуткап турдуң – а ол угаан киреринден ойталаар-дыр. Оларның сеткил-чүрээ даштан кадыг апарып, Бурганче эглиринден ойталады.

Иеремия 6:15

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде кээп дүжер». Дээрги-Чаяакчының чугаалаан чүвези ол-дур.

Иеремия 8:12

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде олар кээп дүжер» – деп, Дээрги-Чаяакчы чугаалаан.

Иеремия 9:12

Чүге бо чер өлүглени бергенил, чүге ээн кургаг хову дег өрттенгенил, чүге ында чорумалдар чогул? Бо бүгүнү билип шыдаар мерген угаанныг кижи бар бе? Дээрги-Чаяакчының чугаалаан сөзүн дамчыдып шыдаар кижи бар бе?

Иезекиил 3:7

А израиль чон сени тооп дыңнаар хөңнү чок-тур, чүге дээрге олар хай-чагырга чок, чөрүү улус болгаш, Мени тооп дыңнаар хөңнү чок-тур.

Левит 26:19

Күш-шыдалыңарның улуургак чоруун сый шавар мен. Дээрни демир дег, черни чес дег кылып каар мен.

Амос 4:7

«Мен дүжүт ажаалдазынга чедир үш ай арткан турда, силерже чаъс чагдырбайн турдум; бир хоорайже чаъсты чагдыргаш, өскезинче чагдырбас турдум; бир шөлдү чаъс-биле суггаргаш, өскезин суггарбайн баарымга, кургап каар турду.

Амос 4:8

Элээн каш хоорайларның чону суксунун хандырар дээш чаңгыс хоорайга элеңейндир кылаштап кээрге-даа, шуптузунуң суксунун хандырар суг чок боор турду. Ындыг-даа болза, Менче эглип келбээн силер». Дээрги-Чаяакчының медеглээн чүвези ол-дур.

Софония 2:1

Арын-нүүр чок чон! Тодарадып каан хүн келбээнде, силерни хатка сүрдүрген тараа саваңы ышкаш өскээр сүрүп аппарбаанда, Дээрги-Чаяакчының кыптыккан килеңи силерни чиртип кааптаанда, Ооң килеңиниң хүнү силерни таварбаанда, чыглып, бөлдүнчүңер-ле!

Софония 3:5

Чүгле Дээрги-Чаяакчы хоорайда чөптүг чүве кылып турар, Ол бузуттуг чүве үүлгетпес. Ол эртенниң-не чырыткылыг шын шииткел үндүрүп турар, ынчалза-даа бузуттугларның ыядыр арны чок-тур.

Аггей 1:11

Чер кырынче, дагларже кааңнаашкынны кыйгырып ыттым – далган-тарааже, виноград чулуунче, олива үзүнче, черниң беримчези болур бүгү чүвеже, кижиже, мал-маганче, кандыг-даа ажылдың үре-түңнелинче кааңнаашкынны кыйгырып ыттым».

Ы. х. к. 28:23

Сээң бажың кырында дээр демир дег, будуң адаанда чер чес дег апаар.

Еврейлерге 12:25

Көрдүңер бе, силерге чүве медеглеп турар Кижиден ойталаваңар. Ол черге медеглеп турда, Ону дыңнаарындан ойталаан улус кеземчеден чайлап шыдаваан болганда, дээрден медеглеп турар Оон хая көрнү бээр болзувусса, кеземчеден чайлаар харыывыс оон-даа эвээш-тир.