Иеремия 3:23 - Ыдыктыг Библия

²³ Тейлерде – чүгле меге, дагларда – чүгле шимээнниг чыыштар бар болгай. Израильдиң камгалалы чүгле Дээрги-Чаяакчы Бурганывыстан кээри шын-дыр!

Иеремия 3:23 Iomraidhean Croise

Ырлар 3:8

Дээрги-Чаяакчы, дүрген келем, Бурганым, мени камгала! Шупту дайзыннарымның чаактарынче дажып, бузуттугларның азыг-дижин турулдур шаап тур сен,

Ырлар 62:7

Орун-дөжээмге чыткаш, Сени сактып, дүннү өттүр Сээң дугайыңда бодаар мен:

Чугаалар 21:31

Чаалажырда мунар дээш, аът-хөлдү белеткеп каар, а тиилелгени Дээрги-Чаяакчы хайырлаар.

Исайя 10:20

Ол хүн кээрге, Израильдиң артынчызы – Иаковтуң салгалындан артып калган улус боттарының дарлакчыларынга оон ыңай ынанмастай бээр, а Дээрги-Чаяакчыга, Израильдиң ыдыктыг Бурганынга шыны-биле ынаныр.

Исайя 12:2

Шынап-ла, мээң Камгалакчым – Бурган, Аңаа идегээр болгаш, чүден-даа кортпас мен. Дээрги-Бурган-Чаяакчы – мээң күчү-күжүм, ырым; Ол меңээ камгалал болду» – деп ырлаар сен,

Исайя 43:11

Мен, чүгле Мен – Дээрги-Чаяакчы мен! Менден өске Камгалакчы чок!

Исайя 44:9

Дүрзү-бурганнар кылып турар бүгү улус чүү-даа эвес-тир, оларның аажок үнелээр дүрзүлери кандыг-даа ажык-дуза чок. Оларның ол херечилери чүнү-даа көрбес, чүнү-даа угаап билбес, ынчангаш бак атка кирер!

Исайя 45:15

Сен, шынап-ла, ажыт-чажыт Бурган-дыр сен, Израильдиң Бурганы, Камгалакчызы-дыр сен.

Исайя 45:17

А Израильди Дээрги-Чаяакчы камгалаар, аңаа кезээ мөңгеде камгалалды хайырлаар! Силер моон соңгаар кезээ шагда бак атка кирбестеп, бужартавас силер.

Исайя 45:20

Силер, чоннарның артынчылары, чыглып алгаш, чедип келиңер, бөлдүнчүп алгаш, чоокшулап келиңер. Ыяш дүрзүлер эдилеп, камгалал бербес бурганнарга мөргүп турар улустуң билир чүвези чок-тур.

Исайя 63:1

Эдом черден кел чыдар, Восора хоорайдан кел чыдар кызыл хептиг кымыл ол? Каас-коя хеп кеткен, Бодунуң өндүр улуг күчү-күжү-биле кылаштап олурар кымыл ол? «Ол – Мен-дир мен – чөптүг-шынныг сөстер медеглеп турар, камгалап шыдаар күчү-күштүг Мен-дир мен».

Исайя 63:16

Сен – бистиң Адавыс сен! Авраам бисти билир хөңнү чок-даа болгай-ла, Иаков бисти хүлээп көрүксевейн-даа баргай-ла, ынчалза-даа Сен, Дээрги-Чаяакчы – бистиң Адавыс сен; эрте шагдан бээр Сээң адың – «Камгалакчывыс» болгай.

Иеремия 14:8

Израильдиң Идегели, айыыл-халап үезинде ооң Камгалакчызы! Чүге Сен ам бо черде хары кижи дег, хонуп аар дээш түр доктааган аян-чорукчу дег апардың?

Иеремия 17:14

Мени экиртип көрем, Дээрги-Чаяакчы, ынчан экирий бээр мен, мени камгалап көрем, ынчан камгалал алыр мен, чүге дээрге Сени алгап-мактап тур мен!

Иеремия 17:2

Олар өргүл салыр бедигээштеринче, Ашера бурганга тураскааткан ыяштарынче, саглагар ыяштарынче, бедик тейлеринче, ховуда дагларынче, боттарының оолдарынче дег, сагыш салып турар. Иудея, бүгү эт-хөреңгиңни, эртине-байлааңны өргүл салыр бедик черлериң дээш, бүгү девискээрлериңде үүлгедип турар бачыттарың дээш, өске улуска олча-тывыш кылдыр бериптер мен.

Иеремия 3:6

Дээрги-Чаяакчы меңээ Иосияның хааннаан үезинде: «Өскерликчи херээжен дег Израильдиң чүнү үүлгедип турганын көрген-не болгай сен. Ол бедик даг бүрүзүнче барып, таварышкан-на хөлегелиг салбагар ыяш адаанче кирип, аңаа самыырап турду.

Иеремия 31:7

Дээрги-Чаяакчы мынча дээн: «Израильди өөрүшкүлүг алгап ырлаңар, чоннарның баштыңын мендилеңер! Чарлап, мактаңар база „Дээрги-Чаяакчы, Бодуңнуң чонуңну, Израильдиң арткан кезээн камгалап көр!“ – деп дилеңер.

Иезекиил 20:28

Мен оларны бээр бооп даңгыраглаан черимче эккелдим. А олар бедик тей азы улуг хөлегелиг ыяш көрүп кааш-ла, аңаа өргүлдер кылып, Мээң килеңим оттурар өргүл белектери салып, чаагай чыттыг чүүлдер кыпсып, арага өргүлдери чажып турду.

Осия 1:7

А Иудеяның чонунга ээ-хайыра көргүзерин уламчылап, оларны чаа-дайын: ча-согун, хылыш болгаш дайынчы аъттарлыг шериглер-биле эвес, а ооң Дээрги-Чаяакчы Бурганының ачызы-биле камгалаар мен» – дээн.

Иоанн 4:22

Силер, самарийжилер, чүү чүвеге тейлеп чорууруңарны билбес-тир силер, а иудейлер бис чүү чүвеге тейлеп чоруурувусту билир бис, чүге дээрге Бурганның камгалалы иудейлерни дамчыштыр кээр болгай.