Иеремия 3:22 - Ыдыктыг Библия

²² Эглип келиңер, өскерликчи ажы-төлүм, Мен силерни шынчы эвес чорууңардан экиртип каар мен». Көрем, Сенче бар чыдыр бис, чүге дээрге Дээрги-Чаяакчы Бурганывыс – Сен-дир сен!

Иеремия 3:22 Iomraidhean Croise

Соломоннуң өндүр бедик ырызы 1:4

Иерусалим кыстары, кежим карара берзе-даа, ал-бодум аажок чараш! Кедар аймактың чадырлары, Соломоннуң майгынының шывыглары ышкаш мен ийин.

Исайя 1:2

Дээр, дыңна! Чер, кичээнгейге ал! Дээрги-Чаяакчы чугаалап тур: «Мен оолдарымны кижизидип, өстүрүп кагдым, а олар Меңээ удур тура халышты.

Исайя 27:8

Сен олар-биле дайылдашкаш, оларны чуртундан үндүр сывыртап, шиидип турдуң. Сен оларны Бодуңнуң өрттендир чиир хат дег күштүг тыныжың-биле үндүр үрүпкен сен.

Исайя 31:6

Израильчилер, кедергей кызып ойталааныңар Бурганче эглип келиңер!

Исайя 57:17

Мен оларже бачыттыг ажык-кончаа сүргени дээш килеңнээн мен, оларны кезедип, хорадаанымдан хая көрнүп турдум, а олар боттарының оруунче катап база эглип турду.

Иеремия 3:12

Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 30:17

Сени улус кагдырган деп санап: „Сион бо-дур, ол ам кымга-даа херекчок апарды!“ – деп турза-даа, Мен сени экиртип, балыгларыңны эмнээр мен». Дээрги-Чаяакчының медеглээн чүвези ол-дур.

Иеремия 31:18

Дыңнап кагдым – Израиль ыглап-сыктап: „Сен мени кезеттиң, чөрүү молдурга ышкаш, кеземче алдым. Эглип келзин дээш, мени ээлдирип алам, Дээрги-Чаяакчы, Сен – мээң Бурганым болгай сен!

Иеремия 33:6

Ындыг-даа болза, Мен бо хоорайга эмненип, сегиир арга берип, экиртир мен. Оларны эмнээш, элбек-чаагай амыр-тайбың биле алыс шынны оларга ажыдар мен.

Иеремия 4:1

«Израиль, бир эвес эглип келиксээр болзуңза, Менче эглип кел – деп, Дээрги-Чаяакчы медеглээн. – Чүдек-бужар дүрзүлериңни ап октапкаш, улчуп чорбастай берзиңзе база

Иезекиил 18:30

Ынчангаш, израиль чон, Мен силерниң кайыңарны-даа бодунуң оруктары дээш шиидер мен – деп, Дээрги-Бурган-Чаяакчы медеглээн. – Бачыдыңар минниңер! Бүгү кемниг херектериңерден ойталаңар, бузудуңар силерге моондак апарбас болзун.

Иезекиил 33:11

Оларга мону дамчыт. Дириг Бодумнуң адым-биле даңгыраглап тур мен: Мен бачыттыгларның өлүмүн эвес, а боттарының оруктарындан чайлап, амы-тынныг артарын күзеп тур мен – деп, Дээрги-Бурган-Чаяакчы медеглээн. – Менче эглип келиңер, бузуттуг оруктарыңардан чайлаңар! Израиль чон, чүге өлүр ужурлуг сен?!

Осия 13:4

А Мен – египет черге турган үеңден бээр, сээң Дээрги-Чаяакчы Бурганың болгай мен, сен Менден өске Бурган билбес сен, Менден өске Камгалакчы-даа чок.

Осия 14:1

Самария бодунуң буруузун чүктээр, чүге дээрге бодунуң Бурганынга удур тура халаан-дыр; израильчилер хылыштан кырлып калыр, оларның чаш төлдерин черже чылча октап, сааттыг херээженнерин одура шаап каар».

Осия 14:4

Ассирия бисти камгалавас, дайынчы аъттарывысты мунмас бис, холувустуң кылыгларын ‘Бурганывыс’ деп адавас бис, чүге дээрге өскүс улуска чүгле Сен ээ-хайыралыг болгай сен“ – деп чугаалаңар.

Осия 14:5

Менден ойталаар чоруктан оларны экиртир мен, оларга сеткилим ханызындан ынак болур мен, чүге дээрге Мээң килеңим олардан чайлай берген-дир.

Осия 14:8

Ооң хөлегезинге серииттенип олурган улус ээп келир, олар далган-тарааны эңдере ажаап аар, боттары виноград сывы дег чечектелип, Ливанның сураглыг арагазы ышкаш алдаржый бээрлер.

Осия 3:5

Израиль чон ооң соонда Бурганынче эглип, Дээрги-Чаяакчыже чүткүүр база бодунуң хааны Давидтиң салгакчызын хүлээп көөр, келир үеде ачы-буянныг Дээрги-Чаяакчыдан коргар.

Иоил 2:12

Дээрги-Чаяакчы: «Ам безин Менче бүгү чүлдү-чүрээңерден, шээрленип база ишкирнип ыглап тургаш, эглип келиңер» – деп медеглээн.

Захария 13:9

Чоннуң арткан кезиин отче киирер мен; оларны мөңгүн ышкаш эзилдирип, шылгаар мен, алдын ышкаш арыглаар мен. Олар Мээң адымны кыйгырып, Меңээ мөргүүрге, оларга харыылаар мен: „Бо Мээң чонум-дур“ – дээр мен. А олар: „Дээрги-Чаяакчы – бистиң Бурганывыс!“ – дээр».