Иеремия 3:18 - Ыдыктыг Библия

¹⁸ Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иеремия 3:18 Iomraidhean Croise

Эге дөс 12:7

Дээрги-Чаяакчы Аврамга көстүп келгеш: «Бо черни Мен сээң үре-салгалыңга бээр мен» – дээн. Ынчан Аврам Дээрги-Чаяакчының көстүп келген черинге Аңаа өргүл салыр бедигээш тудуп каан.

Исайя 43:5

Кортпа, Мен сээң-биле болгай мен; сээң үре-салгалыңны чөөн чүктен эккээр мен, барыын чүктен база сени чыыр мен.

Исайя 43:6

Соңгу чүкке: „Оларны дедир бер!“ – дээр мен, мурнуу чүкке: „Оларны салывыт! – дээр мен. – Мээң оолдарымны ырактан, Мээң кыстарымны – чер-делегейниң ужу-кыдыындан эдертип эккел –

Иеремия 16:15

харын олар: „Израиль чонну соңгу чүкте черден, оларны ынаар үндүр сывырыпканы бүгү чурттардан үндүре берген дириг Дээрги-Чаяакчының ады-биле!“ – деп чугаалап эгелээр, чүге дээрге оларның ада-өгбезинге берген черимче оларны дедир эгидер мен.

Иеремия 23:8

Харын улус: „Израиль чонну соңгу чүкте черден үндүре берген дириг Дээрги-Чаяакчының ады-биле!“ – деп бир өскээр чугаалааш, Мээң оларны үндүр сывырыпканым бүгү чурттардан дедир чанып келгеш, боттарының черинге чурттаар».

Иеремия 3:12

Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 30:3

Чүге дээрге үези кээрге, Мээң чонумга, Израиль биле Иудеяга, эки чолду эгидер мен – деп, Дээрги-Чаяакчы медеглээн, – оларның ада-өгбезинге берген черимче оларны дедир чандырар мен, олар ынчан черин ээлеп чурттаар».

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 50:20

Ол хүннерде, ол үе кээрге, улус Израильдиң кем-буруузун дилээр-даа болза, үре-түңнелдиг болбас, Иудеяның бачыдын дилээр-даа болза, тыппас – деп, Дээрги-Чаяакчы медеглээн, – чүге дээрге Мен чонумнуң артынчызын өршээр мен.

Иеремия 50:4

Ол хүннерде, ол үе кээрге, Израильдиң чону база Иудеяның чону кады чедип кээр – деп, Дээрги-Чаяакчы медеглээн. – Олар ыы-сыылыг чорупкаш, боттарының Бурганы Дээрги-Чаяакчыже чүткүп эгелээр.

Иеремия 50:5

Олар Сион чедер орук дилээр, арыннарын олче шиглей көрүп: „Барып, Дээрги-Чаяакчыга каттыжып, уттуп-кагбас мөңге керээни Ооң-биле чарып аалы“ – дээрлер.

Иеремия 7:7

Ынчан Мен ада-өгбеңерге үе-дүпте кезээ мөңгеде ээлээр кылдыр берген черимге – шак бо черге силерни чурттадып арттырар мен.

Иезекиил 11:17

Оон Дээрги-Бурган-Чаяакчының чугаалаан бо чүвезин база дамчыт: Мен силерни өске чоннардан чыып, тарадып каапканым чурттардан дедир чандырар мен, израиль черни силерге эгидип бээр мен.

Осия 1:11

Иудеяның, Израильдиң чону ынчан каттыжып чыылгаш, боттарын чагырар чаңгыс баштыңчы олуртуп алгаш, боттарының черинге үнүш дег өзүп үнүп кээр. Изреелдиң хүнү өндүр улуг болур!

Осия 11:12

«Мени Эфрем меге-биле, израиль чон – авыяас чоруу-биле бүзээлеп алган; Иудея шынчы ыдыктыг Бурганындан аза берген».

Осия 2:2

«Аваңар-биле чаргылдажыңар-ла, чаргылдажыңар, чүге дээрге ол – Мээң кадайым эвес-тир, а Мен – ооң ашаа эвес-тир мен; аваңар бодунуң самыын чоруун – арнындан, өскерликчи чоруун – эмиглеринден ап каапсын.

Амос 9:15

Израильчилерни боттарының черинге чурттадып каар мен, оларны Мээң бергеним черден база катап үндүр сывырбас». Дээрги-Чаяакчы Бурганыңның чугаалаан чүвези ол-дур.

Захария 10:6

Иуданың салгалын быжыглаар мен, Иосифтиң салгалын камгалаар мен. Оларны Мен чандырар мен, чүге дээрге кээргей бердим. Олар Меңээ кажан-даа кагдырбаан ышкаш боор. Оларның Бурганы Дээрги-Чаяакчы – Мен болгай мен, оларга харыы бээр мен.

Захария 2:6

«Эйт, эйт! Соңгу чүкте чурттан бээр дезип маңнажыңар! Силерни дээрниң дөрт хады-биле тарай шаапкан болгай мен – деп, Дээрги-Чаяакчы медеглээн. –