Иеремия 3:16 - Ыдыктыг Библия

¹⁶ Бо черге өзүп-көвүдеп, эңдерли бээр силер – деп, Дээрги-Чаяакчы медеглээн, – ол хүннерде Дээрги-Чаяакчының чагыг-керээзин шыгжаан аптара дугайында улус чугаалашпас, ону бодавас база сагынмас, ону хереглевес, өске ыдыктыг аптара-даа кылып албас.

Иеремия 3:16 Iomraidhean Croise

Исайя 60:22

Оларның эң бичезинден муң кижи укталыр, эң чөгенчиинден – эңдерик чон укталыр. Мен, Дээрги-Чаяакчы, үези кээрге, ону боттандырарынче далажыр мен».

Исайя 61:4

Олар эрте-бурунгу бузундулар орнунга хоорайларны катап тудар, шаг шаанда хоозураан хоорайларны катап тургузар, эрткен салгалдар үезинден бээр хоозурап калган чыткан, үрелип бузулган хоорайларны чаартып тудар.

Исайя 65:17

Көрүңер, Мен чаа дээр биле чаа черни чаяар деп тур мен, биеэде турган чүве моон соңгаар сагышка артпас, угаанга кирбес.

Иеремия 3:17

Ол үеде Дээрги-Чаяакчының дүжүлгези деп атты Иерусалимге тыпсыр, бүгү чоннар Иерусалимге чыглып келгеш, Дээрги-Чаяакчының адынга мөгеер, оон соңгаар боттарының чөрүүленген бузуттуг чүректеринге чагыртып чурттавайн баар.

Иеремия 30:19

Улус-чон мактал тудуп мөргүүр, өөрүп алгыржыр. Мен оларны өстүрүп-көвүдедир мен – олар моон соңгаар эвээжевес; оларны алдаржыдар мен – олар куду көрдүрбес.

Иеремия 31:27

«Израиль биле Иудеяны чурттакчы чон болгаш мал-маган-биле долдурар үем кел чыдыр – деп, Дээрги-Чаяакчы медеглээн. –

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 7:4

„Дээрги-Чаяакчының өргээзи мында тур! Дээрги-Чаяакчының өргээзи тур! Дээрги-Чаяакчының өргээзи!“ дээн меге сөстерге идегевеңер.

Иезекиил 15:5

Ол будук бүдүн тургаш, чүнү-даа кылырынга таарышпаан болза, ону от чиптерге, өрттенип калган соонда, ол ам кандыг-бир чүве кылырынга тааржыр бе?»

Иезекиил 37:26

Мен олар-биле эп-найырал керээзи чарып аар мен, ол болза мөңге чагыг-керээ болур. Оларны боттарының черинге турумчудуп, өстүрүп-көвүдедир мен. Бодумнуң ыдыктыг оран-савамны оларның аразынга кезээ мөңгеде тургузар мен,

Амос 9:9

Дыңнаңар даан, Мен дужаал берип, израиль чоннуң бок хавыын, далган-тарааны шишкиишке челбиири дег, бүгү чоннар аразынче тарай шишкиир мен, чаңгыс-даа үрезин черже кээп дүшпес!

Софония 3:11

Иерусалим, ол хүн сен чурттакчыларыңның Меңээ удур үүлгедип турган бачыттары дээш бак атка кирбес сен, чүге дээрге Мен турамык болгаш улуургак бүгү улусту сенден үндүре бээр мен, ооң соонда Мээң ыдыктыг даамга өрү көрдүнмес сен.

Матфей 1:11

Иосия – Иехонияның болгаш ооң дуңмаларының өгбези турган. (Оларның чурттап турган үезинде израиль чонну Вавилонче көжүрүп үндүрген чүве-дир.)

Матфей 3:9

Чүгле: „Бистиң адавыс – Авраам“ – деп сөстер-биле боттарыңарны аргалаарын семевеңер! Бурган бо чыдар даштардан-даа Авраамга ажы-төл чаяап шыдаар дээрзин силерге чугаалап тур мен.