Иеремия 3:12 - Ыдыктыг Библия

¹² Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 3:12 Iomraidhean Croise

Эге дөс 4:7

Бир эвес эки чүве кылып турар болзуңза, бажың көдүр. А бир эвес эки чүве кылбайн турар болзуңза, эргин аксында бачыт кедеп чыдар. Ол сени бодунуң аайынче киириксеп турар-дыр, ынчалза-даа сен ону чагырар ужурлуг сен».

4 Хааннар 15:29

Факейниң Израильди чагырып турган үезинде Ассирияның хааны Тиглат-Пилесер халдап келгеш, Ийон, Авел-Бет-Мааха, Ианох, Кедес болгаш Асор хоорайларны, Галаад биле Галилеяның девискээрлерин, Неффалимниң аймааның бүгү черин эжелеп алгаш, чонну Ассирияже тудуп алгаш барган.

4 Хааннар 17:23

Адак соонда Дээрги-Чаяакчы израиль чонну Бодунуң бүгү чалча-медээчилерин дамчыштыр сагындырып турганы дег, Бодунуң мурнундан сывырып чорудупкан – израильчилерни боттарының чуртундан Ассирияже тудуп алгаш барган, олар амдыгаа чедир ында чурттап турар.

4 Хааннар 17:6

Осияның чагыргазының тоску чылында Салманассар Самарияны эжелеп ап, израильчилерни Ассирияже тудуп аппаргаш, оларны Халахка, Хавор хем чанында Гозанга болгаш Мидияның хоорайларынга чурттадып каан.

4 Хааннар 18:1

Иланың оглу, Израильдиң хааны Осияның чагыргазының үшкү чылында Иудеяның хааны Ахазтың оглу Эзекия хаан апарган.

2 Чылдар 29:10

Ам мен Израильдиң Бурганы Дээрги-Чаяакчы-биле керээ чарып аарын күзеп тур мен – Ооң кыптыккан килеңи бистен чайлазын.

2 Чылдар 30:9

Дээрги-Чаяакчыже эглип кээр бооруңарга, силерниң ха-дуңмаңарны, ажы-төлүңерни тудуп алган ассирийлер оларны кээргей бээр, олар ынчан бо чуртче чанып кээр, чүге дээрге бистиң Бурганывыс Дээрги-Чаяакчы ачылыг болгаш кээргээчел. Силер Олче эглип кээр болзуңарза, Ол силерден хая көрүнмес».

Ырлар 103:17

оларга кушкаштар уялар тудуп аар; шивилерге аист куштар уяланыр,

Ырлар 103:8

Дагларже үнүп, шынааларже бадып, Сээң оларга айтып бергениң черже агып турган.

Ырлар 103:9

Сен сугларның ажыр акпас кызыгаарын тургузуп кагдың, олар ам черни хөме агар дээш дедир ээп шыдавас.

Ырлар 145:8

Дээрги-Чаяакчы согурларның караан ажыдар, Дээрги-Чаяакчы бүшкүктерни дорттай хөндүрер. Дээрги-Чаяакчы чөптүг-шынныг улуска ынак.

Ырлар 79:5

Аг-шериглиг Дээрги-Бурган-Чаяакчы! Чежеге дээр Бодуңнуң чонуң мөргүлүн хорадап дыңнавас сен?

Ырлар 86:5

А Сион дугайында: «Ол-даа кижи, бо-даа кижи Сионга төрүттүнген. Дээди Өрүкү ол хоорайны Боду үндезилеп тургузуп турар» – деп чугаалажыр.

Чугаалар 28:13

Бачыттыг үүлгедииңни чажырар болзуңза, эки чүве көрбес сен, а ону ажыы-биле миннип, ойталаар болзуңза, өршээл алыр сен.

Исайя 31:6

Израильчилер, кедергей кызып ойталааныңар Бурганче эглип келиңер!

Исайя 44:22

Мен сээң кем-бурууңну туман дег, бачыттарыңны – булуттар дег тарадып каапкан мен. Сени садып хостап кагдым – Менче эглип кел!»

Иеремия 11:6

Дээрги-Чаяакчы меңээ: «Бүгү бо сөстерни Иудеяның хоорайларынга, Иерусалимниң кудумчуларынга чарлап, чугаала. Шак бо чагыг-керээниң сөстерин дыңнаңар база күүседиңер!

Иеремия 12:15

Ынчалза-даа оларны тура тыртканым соонда, Мен оларга өршээл көргүзүп, кайызын-даа бодунуң ээлээн черинче эгидер мен.

Иеремия 23:8

Харын улус: „Израиль чонну соңгу чүкте черден үндүре берген дириг Дээрги-Чаяакчының ады-биле!“ – деп бир өскээр чугаалааш, Мээң оларны үндүр сывырыпканым бүгү чурттардан дедир чанып келгеш, боттарының черинге чурттаар».

Иеремия 3:1

«Ашаа кадайын чандырыптарга, кадайы оон чоруй баргаш, өске ашакка барып аар болза, баштайгы ашаа олче эглип кээп болур бе? Ынчаар болза, ол чер бужартай бербес деп бе? А сен хөй таныштарың-биле самыырап турган хиреңде-ле, Менче эглип кээр деп тур сен бе? – деп, Дээрги-Чаяакчы медеглээн. –

Иеремия 3:14

«Эглип келиңер, өскерликчи ажы-төл – деп, Дээрги-Чаяакчы медеглээн, – чүге дээрге Мен – Ээңер-дир мен, силерни, бир хоорайдан-на – бир кижи, бир аймактан-на – ийи кижи кылдыр эдертип алгаш, Сионче эккээр мен.

Иеремия 3:18

Ол хүннерде Иудеяның чону Израильдиң чону-биле каттыжып алгаш, соңгу чүкте чурттан силерниң ада-өгбеңерге Мээң берген черимче чоруй баар.

Иеремия 3:22

Эглип келиңер, өскерликчи ажы-төлүм, Мен силерни шынчы эвес чорууңардан экиртип каар мен». Көрем, Сенче бар чыдыр бис, чүге дээрге Дээрги-Чаяакчы Бурганывыс – Сен-дир сен!

Иеремия 3:5

Таанда-ла кезээ мөңгеде килеңнээр сен бе, кезээде хорадаар сен бе?“ – деп турар-дыр сен. Ынча дээр хиреңде-ле, бар шааң-биле бузут үүлгедир-дир сен».

Иеремия 3:7

Бүгү үүлгедиглериниң соонда, ол Менче эглип кээр боор деп бодадым, ынчалза-даа ол эглип келбеди. Ооң сөс ээлевес кыс дуңмазы Иудея ону көрүп турду.

Иеремия 30:11

Чүге дээрге Мен сээң-биле кады мен – деп, Дээрги-Чаяакчы медеглээн, – Мен сени камгалаар мен! Оларның аразынга сени тоо быдаратканым бүгү чоннарның когун үзер мен, а сени узуткавас мен. Ындыг-даа болза, сени чөптүү-биле кезедир мен, кеземче чок арттырбас мен!»

Иеремия 31:20

А Эфрем – Мээң эргим оглум, ынак төлүм эвес чүве бе? Мен ону чаңгыс эвес катап чемелеп турдум, ынчалза-даа черле утпаан мен! Мээң сеткил-чүрээм ол дээш муңгарап чор, Мен ону кээргеп тур мен!» Дээрги-Чаяакчының медеглээн чүвези ол-дур.

Иеремия 31:21

«Бодуңга орук демдеглээр даштардан салып ал, чагылардан тургузуп ал, сеткил-чүрээңни биеэде чоруп турганың дорт орукче угландыр. О, Израиль-кыс, эглип кел, бодуңнуң хоорайларыңче эглип кел!

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 33:26

Мен Иаковтуң салгалындан, Мээң чалчам Давидтиң салгалындан ойталавас мен: оларның аразындан Авраам, Исаак болгаш Иаковтуң салгалын чагырар кижилерни шилиир мен! Мен оларга эки чолду эгидер мен» – дээн.

Иеремия 4:1

«Израиль, бир эвес эглип келиксээр болзуңза, Менче эглип кел – деп, Дээрги-Чаяакчы медеглээн. – Чүдек-бужар дүрзүлериңни ап октапкаш, улчуп чорбастай берзиңзе база

Ыы-сыы 3:22

Дээрги-Чаяакчы, энерелиң кызыгаар чок, өршээлиң-даа үстүп төнмес –

Иезекиил 11:17

Оон Дээрги-Бурган-Чаяакчының чугаалаан бо чүвезин база дамчыт: Мен силерни өске чоннардан чыып, тарадып каапканым чурттардан дедир чандырар мен, израиль черни силерге эгидип бээр мен.

Иезекиил 33:11

Оларга мону дамчыт. Дириг Бодумнуң адым-биле даңгыраглап тур мен: Мен бачыттыгларның өлүмүн эвес, а боттарының оруктарындан чайлап, амы-тынныг артарын күзеп тур мен – деп, Дээрги-Бурган-Чаяакчы медеглээн. – Менче эглип келиңер, бузуттуг оруктарыңардан чайлаңар! Израиль чон, чүге өлүр ужурлуг сен?!

Иезекиил 39:25

Ынчангаш Дээрги-Бурган-Чаяакчы мынча дээн: «Мен ам Иаковтуң салгалынга эки чолду эгидип, бүгү израильчилерге өршээл көргүзер мен, Бодумнуң ыдыктыг адымны камгалаар мен.

Осия 6:1

Олар хилинчекке бүргеткеш, Менче чүткүп эгелээр». Барып, Дээрги-Чаяакчыже эглиили! Ол бисти аартып каан – Ол бисти экиртип каар; бисти балыглап каан – балыгларывысты шарып бээр;

Левит 26:40

Ынчан олар боттарының болгаш ада-өгбезиниң кем-буруузун база Меңээ өскерлип, кемниг херектер үүлгеткеннерин, Меңээ удур болуп турганнарын миннирлер.

Захария 1:4

Ада-өгбеңер дег болбаңар. Оларны Бурганның биеэде турган медээчилери кыйгырып, Аг-шериглиг Дээрги-Чаяакчының: „Бузуттуг оруктарыңардан база багай үүлгедиглериңерден ойталаңар“ – деп чугаалаан чүвезин дамчыдарга, олар Мени тооп дыңнаваан, Менче кичээнгей салбаан болгай – деп, Дээрги-Чаяакчы медеглээн. –

Ы. х. к. 30:2

бодуң-даа, үре-салгалың-даа Дээрги-Чаяакчы Бурганыңче эглип кээп, бөгүн сеңээ айтып-чагып турарым Ооң сөзүн бүгү чүлдү-чүрээңден, бүгү сеткил-сагыжыңдан тооп дыңнаар болзуңза,