Иеремия 27:12 - Ыдыктыг Библия

¹² Ол бүгү сөстерни мен Иудеяның хааны Седекияга база медеглеп, мынча дээн мен: «Вавилоннуң хаанының кедирген хомудун мойнуңарга сугарындан ойталаваңар. Аңаа база ооң чонунга бараан болуңар, ынчан амы-тынныг артар силер!

Иеремия 27:12 Iomraidhean Croise

Чугаалар 1:33

А мени тооп дыңнап турар кижи кандыг-даа бузуттан кортпайн, айыылга таварышпайн, амыр-шөлээн амыдыраар».

Иеремия 17:4

Мээң сеңээ бергеним хувааглыг чериңни бодуңнуң бурууң-биле ышкынар сен. Мен сени билбезиң чуртче дайзыннарыңга кул кылдыр хүлээдир мен, чүге дээрге Мээң килеңим одун өөскүттүң, ол от мөңге кывар!»

Иеремия 21:9

Бо хоорайга арткан улус дайын-чаа, аш-чут болгаш хамчык аарыгдан өлүп каар. А ооң даштынче үне бергеш, силерни бүзээлээн халдейлерге дүжүп бээр улус дириг артар, оларның олча-кежии – амы-тынныг артары боор.

Иеремия 27:8

Ынчалза-даа ам кандыг-бир чон азы күрүне аңаа, Вавилоннуң хааны Навуходоносорга, бараан болбас болза, Вавилоннуң хаанының хомудунче мойнун сукпас болза, Мен ындыг чонну дайын-чаа, аш-чут болгаш хамчык аарыг-биле кезедир мен – деп, Дээрги-Чаяакчы медеглээн, – ол чонну хаанның холу-биле төндүр кыргып-хыдыыр мен.

Иеремия 28:1

Иудеяның хааны Седекияның чагыргазының эгезинде, ооң дөрткү чылының беш айда Азурнуң оглу Анания – Гаваон хоорай чурттуг Бурганның медээчизи – Дээрги-Чаяакчының өргээзинге, Бурганның бараалгакчылары база бүгү чон көрүп турда, меңээ мынча дээн:

Иеремия 28:2

«Аг-шериглиг Дээрги-Чаяакчы, Израильдиң Бурганы мону чугаалаан: „Мен Вавилоннуң хаанының кедирген хомудун чуура шаап каар мен.

Иеремия 38:17

Иеремия ынчан Седекияга мынча дээн: «Дээрги-Чаяакчы, Израильдиң Аг-шериглиг Бурганы: „Бир эвес сен Вавилоннуң хаанының шериг баштыңнарынга дүжүп бээр болзуңза, амы-тының камгалап аар сен, бо хоорайны база хуюкталдыр өрттетпес. Бүгү өг-бүлең-биле кады амы-тынныг артар сен.

Иеремия 42:11

Коргуп турарыңар Вавилоннуң хаанындан кортпаңар! Оон черле кортпаңар! – деп, Дээрги-Чаяакчы медеглээн. – Чүге дээрге Мен силер-биле мен, силерни камгалаар мен, ооң холундан адырар мен.