Иеремия 24:6 - Ыдыктыг Библия

⁶ Оларга ачы-буян чедирери-биле ээ көрнүп, бо черже дедир чандырар мен, оларны маңаа хоозуратпайн, быжыктырар мен, тура тыртпайн, тарып олуртур мен!

Иеремия 24:6 Iomraidhean Croise

Эге дөс 44:21

А силер чалчаларыңар биске: „Дуңмаңарны эдертип эккелиңер, ону көрейн“ – деп дужааган болгай силер.

2 Чылдар 16:9

Дээрги-Чаяакчының карактары, Аңаа чүрээнден бүрүнү-биле бердинген улусту быжыглаар дээш, бүгү чер-делегейни эргий көрүп турар. Сен бодамча чок болган-дыр сен, ол дээш, амдыгааштан эгелеп, дайыннар чорудар-дыр сен».

Неемия 5:19

Бурганым, бо чон дээш кылган бүгү чүвемни бодап келгеш, меңээ ачылыг бооп көрем!

Ырлар 34:15

А кажан мен илдигип кээп дүжеримге, олар аажок өөрээн – бужар хейлер меңээ удур чыглып турду, мен билбээнимде, мени бак сөглеп, соксаал чокка халдады;

Ырлар 44:2

Чүрээмейден ачылыг сөс куттулуп тур: хаанга тураскааткан чогаалымны чугаалаар мен, дыл-домаам – мергежилдиг бижээчиниң демир-үжүү дег.

Исайя 14:1

Вавилоннуң кеземче көөр үези чоокшулаан, ооң өлүр хүнү кээр четкен. А Иаковту Дээрги-Чаяакчы өршээр, Израильди база катап шилип аар – израильчилерни боттарының черинге чурттадып каар – даштыкы улус олар-биле каттыжып, Иаковтуң салгалы-биле тудуш апаар.

Исайя 60:21

Сээң чонуң бүрүнү-биле чөптүг-шынныг улус апаар, чер-чуртту кезээ мөңгеде ээлеп чурттаар. Олар – Мээң олуртуп кааным өзүм-дүр, Мээң холумнуң Бодумну алдаржыдар чаяалгазы-дыр.

Иеремия 1:10

Көрдүң бе, Мен бөгүн сени чоннар, күрүнелерни харагалзаар кижи кылдыр томуйлап тур мен – дазылы-биле тура тыртар, үрегдээр, узуткаар, буурадыр, быжыглаар база тарып олуртур сен» – дээн.

Иеремия 12:15

Ынчалза-даа оларны тура тыртканым соонда, Мен оларга өршээл көргүзүп, кайызын-даа бодунуң ээлээн черинче эгидер мен.

Иеремия 16:15

харын олар: „Израиль чонну соңгу чүкте черден, оларны ынаар үндүр сывырыпканы бүгү чурттардан үндүре берген дириг Дээрги-Чаяакчының ады-биле!“ – деп чугаалап эгелээр, чүге дээрге оларның ада-өгбезинге берген черимче оларны дедир эгидер мен.

Иеремия 21:10

Чүге дээрге Мен арнымны бо хоорайга удур, аңаа ачылыг чүүл эвес, айыыл-халап таварышсын дээш, көрүндүм – деп, Дээрги-Чаяакчы медеглээн. – Ол хоорайны Вавилоннуң хаанының холунга хүлээдир, хаан ону хуюкталдыр өрттедир».

Иеремия 23:3

Хойларымның артынчызын үндүр сывырыпкан бүгү чурттарымдан чыып алгаш, төрээн аал-оранынче дедир чандырар мен. Олар ынчан өзүп-көвүдээр.

Иеремия 29:10

Дээрги-Чаяакчы мынча дээн: «Вавилонга берип каан чеден чыл эрте бээрге, Мен силерже сагыш салыр мен, Мээң ачы-буянныг сөзүмнү силер-биле күүседип, силерни бо черже дедир чандырар мен.

Иеремия 31:28

Мурнунда Мен дазылы-биле тура тыртар, үрегдээр, буурадыр, узуткаар болгаш хора халдадыр дээш олардан карак салбайн турдум. Ам Мен быжыглаар база тарып олуртур дээш олардан карак салбас мен – деп, Дээрги-Чаяакчы медеглээн. –

Иеремия 31:4

Сени база катап күш киирер мен; Израиль-кыс, күштүг апаар сен! Хөгжүм херексели тудуп алгаш, өөрүң-биле база катап өөрүшкүлүг самнап үнүп кээр сен;

Иеремия 32:37

«Мен кылыктанып килеңнээш, аажок хорадай бергеш, сывырып чорудупканым бүгү чурттардан бо улусту чыып алгаш, бо черже дедир чандырар мен, оларга айыыл чок амыдыралды хайырлаар мен.

Иеремия 32:41

Бүгү-ле чүлдү-чүрээм-биле, бүгү-ле сеткил-сагыжым-биле олар дээш өөрүүр мен, оларга ачы-буян көргүзер мен, оларны бо черге быжыг дазыл-дөстүг кылдыр тарып олуртур мен».

Иеремия 33:7

Мен Иудея биле Израильге эки чолду эгидер мен, биеэде турганы дег быжыглаар мен.

Иеремия 33:9

Иерусалим хоорай Меңээ өөрүшкүлүг ат апаар, чер-делегейниң бүгү чоннары ону алгап-мактап, алдаржыдар. Өске чоннар Мээң бо хоорайга хайырлаан ачы-буяным дугайында дыңнап каар; Мээң бо хоорайга хайырлаан ачы-буяным база чаагай чоруум дугайында билип кааш, олар сүрээдеп, сирилей бээр».

Иеремия 39:12

«Ол кижини эдертип алгаш, каракта. Аңаа багай чүве кылба, ооң сенден дилээн чүү-даа чүвезин хандырып бээр сен» – деп дужааган.

Иеремия 42:10

„Бир эвес бо черге артар болзуңарза, Мен силерни быжыктырып, бууратпас мен, олуртуп, дазылыңар тура тыртпас мен, чүге дээрге силерже ытканым айыыл-халап дээш хараадап тур мен.

Иезекиил 36:24

Мен силерни чоннар аразындан үндүрүп, бүгү чурттардан чыып алгаш, бодуңарның чериңерже эккээр мен.

Амос 9:14

Мээң израиль чонумга эки чолду эгидер мен, олар буурап дүшкен хоорайларны катап туткаш, аңаа чурттай бээр, шөлдерге виноград олурткаш, ооң арагазын ижер, садтар тарып алгаш, ында кат-чимисти чыып чиир.

Ы. х. к. 11:12

Дээрги-Чаяакчы Бурганың ол чер дээш сагыш салып турар, Ол бүдүн чыл дургузунда ону карактаар.

1 Пётр 3:12

Чүге дээрге Дээрги-Чаяакчының карактары чөптүг-шынныг улусче көрнүр, Ооң кулактары оларның дуза дилээн кышкызын дыңнаар, а бузут үүлгедикчилеринче Ол сүртедир көөр .