Иеремия 23:8 - Ыдыктыг Библия

⁸ Харын улус: „Израиль чонну соңгу чүкте черден үндүре берген дириг Дээрги-Чаяакчының ады-биле!“ – деп бир өскээр чугаалааш, Мээң оларны үндүр сывырыпканым бүгү чурттардан дедир чанып келгеш, боттарының черинге чурттаар».

Иеремия 23:8 Iomraidhean Croise

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 14:1

Вавилоннуң кеземче көөр үези чоокшулаан, ооң өлүр хүнү кээр четкен. А Иаковту Дээрги-Чаяакчы өршээр, Израильди база катап шилип аар – израильчилерни боттарының черинге чурттадып каар – даштыкы улус олар-биле каттыжып, Иаковтуң салгалы-биле тудуш апаар.

Иеремия 16:14

Ынчалза-даа үе кел чыдар – деп, Дээрги-Чаяакчы медеглээн, – улус ынчан: „Израиль чонну Египеттен үндүре берген дириг Дээрги-Чаяакчының ады-биле!“ – деп даңгыраглавайн баар,

Иеремия 16:15

харын олар: „Израиль чонну соңгу чүкте черден, оларны ынаар үндүр сывырыпканы бүгү чурттардан үндүре берген дириг Дээрги-Чаяакчының ады-биле!“ – деп чугаалап эгелээр, чүге дээрге оларның ада-өгбезинге берген черимче оларны дедир эгидер мен.

Иеремия 23:3

Хойларымның артынчызын үндүр сывырыпкан бүгү чурттарымдан чыып алгаш, төрээн аал-оранынче дедир чандырар мен. Олар ынчан өзүп-көвүдээр.

Иеремия 29:14

Мени тып аар силер – деп, Дээрги-Чаяакчы медеглээн, – Мен силерге эки чолду эгидер мен, силерни ынаар үндүр сывырыпканым бүгү чоннардан, бүгү черлерден чыып эккээр мен».

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иеремия 30:3

Чүге дээрге үези кээрге, Мээң чонумга, Израиль биле Иудеяга, эки чолду эгидер мен – деп, Дээрги-Чаяакчы медеглээн, – оларның ада-өгбезинге берген черимче оларны дедир чандырар мен, олар ынчан черин ээлеп чурттаар».

Иеремия 31:8

Мен израильчилерни соңгу чүкте чурттан, чер-делегейниң ужу-кыдыындан чыып эккээр мен. Согур, аскак-бүскек улус, иштиг-сааттыг, божуур четкен херээженнер база оларның аразынга турар, олар дыка хөй бооп мөөңнежип алган чанып кээр.

Иеремия 32:37

«Мен кылыктанып килеңнээш, аажок хорадай бергеш, сывырып чорудупканым бүгү чурттардан бо улусту чыып алгаш, бо черже дедир чандырар мен, оларга айыыл чок амыдыралды хайырлаар мен.

Иеремия 8:3

Шак ол бузуттуг аймактың дириг арткан улузунга өлүм амыдыралдан күзенчиг апаар! Мээң оларны үндүр сывырыпканым чер бүрүзүнге, каяа-ла олар дириг артар болдур, ындыг болур» – деп, Аг-шериглиг Дээрги-Чаяакчы медеглээн.

Иезекиил 28:25

Оон Дээрги-Бурган-Чаяакчы мынча дээн: «Израиль чонну тарадып чорудупканым өске чоннардан чыып алгаш, ол чоннар көрүп турда, израильчилерниң аразынга Бодумнуң ыдыктыымны көргүзер мен. Олар Мээң чалчам Иаковка бергеним черге – боттарының черинге чурттаар.

Иезекиил 34:13

Оларны өске чоннар аразындан үндүрүп, чурттардан чыып эккелгеш, боттарының черинче дедир чандырар мен. Мен оларны Израильдиң дагларынга, сугларының чанынга, бүгү чурттакчылыг черлерге кадарар мен.

Иезекиил 36:24

Мен силерни чоннар аразындан үндүрүп, бүгү чурттардан чыып алгаш, бодуңарның чериңерже эккээр мен.

Иезекиил 36:35

Олар ынчан: „Ээнзиреп турган бо чер Эдем сесерлии дег апарды. Буступ дүшкен, кижи чок калган, хоозураан хоорайлар ам быжыгып, чурттакчыларлыг апарды“ – дээр.

Иезекиил 37:25

Олар Мээң чалчам Иаковка бергеним, боттарының ада-өгбезиниң чурттап турганы черге чурттаар. Боттары, ажы-төлү болгаш ажы-төлүнүң ажы-төлү аңаа кезээ мөңгеде чурттаар. Мээң чалчам Давидтиң салгакчызы мөңге шагда оларның чагырыкчызы болур.

Иезекиил 39:28

Мен оларны өске чоннарже туттуруушкунче чорудупкан-даа болзумза, ол черлерге оларның чаңгызын-даа арттырбайн база катап боттарының черинге чыып эккээримге, олар Мени Дээрги-Чаяакчы, боттарының Бурганы деп билип аар.

Иоил 3:7

Көрүңер, Мен иудейлерни силерниң садып чорудупкан черлериңерден көдүрүп эккээр мен, үүлгедииңерни боттарыңарның бажыңарже халдадыр мен.

Михей 7:15

Египет черден үне берген үеңде ышкаш, кайгамчык чүүлдериңни биске көргүзүп көрем.

Софония 3:20

Ол үеде Мен силерни чыып алгаш, дедир чандырар мен. Силер көрүп туруңарда, силерге эки чолду эгиткеш, чер-делегейниң бүгү чоннарының аразынга алдар-хүндүлүг чон кылып каар мен». Дээрги-Чаяакчының чугаалаан чүвези ол-дур.