Иеремия 23:6 - Ыдыктыг Библия

⁶ Ооң чагырар үези кээрге, Иудея камгалал алыр, Израиль айыыл чок чурттаар. Ол хаанга „Яхве-Седкену“ деп ат тыпсыр.

Иеремия 23:6 Iomraidhean Croise

3 Хааннар 4:25

Ооң бүгү назынының дургузунда Иудея биле Израиль соңгу чүкте Дан хоорайдан эгелээш, мурнуу чүкте Беэр-Шева хоорайга чедир кижи бүрүзү бодунуң виноградын, фига ыяжын болбаазырадып, айыыл чок, тайбың чурттап келген.

Ырлар 45:5

Хемниң агымнары Бурганның хоорайын – Дээди Өрүкүнүң ыдыктыг оран-савазын хөгледип тур.

Хосталыышкын 9:26

Чүгле израиль чоннуң чурттап турганы Гесем дээр черге долу чагбаан.

Исайя 2:4

Чоннарның херээн Ол шиитпирлээр, эңдерик аймактарның чаргы-чаалызын Ол үзер. Олар боттарының хылыштарын андазыннарже, чыдаларын – хол кадыырларынче эде соп кылып аар. Бир чон өске чонга удур хылыш көдүрбес, олар моон соңгаар дайын чорударынга өөренмес.

Исайя 32:1

Хаан шынныы-биле хааннай бээр, чагырыкчылар чөптүү-биле чагырар.

Исайя 32:18

Мээң чонум тайбың суурларга, айыыл чок оран-саваларга, дүвүрээзин чок черлерге чурттаар.

Исайя 33:22

Дээрги-Чаяакчы – бистиң Баштыңчывыс, Дээрги-Чаяакчы – бистиң Чагырыкчывыс, Дээрги-Чаяакчы – бистиң Хаанывыс, Ол бисти камгалаар.

Исайя 33:5

Дээрги-Чаяакчы өрү көдүрткен, Ол дээрлерниң эң бедиинде чурттап турар. Ол шынныг шииткел биле чөптүг чорукту Сионга доктаадыр.

Исайя 35:9

Аңаа арзылаң көзүлбес, араатан аң-мең олап чорбас – олар аңаа турбас! А хостаткан улус олап чоруур,

Исайя 42:6

«Мен, Дээрги-Чаяакчы, чөптүг-шынныг чорук боттандырар дээш чалчам сени кыйгырган мен, сени холуңдан чедип аар мен, кадагалаар мен. Сени дамчыштыр улус-чон-биле керээ чарар мен база бүгү чоннарга чырык эккээр мен.

Исайя 45:17

А Израильди Дээрги-Чаяакчы камгалаар, аңаа кезээ мөңгеде камгалалды хайырлаар! Силер моон соңгаар кезээ шагда бак атка кирбестеп, бужартавас силер.

Исайя 54:17

Ынчалза-даа сенче углаан кандыг-даа ок-чепсек тиилелгеге чедирбес, шииткел черинге сени буруудаткан кижи бүрүзүнүң шынныг эвезин көргүзер сен. Дээрги-Чаяакчының чалчаларының алыр үлүү ындыг болур. Мен оларны Бодум агартыр мен!» Дээрги-Чаяакчының медеглээн чүвези ол-дур.

Исайя 7:14

Ынчангаш Дээрги Боду силерге бадыткал демдээ хайырлаар: көрүңер даан, аныяк кыс иштелип, оол уруг божуп алгаш, ону Эммануил деп адап аар.

Исайя 9:6

Чаш төл бис дээш төрүттүнген, оолду биске берген болгай! Эрге-чагырга демдээ ооң эгиннеринде, ол «Кайгамчык чөвүлекчи», «Мөге-шыырак Бурган», «Мөңге ада», «Амыр-тайбың хайырлаар чагырыкчы» деп адаттырар.

Иеремия 29:11

Силерге хамаарыштыр чүнү баш бурунгаар бодап алганымны Мен билир болгай мен – деп, Дээрги-Чаяакчы медеглээн. – Силерге келир үени, идегелди хайырлаар дээш, Мен айыыл-халап эвес, амыр-тайбыңны бээр деп бодалдыг мен.

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иеремия 31:23

Аг-шериглиг Дээрги-Чаяакчы, Израильдиң Бурганы: «Кажан мен израиль чонга эки чолду эгидеримге, Иудеяда, ооң хоорайларында улус: „Чөптүг-шынныг оран-сава, ыдыктыг даг! Дээрги-Чаяакчы сеңээ ачы-буяндан хайырлазын!“ – деп сөстерни чугаалаар.

Иеремия 32:37

«Мен кылыктанып килеңнээш, аажок хорадай бергеш, сывырып чорудупканым бүгү чурттардан бо улусту чыып алгаш, бо черже дедир чандырар мен, оларга айыыл чок амыдыралды хайырлаар мен.

Иеремия 33:15

Ол хүннерде, ол үеде Давидтен укталган чөптүг-шынныг Өзүмнү өстүрер мен, чер кырынга шын шииткел биле чөптүг чорукту ол доктаадыр.

Иеремия 33:16

Ол хүннерде Иудея камгалал алыр, Иерусалим айыыл чок чурттаар, Иерусалимге „Яхве-Седкену“ деп ат тыпсыр».

Иезекиил 21:27

Узуткаашкын, узуткаашкын, узуткаашкын! Ынчалза-даа узуткаар эргелиг кижи келбээн шаанда, ындыг чүве болбас».

Иезекиил 28:26

Израильчилер ол черге айыыл чок чурттап, бажыңнар тудуп аар болгаш виноград тарып олуртуп аар. Олар айыыл чок чурттаар, а оларга бак чүве күзээр кожаларын Мен шиидер мен. Олар ынчан Мени Дээрги-Чаяакчы, оларның Бурганы деп билип аар».

Иезекиил 38:14

Ынчангаш, кижи амытан, өттүр билип медеглеп, Дээрги-Бурган-Чаяакчының чугаалаан чүвезин Гогка дамчыт: Мээң израиль чонум айыыл чок чурттап эгелээр хүнде сен ол дугайында албан билип аар сен.

Иезекиил 48:35

Хоорай ханазының ниити узуну 18 000 кыры дурту. Ол хүнден эгелээш, хоорайның ады „Дээрги-Чаяакчы ында“ болур».

Даниил 9:24

Сээң чонуңга болгаш ыдыктыг хоорайыңга чеден катап чеди чыл доктааттынган. Ол хуусаа иштинде бужар-бак чорук доостур, бачыттың төнчүзү кээр, чонну кем-буруузундан арыглап каар, мөңге чөптүг-шынныг чорук тыптыр, өттүр билген медеглелдер болгаш көстүүшкүннер бүдер база Эң ыдыктыг черни үс-биле чаап, чаартып каар.

Даниил 9:7

Чөптүг чорук Сээң талаңда, Дээрги, а бис, Иудеяның болгаш Иерусалимниң чурттакчылары – бүгү Израильдиң улузу ам бужар бак атка кирдивис: Сеңээ өскерилгенивис дээш, үндүр ойладыпканың ырак-чоокта, бүгү чурттарда чурттап чоруур улус шуптузу.

Осия 1:11

Иудеяның, Израильдиң чону ынчан каттыжып чыылгаш, боттарын чагырар чаңгыс баштыңчы олуртуп алгаш, боттарының черинге үнүш дег өзүп үнүп кээр. Изреелдиң хүнү өндүр улуг болур!

Осия 1:7

А Иудеяның чонунга ээ-хайыра көргүзерин уламчылап, оларны чаа-дайын: ча-согун, хылыш болгаш дайынчы аъттарлыг шериглер-биле эвес, а ооң Дээрги-Чаяакчы Бурганының ачызы-биле камгалаар мен» – дээн.

Осия 2:18

Ол хүн кээрге, Мен израиль чон-биле черлик аң-меңниң, дээрниң куштарының, черде соястаан амытаннарның аразынга эп-найырал керээзин чарар мен; ча-согунну сыйып, сээң чериңге чаа-дайынны узуткап кааш, айыыл чок чуртталганы сеңээ бээр мен.

Авдий 1:17

«А Сион даг ыдыктыг чер болур, аңаа хоргадаан чон дириг артар. Иаковтуң үре-салгалы бодунуң өнчү черин ээлеп аар.

Авдий 1:21

Тиилекчи улус Сион дагга чедип келгеш, Исавтың даглыг чуртун башкарып эгелээр. Дээрги-Чаяакчының Чагыргазы тургустунар.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Захария 10:6

Иуданың салгалын быжыглаар мен, Иосифтиң салгалын камгалаар мен. Оларны Мен чандырар мен, чүге дээрге кээргей бердим. Олар Меңээ кажан-даа кагдырбаан ышкаш боор. Оларның Бурганы Дээрги-Чаяакчы – Мен болгай мен, оларга харыы бээр мен.

Захария 3:10

Ол хүн силер хувааглыг чериңерге виноградтыг, фига ыяштарлыг амыр-шөлээн амыдырап, бот-боттарыңар удур-дедир чалажыр силер». Аг-шериглиг Дээрги-Чаяакчының медеглээн чүвези ол-дур.

Римчилерге 3:22

Ол дээрге Иисус Христоска бүзүрел ачызында, Бурганның хайырлаар агартыышкыны-дыр, ону бүзүрээн улустуң шуптузунга хайырлаар Бурганның мурнунга улуста кандыг-даа ылгал чок:

1 Коринфичилерге 1:30

Бурганның ачызында силер ам Христос Иисуска башкарты берген силер. Бурганның мерген угааны биске Ону дамчыштыр боттанган. А ол мерген угаан бисти актыг болгаш ыдыктыг кылып кааш, бачыттардан хостаан.

2 Коринфичилерге 5:21

Бурган кажан-даа бачыт үүлгетпээн Кижиге бистиң бачыдывыс дээш кеземче онааган, а бис Христос-биле сырый харылзаалыг апаргаш, Бурганның мурнунга актыг болган бис.

Филипчилерге 3:9

чүгле Ооң-биле бүрүн катчып алыйн! Ыдыктыг хоойлуну дамчып кээр агартыышкынны эвес, а Христоска бүзүрээринден дөстелир, бүзүрел дамчыштыр Бургандан кээр агартыышкынны чедип алыйн!