Иеремия 23:4 - Ыдыктыг Библия

⁴ Чагырыкчылар кылдыр Мээң томуйлап каар улузум оларны кадарар. Хойларым оон ыңай коргуп-сүрээдевес, чиде бербес». Дээрги-Чаяакчының медеглээн чүвези ол-дур.

Иеремия 23:4 Iomraidhean Croise

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Иеремия 30:10

А сен, Мээң чалчам Иаков, кортпа – деп, Дээрги-Чаяакчы медеглээн, – Израиль, сүрээдеве! Мен сени камгалап, ырак чурттан дедир эккээр мен, үре-салгалыңны – туттуруушкунда турары чурттан дедир чандырар мен. Иаков ээп келгеш, хостуг-шөлээн, амыр-тайбың чурттаар, ону кым-даа коргудуп-дүвүретпес.

Иеремия 31:10

Чоннар, Дээрги-Чаяакчының сөзүн дыңнаңар! Ырак чурттарга медээлеп: „Израильди Кым тоо быдаратканыл, Ол Боду ону чыып алгаш, кадарчы сүрүг малын дег, карактап-кадарар“ – деп чугаалаңар.

Иеремия 33:26

Мен Иаковтуң салгалындан, Мээң чалчам Давидтиң салгалындан ойталавас мен: оларның аразындан Авраам, Исаак болгаш Иаковтуң салгалын чагырар кижилерни шилиир мен! Мен оларга эки чолду эгидер мен» – дээн.

Иезекиил 36:11

Мен силерде турар улусту база мал-маганны көвүдедир мен, олар өзүүчел апарып, өзүп-көвүдей бээр. Эрткен үеде ышкаш, Мен силерге улустан чурттадып каар мен, силерниң чериңерге биеэги үелерден-даа хөй ачы-буянны хайырлаар мен. Ынчан Мени Дээрги-Чаяакчы деп билип аар силер.

Левит 26:9

Силерже ээ көрүнгеш, хөй ажы-төлдү хайырлап, өстүрүп-көвүдедир мен, силер-биле чагыг-керээмни быжыглаар мен.

Михей 4:4

Кижи бүрүзү бодунуң виноградын, бодунуң фига ыяжын болбаазырадып, тайбың чурттаар, оларны моон соңгаар кым-даа коргудуп-дүвүретпес, чүге дээрге Аг-шериглиг Дээрги-Чаяакчы ынча деп чугаалаан болгай.

Михей 5:2

«А сен, Вифлеем-Эфрата, Иудеяның төрел бөлүктериниң аразында чөгенчиг суур-даа болзуңза, Израильдиң чагырыкчызы апаар кижи сенден үнүп, Мээңии боор-дур. Ооң ызыгууру эрте-бурун шагда, үе-дүпте-ле укталган-дыр».

Михей 7:14

Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын.

Софония 3:13

Израиль чоннуң артынчызы бузут үүлгетпес, мегелевес, оларның аксы-сөзүнде кара сагыш чок боор. Олар, хойлар ышкаш, одарлаан соонда, дыштанып чыдып аар, оларны кым-даа дүвүредип хоюспас».

Саннар 31:49

«Силерниң чалчаларыңар бис баштап чораан дайынчыларывысты санап көөрүвүске, чаңгыс-даа кижи өлүртпээн болду.

Иоанн 17:12

Мен олар-биле кады бо делегейге тургаш, Меңээ бергениң Бодуңнуң адыңның күжү-биле оларны кадагалап чордум. Ол улусту кадагалап шыдадым-даа: Бижилгениң сөзү боттанзын дээш, өлүп чидер чолга онаашкан чүгле чаңгыс кижиден аңгыда, оларның кайызы-даа өлүп читпеди.

Иоанн 18:9

(Иисустуң: «Адам, Меңээ берген улузуңнуң аразындан Мен кымны-даа чидирбедим» – дээн сөзү ынчаар боттанган.)

1 Пётр 1:5

Силер, бүзүрелиңер ачызында Бурганның күжү-биле кадагалаттынган улус, сөөлгү үе кээрге ажыттынар камгалалды алыр силер.