Иеремия 23:2 - Ыдыктыг Библия

² Мээң чонумну кадарып турар чагырыкчыларга Дээрги-Чаяакчы, Израильдиң Бурганы: «Мээң хойларымны тоо быдарадыр сывырыпкан, оларже сагыш салбаан силер. Мен ам бузуттуг үүлгедиглериңер дээш силерни кезедир мен – деп медеглээн. –

Иеремия 23:2 Iomraidhean Croise

Хосталыышкын 32:34

Сен чоруй бар, Мээң сеңээ айыткан черимче бо чонну эдертип аппар; Мээң төлээм сээң мурнуңга орук баштап чоруптар эвеспе. А демги улусту бачыды дээш кеземче хүнү кээрге, кезедир мен».

Иеремия 10:21

Чүге дээрге чагырыкчылар сээдеңнээн-дир, Дээрги-Чаяакчыже чүткүвестээн-дир. Ынчангаш олар ам чедимчелиг болбас, оларның албаты чону тоо быдарай берген.

Иеремия 13:17

Бир эвес бо сөстерни тооп дыңнавас болзуңарза, мээң сеткилим дуюкаа ыглап-сыктаар, силерниң улуургааңар дээш ажыг-шүжүглүг ыглаар. Караам суу эриин ажа бээр, чүге дээрге Дээрги-Чаяакчының сүрүүн туттуруушкунче сүрүп аппаар-дыр!

Иеремия 13:20

Карааң хере көр, Сион-кыс, соңгу чүктен дайзын кел чыдыр! Сеңээ хүлээдип берген сүрүг мал кайыл, сээң кайгамчык чараш хойларың кайыл?

Иеремия 13:21

Сени башкарар кылдыр бодуңнуң чаңчыктырып алган улузуңну Дээрги-Чаяакчы сээң бажыңга салып каарга, чүү дээр сен? Божаан херээжен дег, аарышкыга алзыр сен!

Иеремия 17:10

А Мен, Дээрги-Чаяакчы, кижиниң чүрээнче өттүр көрүп, сеткил-сагыжын шенеп турар мен, кижи бүрүзүн ооң херектерин ёзугаар, ажыл-херээниң үре-түңнелин барымдаалап, шаңнаар азы кезедир мен.

Иеремия 23:34

Бир эвес моон соңгаар азы медээчи, азы бараалгакчы, азы улус-чондан бир кижи „Дээрги-Чаяакчының чүдүрген үүрге-чүъгү“ деп сөстер чугаалаар болза, Мен ол кижини, ооң өг-бүлезин кезедир мен».

Иеремия 44:22

Дээрги-Чаяакчы силерниң бузуттуг херектериңерни, үүлгедип турган чүдек-бужар чүүлдериңерни оон ыңай шыдажыр аргазы чок апарган, ынчангаш ам силерниң чериңер бузундулар апарган, хоозурал болгаш каргыш бооп хуула берген, ында чурттакчылар артпаан-дыр!

Иеремия 5:29

Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. – Таанда-ла ындыг чондан өжээн негевес мен бе?

Иеремия 5:9

Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. – Таанда-ла ындыг чондан өжээн негевес мен бе?

Иеремия 8:12

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде олар кээп дүжер» – деп, Дээрги-Чаяакчы чугаалаан.

Иезекиил 34:5

Олар кадарчы чокка тарай бердилер, а тарай бергеш, янзы-бүрү черлик аң-араатанга чемиш апардылар.

Осия 2:13

Ваал бурганның дүрзүлеринге бараан болуп, айдызап турганы дээш, ону кезедир мен; ол херээжен сыргалар болгаш каасталгалар-биле каастангаш, хандыкшааннарын сүрүп, Мени уттупкан турган болгай» – деп, Дээрги-Чаяакчы медеглээн.

Михей 7:4

Оларның эң дээрези – тенниг хараган дег, эң чөптүү – тенниг бок үнүштен дора. Оларже медээчилериниң медеглеп турган хүнү келген-дир; олар ам кеземчеге онаажыр, олар ам дүвүрелге алзыптар.

Захария 10:3

«Чоннуң кадарчыларынче Мээң килеңим кыптыкты, улус-чоннуң хуналарын кезедир мен, чүге дээрге Аг-шериглиг Дээрги-Чаяакчы Мен Бодумнуң коданым – Иудеяның чонунче сагыш салып, ону көрүштүг дайынчы аъдым дег кылып аар мен.

Захария 11:16

Чүге дээрге Мен бо чуртка бир чаа кадарчы бээр мен, ол кадарчы өлүр деп барган хойларже сагыш салбас, читкен хойларны дилевес, кемдээн хойларны эмневес, кадыктарын чемгербес, харын-даа семис хойларның эъдин чиир, оларның дуюгларын үзе тыртып кааптар.

Матфей 25:36

чанагаш турумда, силер Мени хепкерип кагдыңар; аарып чыдырымда, силер Мени ажаап-карактап келдиңер; кара-бажыңга чыдырымда, силер Меңээ ужуражып турдуңар“.

Матфей 25:43

Мен чер кезип чордум, а силер Мени хоргадатпайн бардыңар; чанагаш турдум, а силер Мени хепкербедиңер, аарып турдум база кара-бажыңга чыттым, а силер Менче сагыш салбадыңар“.

Иаков 1:27

Бурган Аданың хүлээп аары алыс шынныг, арыг болгаш кем чок хүндүткел болза түрегделге туттуруп чоруур өскүстерге, дулгуяк кадайларга дуза чедиреринде база бо делегейниң багынга борашпайн амыдыраарында.