Иеремия 23:12 - Ыдыктыг Библия

¹² Ол дээш, оларның оруу тайгыр апаар, караңгыже шымны бээр. Оларны идерге, кээп дүжерлер. Чүге дээрге кеземче үезинде оларже айыыл-халап ыдар мен! – деп, Дээрги-Чаяакчы медеглээн. –

Иеремия 23:12 Iomraidhean Croise

Иов 18:18

Амылыглар оранынга ол артпас кылдыр, ону чырыктан дүмбейже сывырып чорудуптар.

Ырлар 35:6

Дээрги-Чаяакчы, Сээң энерелиң дээрге чедип турар, шынчы чорууң булуттарга үзүп турар!

Ырлар 73:18

Мону сактып келем, Дээрги-Чаяакчы! Дайзыннар Сени бак сөглеп турду, угаан чок хейлер Сээң адыңны дора көрүп турду.

Ырлар 82:5

Дайзыннар: «Израиль деп ат моон соңгаар дыңналбас кылдыр, ол чонну барып узуткап кааптаалы» – дижир болду.

Хосталыышкын 32:34

Сен чоруй бар, Мээң сеңээ айыткан черимче бо чонну эдертип аппар; Мээң төлээм сээң мурнуңга орук баштап чоруптар эвеспе. А демги улусту бачыды дээш кеземче хүнү кээрге, кезедир мен».

Чугаалар 4:19

А бузуттуг улустуң оруу – дүмбей караңгы дег, олар каяа тептиге бээрин билбес.

Исайя 8:22

Олар өрү-даа көөрге, черже-даа көөрге, чүгле качыгдал, коргунчуг дүмбей караңгы көстүр, олар дүмбей караңгыже октаттырар. Ындыг-даа болза, караңгы биле баш муңгаш байдал кезээ мөңгеде турбас.

Иеремия 11:23

Оларның иштинден кым-даа амы-тынныг артпас, чүге дээрге кеземче чылы кээрге, Анатоттуң чурттакчыларынче айыыл-халапты ыдар мен».

Иеремия 13:16

Дээрги-Чаяакчы Бурганыңарны дүмбей караңгы дүшпээнде, алдаржыдыңар, караңгыга бүргеткен дагларга илдигип кээп ушпааныңарда, алдаржыдыңар! Ынчан чырып кээрин манаар силер, а Ол идегеп манааныңар чырыкты чүү-даа көзүлбес караңгы кылдыр хуулдуруптар.

Иеремия 48:44

Коргунчуг байдалдан дескен кижи оңгарже кээп дүжер, оңгардан үне берген кижи какпа-дузакка туттурар, чүге дээрге Мен Моавка удур кеземче үези доктаадыр мен – деп, Дээрги-Чаяакчы медеглээн. –

Иеремия 50:27

Ооң хамык бугаларын өлүрүп калыңар – оларны дөгерер дээш аппарзын. Халдейлер ат болур, оларның кеземче көөр үе-шагы келген-дир.

Иеремия 8:12

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде олар кээп дүжер» – деп, Дээрги-Чаяакчы чугаалаан.

Ыы-сыы 2:20

«Дээрги-Чаяакчы, топтап көр даан, өске кымны шак-ла мынчаар хинчектээн сен – эмзирип өстүрген уруг-дарыының эъдин ие чиптер кылдыр? Дээргиниң өргээзинге медээчизи-даа, бараалгакчызы-даа өлүр кылдыр? ש (шин)

Михей 7:4

Оларның эң дээрези – тенниг хараган дег, эң чөптүү – тенниг бок үнүштен дора. Оларже медээчилериниң медеглеп турган хүнү келген-дир; олар ам кеземчеге онаажыр, олар ам дүвүрелге алзыптар.

Иоанн 12:35

Оон Иисус оларга мынча дээн: «Чырык силер-биле кады ам-даа хензиг өйде турар-дыр. Силерни караңгы дүмбей бүргевезин дээш, ам дээрезинде – Чырык барда, орууңарны уламчылаңар. Чүге дээрге дүмбей караңгыда кылаштап чоруур кижи кайнаар бар чыдарын билбес болгай.

Ы. х. к. 32:35

Менде олардан өжээн негеп, кезедир арга бар, ынчан олар тайып кээп дүжер“ – дээн. Оларже айыыл-халап хүнү чоокшулап келген, оларга белеткеп каан кеземче удавас чедип кээр.

1 Иоанн 2:11

А бодунуң акы-дуңмазынга хөңнү чок кижи караңгыда хевээр чурттап турар база кайнаар бар чыдарын боду безин билбес, чүге дээрге караңгы ону согурартып каан-дыр.

Иуда 1:13

Олар чүдек-бужар херектери көвүктелген далайның калчаа чалгыглары дег-дир; дүмбей караңгыга кезээ мөңгеде кара-бажыңнаткан азып чүгүрген сылдыстар дег-дир.