Иеремия 22:6 - Ыдыктыг Библия

⁶ Дээрги-Чаяакчы Иудеяның хаанының ордузунуң дугайында: «Сен Меңээ Галаад дег, Ливан сынның баштары дег өндүр-чаагай сен. Ынчалза-даа Мен сени ээнзиргей чер, чурттакчы чок хоорай кылып каар мен!

Иеремия 22:6 Iomraidhean Croise

Эге дөс 37:25

Алышкылар чемненир дээш олуруп алгаш, измаил сөөктүг садыгжыларның Галаадтан чиң сөөрткен тевелерин көрүп каан. Тевелерде чаагай чыттыг янзы-бүрү чуктар чүдүрүп каан, оларны Египетче чедирери-биле аппар чыткан болган.

Соломоннуң өндүр бедик ырызы 4:1

Кайгамчык-ла чараш-тыр сен, амыраам, кайгамчык-ла чараш-тыр сен. Баш шывар пөзүң адаанда карактарың көге-бугалар-ла, бажың дүгү – Галаад дагларындан халчып баткан кодан өшкү-ле.

Соломоннуң өндүр бедик ырызы 5:15

Буттары – алдын дөжектерде тургускан маны даш чагылар-ла, хевир-шырайы – Ливан даг дег, пөштер ышкаш кайгамчыктыг.

Исайя 27:10

Быжыглалдыг хоорай ээнзирээн, чурттакчылыг черлерни улус каапкаш барган, олар ам ээн кургаг хову ышкаш. Ында ам бызаалар оъттап, дыштанып чыдып, будук-бүрү тыртпарлап чип турар.

Исайя 37:24

Бодуңнуң чалчаларың дамчыштыр Дээргини дорамчылап турдуң. Сен: ‘Эңдерик дайынчы тергелерлиг мен, олар-биле даглар баштарынче, Ливан сынның ооргаларынче көдүрлүп турдум! Ливанның бедик пөштерин, ооң эки дээн шивилерин ужурдум. Эң бедик дагның бажынче үнүп, эң эки эзимге чеде бердим.

Исайя 6:11

Мен ынчан: «Кажанга чедир ындыг болурул, Дээрги?» – деп айтырдым. Ол меңээ: «Хоорайлар ээнзиреп, чурттакчы чок арткыжеге чедир, бажыңнар октаттына бергижеге, шөлдер ээнзиреп, хоозурап калгыжеге чедир;

Иеремия 21:11

Иудеяның хаанының өг-бүлези, Давид хаанның салгалы, Дээрги-Чаяакчының сөзүн дыңнаңар! Дээрги-Чаяакчы мынча дээн: «Эртенниң-не шынныг шииткел үндүрүңер, базындырган кижини базынганның холундан адырыңар, оон башка Мээң килеңим силерниң бүгү бузуттуг үүлгедиглериңер дээш өрт дег чалбыышталдыр кывар, ону кым-даа өжүрүп шыдавас.

Иеремия 21:14

Мен силерни үүлгедиглериңер ёзугаар кезедир мен! – деп, Дээрги-Чаяакчы медеглээн. – Силерниң эзим-аргаңарга от кыпсыр мен, ол от долгандыр турар бүгү чүвени чиптер!»

Иеремия 22:24

«Дириг Бодумнуң адым-биле даңгыраглап тур мен! – деп, Дээрги-Чаяакчы медеглээн. – Иоакимниң оглу, Иудеяның хааны Иехония, сен Мээң холумда үнелиг билзээм-даа турган болзуңза, Мен сени уштуп октаптар мен!

Иеремия 26:18

«Иудеяның хааны Эзекияның үезинде Морешет чурттуг Михей өттүр билип медеглеп турду. Ол Иудеяның бүгү чонунга: „Аг-шериглиг Дээрги-Чаяакчы: ‘Сионну шөл ышкаш аңдарып каар, Иерусалим бузундулар оваазы апаар, а бо өргээни туткан даг арга-ыяш үнген чер апаар’ – дээн“ – деп чугаалаан болгай.

Иеремия 4:20

Халапты халап солаан, бүгү чурт хоозураан; чадырларывыс хенертен, оран-сававыс – карак чивеш дээр аразында буступ кээп дүшкен.

Иеремия 4:7

Шырыштан үнүп келген арзылаң дег, чоннарны узуткаар хаан кел чыдар-дыр, ол силерниң чериңерни хоозурадыр дээш бодунуң чыдынындан туруп келген-дир. Узуткакчы хоорайларыңарны үреп бузуп кааптарга, оларга чурттакчылар артпас».

Иеремия 50:12

Ол дээш силерниң ие-чуртуңарның ады баксыраар, төрээн ие-чериңерниң арны кызар, ол ам чоннарның адак-багы апаар, ээн кургаг хову, суг чок ээн чер болур.

Иеремия 7:34

Иудеяның хоорайларынга, Иерусалимниң кудумчуларынга өөрүшкү биле хөглээшкин үнү, күдээ оол биле келин кыстың үнү дыңналбас кылдыр кылып каар мен, чүге дээрге бо черге бузундулар артар.

Иеремия 8:22

Таанда-ла Галаадта эм чок чүве бе? Таанда-ла ында эмчи кижи чок чүве бе? Ынчаарга мээң күжүр чонум чүге экирбейн турарыл?

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.

Захария 11:1

Ливан, хаалгаңны ажыт, от сээң пөштериңни чипсин!

Саннар 32:1

Рувим биле Гадтың аймактарының өөр малы дыка хөй турган; ол улус Иазер биле Галаад деп черлерни көөрге, мал-маганга тааржыры аажок болган.

Ы. х. к. 3:25

Иорданның ындыы чарыынче кеже бергеш, ында чаттылып чыдар эки черни, чараш даглыг черни база Ливан дагларны көөрүн чөпшээреп көрем!“ – деп турган мен.