Иеремия 22:3 - Ыдыктыг Библия

³ Дээрги-Чаяакчы мынча дээн: „Шынныг шииткел, чөптүг чорук кылыңар, базындырган кижини базынганның холундан адырыңар, даштыкы кижини, өскүс кижини, дулгуяк херээженни хомудатпаңар, оларны кызып-кыйбаңар, шак бо черге кем-буруу чок кижи ханы төкпеңер.

Иеремия 22:3 Iomraidhean Croise

2 Хааннар 23:3

Израильдиң Бурганы, Израильдиң Хаязы меңээ чугаалаан: «Чонну чөптүг чагырар дээн кижи Бургандан коргуушкун-биле чагырар ужурлуг.

Иов 22:9

Дулгуяк херээженнерни хол куруг чорудуп, өскүстерни дарлап турдуң.

Иов 24:9

Бузуттуглар ядыы кижиниң төлүн өре дээш долаага ап, адазы чок төлдү эмзирип турар иезинден хунаап аппарып турар.

Ырлар 68:5

Чылдагаан чок черге мени көөр хөңнү чок улус бажым дүгүнден-даа хөй. Мени хей черге чок кылыр дээн дайзыннарым күштели берди, үптеп-хунааваан-даа чүвемни эгидер ужурга таварыштым.

Ырлар 82:4

олар Сээң чонуңга удур кара сагыштыг сүлчээ кылып, кадагалаан улузуңну канчаптарын сүмележип тур.

Ырлар 94:6

Барып, Дээрги-Чаяакчының – бистиң Чаяакчывыстың мурнунга сөгүрүп, мөгейээли, дис кырынга олураалы.

Хосталыышкын 22:21

Өскээртен келген кижини кызып-кыйбаңар, дарлаваңар, боттарыңар база египет черге өскээртен келген улус бооп чорааныңарны утпаңар.

Хосталыышкын 22:22

Дулгуяк херээженнерни-даа, өскүстерни-даа кызып-кыйбаңар.

Чугаалар 23:10

Хувааглыг чер демдеглээн эрги шагның чагызын шимчетпе, өскүстерниң черинче шургуп кирбе;

Чугаалар 6:17

Олар бо-дур: адыыргак көрүш, мегечи дыл, актыг кижиниң ханын төгер холдар,

Исайя 1:23

Сээң нояннарың Менден ойталаан-дыр база оорлар-биле бир баг болган-дыр; олар шупту хээли чииринге ынак, белектер негеп ап турар, чаргы-чаалы үезинде өскүстерни камгалавас, дулгуяк херээженниң херээн сайгарып көрбес улус-тур.

Исайя 58:6

Мээң күзеп турарым шээрлээшкин мындыг: чөптүг эвес хоругдаттырган кижиден кинчини адырыңар, ооң мойнунда дөңгүнү уштуп кааптыңар! Дарлаткан улусту хостаңар, кандыг-даа дөңгүнү узуткаңар!

Исайя 58:7

Аштаан кижи-биле аъш-чемиң үлеш, улчуп чоруур ядамыктарны бажыңыңга тургузуп ал. Хеп чок кижи көрзүңзе, хепкерип каг, ха-дуңмаңдан хагдынма.

Иеремия 19:4

Чүге дээрге Иерусалимниң чурттакчылары Мени каапкаш, бо черни бужартаткан-дыр, маңаа боттарының-даа, ада-өгбезиниң-даа, Иудеяның хааннарының-даа билбес чорааны өске бурганнарга айдызаашкын кылып турар-дыр, олар бо черни буруу чок улустуң ханы-биле суггарган-дыр.

Иеремия 22:17

А сен карааңны-даа, чүрээңни-даа чүгле ажык-кончаа дилээринче, буруу чок улустуң ханын төгеринче, улусту бастып, кызып-кыярынче углап келдиң».

Иеремия 26:16

Нояннар база бүгү чон Бурганның бараалгакчылары биле медээчилеринге: «Бо кижини өлүрүп шиитпес ужурлуг-дур! Ол биске Дээрги-Чаяакчы Бурганывыстың өмүнээзинден чугаалап турган-дыр» – дээннер.

Иеремия 5:28

чооннап, чагландыр семирип калган-дыр. Кылбас-ла бузуттуг үүлгедии чок, өскүстер эки-чаагай чурттаар кылдыр, оларның херээн чөптүү-биле шиитпес, ядыыларның чаргызын шынныы-биле шиитпес улус-тур.

Иеремия 7:23

Оларга чүгле: „Мээң сөзүмнү дыңнаңар, Мен силерниң Бурганыңар болур мен, силер – Мээң чонум болур силер. Мээң айыткан кандыг-даа оруум-биле чоруңар, ынчан силерге эки-чаагай болур“ – деп айтыышкын берген мен.

Иеремия 9:24

Мактаныр бодаан кижи чүгле Мени танып, билип алганы дээш мактанзын. Чүге дээрге Мен – энерелди боттандырып чоруур, чер кырынга шын шииткел биле чөптүг-шынныг чорукту боттандырып чоруур Дээрги-Чаяакчы-дыр мен, Меңээ таарымчалыг чүүл ол-дур».

Ыы-сыы 3:36

чаргы кылгаш, мегелээрге, Дээрги ону көрбес бе кай?! מ (мем)

Иезекиил 18:12

ядыы-түреңги улусту кызып-кыяр, улус үптээр, бодунга өрелиг кижиниң арттырып каан долаазын эгитпес, дүрзү-бурганнарга мөгеер, чүдек-бужар чүүлдер үүлгедир;

Иезекиил 18:7

кымны-даа кызып-кыйбас, бодунга өрелиг кижиниң арттырып каан долаазын эгидип бээр, улус үптевес, бодунуң аъш-чемин аштаан кижиге бээр, хевин чанагаш кижиге кедирер;

Иезекиил 22:7

Сээң иштиңде кижилер ада-иезин куду көрүп, даштыкы улусту бастып, өскүстерни база дулгуяк херээженнерни кызагдап турар.

Иезекиил 45:9

Дээрги-Бурган-Чаяакчы мынча дээн: «Израильдиң чагырыкчылары, ам болзун! Каржы чорук биле кызагдалды болдурбаңар, шынныг шииткел биле чөптүг чоруктан кылыңар, Мээң чонумну хувааглыг черинден үндүр сывырарын соксадыңар – деп, Дээрги-Бурган-Чаяакчы медеглээн. –

Иоил 3:19

Египет ээнзиреп каар. Эдом ээн кургаг хову апаар. Иудеяның чонун каржы-дошкуну-биле аажылап, ол черге буруу чок хан төп турганы дээш, ындыг болур.

Левит 19:15

Улусту чөптүг эвес шиитпе. Ядыы-ла кижи-дир дээш, аңаа чымчак болба, күш-шыдалдыг-ла кижи-дир дээш, ооң күзелин хандырарын бодава. Өске кижини шынның туружундан шиидип чор.

Амос 5:15

Бузутка хөңнүңер чок, буянга ынак болуңар база шииткел черинге шын шииткелди тургузуңар; ынчан Дээрги-Чаяакчы, Аг-шериглиг Бурган Иосифтиң арткан салгалынче ээ көрнүр чадавас».

Амос 5:24

Силерден күзээр чүвем бо-дур: шын шииткел – хем суу ышкаш, чөптүг-шынныг чорук – кажан-даа катпас агым ышкаш хөме аксын.

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Михей 6:8

О, кижи амытан, Бурган сеңээ Ооң экизинер чүүлү чүдел дээрзин чугаалап каан ийик. Дээрги-Чаяакчы сенден чүнү негеп турар ийик: ажыл-херектериңге чөптүг бооруңну, энерел көргүзеринче чүткүлдүг бооруңну болгаш Бурганыңның мурнунга томаарып чурттаарыңны эвес чүве бе?

Малахия 3:5

Аг-шериглиг Дээрги-Чаяакчы: «Мен силерге шииткел үндүрүп чедип кээр мен. Караң көрнүрлерге, кады чурттаан эжинге шынчы эвестерге, мегелеп даңгыраглаарларга, хөлечиктерниң ажыл төлевирин бербестерге, дулгуяк херээженнерни база өскүс кижилерни кызагдаарларга, даштыкы улустуң эргелерин казыырларга – Менден кортпас улуска удур саадал чокка херечилеп, оларның буруузун илередир мен» – деп чугаалаан.

Матфей 23:23

Ном-хоойлу тайылбырлакчылары болгаш фарисейлер, ат болур силер! Ийи арынныглар! Мята, койнут болгаш тмин деп оъттарның дүжүдүнүң оннуң бир кезиин берип-даа турзуңарза, ыдыктыг хоойлуда эң чугула чүүлдерни: шын шииткелди, энерелди болгаш шынчы чорукту херекке албас-тыр силер. Баштайгызын кылыр ужурлуу шын, а сөөлгүзүн кылырын база утпаза эки.

Ы. х. к. 10:18

Ол өскүс кижиге, дулгуяк херээженге болчуп, чөптүг шиитпирни үндүрер; Ол өскээртен келген кижиге ынак, аңаа аъш-чем биле идик-хепти берип турар.

Ы. х. к. 24:17

Даштыкы кижиниң база өскүс кижиниң эргезин кызагдава, дулгуяк херээженниң хевин долаа кылдыр алба.

Ы. х. к. 24:7

Бодунуң ха-дуңма израиль чонунуң аразындан бир кижини оорлааш, ону кулу кылып алган кижи турар болза, ол ооржу кижини өлүрүп каар ужурлуг; чон аразында бужар-бакты ынчаар узуткап каг.

Ы. х. к. 25:1

«Ийи кижи аразынга маргылдаалыг херек үнген болза, олар шииткел черинче барзын, аңаа шииткекчилер оларның чаргызын үзүп, буруу чок кижини агартсын, а буруулуг кижини шиидип кагзын.

Ы. х. к. 27:19

„Даштыкы кижиниң, өскүс кижиниң болгаш дулгуяк херээженниң эргезин кызагдаан кижи каргаттырар!“ Бүгү чон: „Аминь!“ – деп харыылаар.

Иаков 1:27

Бурган Аданың хүлээп аары алыс шынныг, арыг болгаш кем чок хүндүткел болза түрегделге туттуруп чоруур өскүстерге, дулгуяк кадайларга дуза чедиреринде база бо делегейниң багынга борашпайн амыдыраарында.