Иеремия 22:2 - Ыдыктыг Библия

² Мону чугаалаар сен: Давидтиң дүжүлгезинде саадаан Иудеяның хааны, Дээрги-Чаяакчының сөзүн дыңна – сен-даа, дүжүметтериң-даа, сээң чонуң-даа, бо хаалга дамчыштыр кирип турар бүгү улус база – дыңнаңар!

Иеремия 22:2 Iomraidhean Croise

3 Хааннар 22:19

А Михей уламчылап чугаалаан: «Ам Дээрги-Чаяакчының чугаалаан сөзүн дыңнап көр. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

Исайя 1:10

Дээрги-Чаяакчының сөзүн дыңнаңар, Содомнуң чагырыкчылары! Бурганывыстың хоойлузун кичээнгейге ал, Гоморраның чону!

Исайя 28:14

Дээрги-Чаяакчының сөзүн тооп дыңнаңар, кочуургактар, бо чоннуң Иерусалимде саадаан чагырыкчылары!

Исайя 9:7

Ооң эрге-чагыргазы база хайырлаар амыр-тайбыңы кызыгаар чок көвүдээр. Ол Давид хаанның дүжүлгезинге саадап, ооң күрүнезин чагырып, ону шын шииткел болгаш чөптүг чорук-биле амдыгааштан эгелээш, кезээ мөңгеде доктаадып, быжыглаар. Аг-шериглиг Дээрги-Чаяакчының күштүг күзели ол бүгүнү боттандырар!

Иеремия 13:18

«Хаанга болгаш ооң иезинге: „Дүжүлгеңерден дүжүңер! Ат-алдарыңарның оваадайы бажыңардан кээп дүжер-дир.

Иеремия 19:3

Мынча дээр сен: „Иудеяның хааннары, Иерусалимниң чурттакчылары, Аг-шериглиг Дээрги-Чаяакчы – Израильдиң Бурганының чугаа-сөзүн дыңнаңар! Мен бо черже айыыл-халап ыдарымга, ооң дугайында дыңнаан кижи бүрүзүнүң кулаа түүгейни бээр.

Иеремия 22:1

Дээрги-Чаяакчы меңээ мынча дээн: «Иудеяның хаанының ордузунче баргаш, аңаа Мээң сөзүмнү медегле.

Иеремия 22:4

Бир эвес ол айтыышкынны күүседир болзуңарза, Давидтиң дүжүлгезинде саадаан хааннар чуузаларга олургаш-даа, аът мунгаш-даа – боттары, дүжүметтери, албаты чону – бо ордунуң хаалгаларын дамчыштыр кирер.

Иеремия 29:20

А силер, Мээң Иерусалимден үндүр сывырып, Вавилонче чорудупканым улус, Дээрги-Чаяакчының сөзүн тооп дыңнаңар!»

Иеремия 34:2

Дээрги-Чаяакчы, Израильдиң Бурганы: «Барып, Иудеяның хааны Седекияга мону чугаала» – дээн. Дээрги-Чаяакчы Седекияга дамчыдар кылдыр мынча дээн: «Мен бо хоорайны Вавилоннуң хаанының холунга хүлээдип тур мен. Ол хаан ону өрттедиптер.

Иеремия 36:30

Ынчангаш Дээрги-Чаяакчы Иудеяның хааны Иоаким дугайында: „Ооң үре-салгалы Давид хаанның дүжүлгезинге саадавас. Ооң мөчү-сөөгүн хүннүң изии биле дүннүң соогунче үндүр октап, бужартадыр.

Иеремия 7:2

«Дээрги-Чаяакчының өргээзинде хаалга аксынга туруп алгаш, бо чугаа-сөстү медегле. „Бүгү Иудея, Дээрги-Чаяакчының сөзүн дыңна! Аңаа мөгеер дээш бо хаалга дамчыштыр кирип турар бүгү улус, дыңнаңар!“ – дээр сен».

Иезекиил 34:7

Ынчангаш, чагырыкчылар, Дээрги-Чаяакчының сөзүн дыңнаңар:

Амос 7:16

А ам Дээрги-Чаяакчының чугаа-сөзүн дыңнап ал. Сен болза: „Израильге удур өттүр билип медеглеве, Исаактың салгалдарынга удур суртаалдава“ – дээр-дир сен.

Лука 1:32

Ол өндүр улуг болур база Дээди Өрүкүнүң Оглу деп адаттырар. Дээрги-Бурган-Чаяакчы Аңаа Ооң ада-өгбези Давидтиң дүжүлгезин хүлээдир-дир.