Иеремия 22:10 - Ыдыктыг Библия

¹⁰ Өлген хаан дээш ыглашпаңар, ол дээш качыгдаваңар! Харын туттуруушкунда барган хаанның ажыын ажып ыглажыңар, чүге дээрге ол ам черле ээп келбес, төрээн чуртун көрбес.

Иеремия 22:10 Iomraidhean Croise

4 Хааннар 22:20

Ынчангаш Мен сени ада-өгбеңге кадып каар мен, чевег-куйга амыр-тайбың ажааттырар сен. Мээң бо черже ыдарым айыыл-халапты сээң карааң көрбес“». Айбычылар ол харыыны хаанга дамчыдып берген.

4 Хааннар 23:29

Иосияның чагыргазының үезинде Египеттиң хааны Нехао фараон Ассирияның хаанынга уткуй Евфрат хемче үнүп келген. Иосия хаан аңаа удур үнүп кээрге, фараон ону Мегиддонга көрүп кааш, өлүрүп каан.

2 Чылдар 36:4

Египет хаан Иудея биле Иерусалимни чагырар кылдыр Иоахазтың акызы Элиакимни олурткаш, ооң адын Иоаким деп ат-биле солуп берген, а ооң дуңмазы Иоахазты Египетче аппарган.

Экклесиаст 4:2

Ынчангаш мен чок апарган улусту ам чурттап чоруур улустан артык экизиндим, чүге дээрге өлүглерниң чуртталгазы төнген-дир.

Исайя 57:1

«Чөптүг-шынныг улус өлүп каарга, оларны кым-даа херекке албас. Бурганга бердинген улус амы-тынындан чарлырга, чөптүг-шынныг кижи айыыл-халаптан адырлып турары ол дээрзин кым-даа билбес,

Иеремия 16:7

Өлген кижи дээш кажыыдаан улусту аргалаары-биле кым-даа оларга аъш-чем бербес, мөчээн ада-иези дээш безин оларже аргалалдың дашказын сунмас.

Иеремия 22:11

Чүге дээрге Дээрги-Чаяакчы Иосияның оглу, Иудеяның хааны, бо черден туттуруушкунда барган Шаллум дугайында: «Бодунуң ачазы Иосияның соонда хааннап эгелээн Шаллум ам черле бээр келбес-тир!

Иеремия 22:18

Ынчангаш Дээрги-Чаяакчы Иосияның оглу, Иудеяның хааны Иоаким дугайында мынча дээн: «Улус ооң ажыын ажып, акы-угбаларынга „Аа халак!“ дивес, „Дээргивис, хайыраатывыс чок апарган-дыр!“ деп ажыын ажып ыглашпас.

Иеремия 22:27

А аажок ээп келиксээриңер бо черже ам кажан-даа ээп келбес силер».

Иеремия 25:27

«Ол улус-чоннарга мону чугаала. Аг-шериглиг Дээрги-Чаяакчы, Израильдиң Бурганы мынча дээн: „Ижиңер, эзириңер, кузуңар! Кээп дүшкеш, Мээң силерже ыдарым хылышты көрүп кааш, турбас силер“.

Иеремия 28:4

Иоакимниң оглу, Иудеяның хааны Иехонияны база Иудеядан Вавилонче тудуп аппарган бүгү улусту Мен бо черже дедир чандырар мен – деп, Дээрги-Чаяакчы медеглээн, – чүге дээрге Вавилоннуң хаанының кедирген хомудун чуура шаап каар мен“».

Иеремия 42:18

Аг-шериглиг Дээрги-Чаяакчы, Израильдиң Бурганы мынча дээн: „Мээң кыптыккан килеңим Иерусалимниң чурттакчыларын бүргей алганы дег, Египетке чеде бээриңерге, силерни база бүргей алыр. Силер каргышка, хоозуралга, адыңар баксыраарынга, дорамчылалга чыгаттырар силер, бо черни моон соңгаар көрбес силер“.

Иеремия 44:14

Египетке кээп, чурттай берген иудейлерден дириг кижи артпас, кым-даа камгалал албас болгаш Иудеяже дедир чанмас. Олар бүгү-ле сагыш-сеткилинден Иудеяже ээп келиксеп, аңаа чурттаксап турар, ынчалза-даа Египеттен дезе берген каш кижиден аңгыда, кым-даа дедир ээп келбес».

Ыы-сыы 4:9

Хову-шөлдер куруглаарга, тыны үстүп, диригге-ле кадып калган, аштап өлген кижилерден хылыш-биле шаштырганнар кежиктиг-дир. י (йод)

Иезекиил 24:16

«Кижи амытан, карааңның огу дег эргим кижиңге хенертен дээпкеш, сенден хунаап аппаар мен; ынчалза-даа кажыыдава, ыглап-сыктава, карааң чажын төкпе.

Лука 23:28

Иисус оларже эргилип келгеш, мынча дээн: «Иерусалимниң херээженнери, Мээң ажыым ажып ыглашпаңар! Ооң орнунга боттарыңар дээш база ажы-төлүңер дээш, ыглажыңар.