Иеремия 21:8 - Ыдыктыг Библия

⁸ «Иеремия, бо чонга Дээрги-Чаяакчы мээң сөстеримни чугаала. Мен силерге амыдыралдың оруун азы өлүмнүң оруун шилип аарын саналдап тур мен.

Иеремия 21:8 Iomraidhean Croise

Чугаалар 12:28

Кижини чөптүг оруу амыдыралче аппаар, ооң чедире бээр черинде өлүм турбас.

Иеремия 38:17

Иеремия ынчан Седекияга мынча дээн: «Дээрги-Чаяакчы, Израильдиң Аг-шериглиг Бурганы: „Бир эвес сен Вавилоннуң хаанының шериг баштыңнарынга дүжүп бээр болзуңза, амы-тының камгалап аар сен, бо хоорайны база хуюкталдыр өрттетпес. Бүгү өг-бүлең-биле кады амы-тынныг артар сен.

Ы. х. к. 11:26

Көрүңер даан, мен силерге азы йөрээшкинни, азы каргышты шилип аарын саналдап тур мен.

Ы. х. к. 30:15

Көр даан, бөгүн сеңээ амыдырал биле буянны азы өлүм биле айыыл-халапты шилип аарын саналдап тур мен;

Ы. х. к. 30:19

Дээр биле черни бөгүн сеңээ удур херечилер кылдыр кыйгырып тур мен: амыдыралды азы өлүмнү, йөрээшкинни азы каргышты шилип аарын сеңээ саналдап тур мен. Амыдыралды шилип ал, ынчан сен-даа, үре-салгалың-даа дириг артар;