Иеремия 21:2 - Ыдыктыг Библия

² «Дээрги-Чаяакчыдан бис дээш дилеп көр, чүге дээрге Вавилоннуң хааны Навуходоносор биске удур дайылдажып тур! Дээрги-Чаяакчы Бодунуң кайгамчык чүүлдериниң бирээзин бис дээш кылыр чадавас, Навуходоносор ынчан бистен чоруй баар чадавас».

Иеремия 21:2 Iomraidhean Croise

Эге дөс 10:10

Ооң баштайгы чагырар девискээри Вавилон, Эрех, Аккад болгаш Халне деп черлер турган. Ол черлер Сеннаар деп чуртка кирип турган.

4 Хааннар 1:3

Ынчан Дээрги-Чаяакчының төлээзи Тешви чурттуг Илияга: «Самарияның хаанының айбылапкан улузунга уткуштур баргаш, оларга: „Израильде Бурган чок бе, чүге силер Экроннуң бурганы Веелзевулдан чүве айтырып бар чыдыр силер? – деп чугаалаар сен. –

4 Хааннар 17:24

Ассирияның хааны Вавилон, Кута, Авва, Хамат болгаш Сепарваим деп черлерниң чурттакчыларын көжүрүп эккелгеш, Самарияга чагырткан хоорайларга израильчилерниң орнунга чурттадып каан. Олар Самарияны ээлеп алгаш, ооң хоорайларынга чурттай берген.

2 Чылдар 32:21

Дээрги-Чаяакчы төлээзин чорудуптарга, ол ассирий хаанның турлаанда бүгү күштүг-шыырак дайынчыларны, баштыңчыларны болгаш шериг баштыңнарын кыргып-хыдып кааптарга, Сеннахирим бодунуң чуртунче бак атка кирип, чана берген. Ол бир-ле бодунуң бурганының өргээзинче кире бээрге, ооң бодунуң оолдары ачазын хылыш-биле шанчып каан.

Хосталыышкын 9:28

Дээрги-Чаяакчыга мөргүп көрүңер: Бурганның диңмирээшкиннери соксазын, долу чагбазын, мен ынчан силерни салып чорудуптар мен, моон соңгаар тутпас мен».

Иеремия 15:11

Дээрги-Чаяакчы мынча дээн: «Иеремия, Мен сени быжыглааш, ачы-буян хайырлаар мен! Айыыл-халап, кызып-кыйыышкын үезинде дайзыннарыңны сеңээ чанныр кылдыр албадаар мен.

Иеремия 21:3

Иеремия оларга мындыг харыы берген: «Седекияга Израильдиң Бурганы Дээрги-Чаяакчының бо сөстерин дамчыдыңар. Мен силерниң Вавилоннуң хааны-биле база хоорай ханаларының даштында силерни бүзээлээн халдей чон-биле чаалажып турар ок-чепсээңерни силерге удур углаар мен, оларны бо хоорайның төвүнге чыыр мен!

Иеремия 32:17

„О, Дээрги-Бурган-Чаяакчы! Сен чер биле дээрни Бодуңнуң өндүр улуг күжүң болгаш күчүлүг холуң-биле чаяаган сен. Сээң кылып шыдавас чүвең чок!

Иеремия 32:24

Бүзээлел чалдары хоорай ханалары-биле деңнежи берген-дир, дайзын хоорайны эжелеп аар, бо хоорайны бүзээлээн халдейлер ону холунга киирип аар. Хоорай дайын-чаа, аш-чут болгаш хамчык аарыгдан калыр. Сээң чугаалап турган чүвең боттанган-дыр, Сен ам ону көрүп тур сен.

Иеремия 34:1

Дээрги-Чаяакчы Иеремияга Бодунуң сөзүн ажыдып чугаалаан. Ол үеде Вавилоннуң хааны Навуходоносор, ооң бүгү аг-шерии, аңаа чагырткан чер-чурттуң бүгү күрүнелери, чоннары Иерусалимге база ооң чоок-кавызында хоорайларга удур дайылдажып турган.

Иеремия 37:17

Седекия хаан Иеремияны кыйгыртыптарга, ону ордуже эккелген. Хаан Иеремиядан: «Дээрги-Чаяакчы Бодунуң сөзүн ажыдып чугаалады бе?» – деп бүдүү айтырган. Иеремия: «Ийе, чугаалады – дээн. – Сен Вавилоннуң хаанының холунче кирер-дир сен».

Иеремия 37:3

Седекия хаан Иеремия медээчиже Шелемияның оглу Иегухал биле Маасеяның оглу Софония бараалгакчы оларны оон: «Дээрги-Чаяакчы Бурганывыска бис дээш мөргүп көр!» – деп дилезин дээш айбылап чорудупкан.

Иезекиил 7:26

Халап соондан халап, багай медээ соондан багай медээ кээр; улус Бурганның медээчизинден ажыдыышкыннарны хей-ле дилээр, Бурганның бараалгакчылары хоойлу-дүрүмнү суртаалдавайн баар, улуг назылыглар арга-сүме берип шыдавас.

Баштыңчылар 20:27

(Ол үеде Бурганның ыдыктыг аптаразы аңаа турган. А Аароннуң оглунуң оглу, Элеазарның оглу Финеес ыдыктыг аптараның бараан болукчузу турган.) Израильчилер Дээрги-Чаяакчыдан: «Боттарывыстың ха-дуңмаларывыс вениаминчилер-биле ам база тулчур бис бе азы соксадыр бис бе?» – деп айтырган. Дээрги-Чаяакчы оларга: «Тулчуңар! Даарта Мен оларны силерниң холуңарже киирип бээр мен» – деп харыылаан.

1 Хааннар 10:22

Дээрги-Чаяакчыдан: «Ол кижи база катап маңаа кээр бе?» – деп айтырарга, Дээрги-Чаяакчы: «Саул мында чүък аразында чаштып чыдыр» – дээн.

1 Хааннар 28:15

Самуил: «Чүге мени дүвүредип, үндүр кыйгырдың?» – деп Саулдан айтырган. Саул мынча дээн: «Меңээ дыка берге-дир. Филистимнер меңээ удур дайылдажып турар. Бурган мени каапкан болгаш, моон соңгаар Бодунуң медээчилерин дамчыштыр-даа, дүжүмде-даа меңээ харыы бербес-тир. Ынчангаш чүнү канчалзымза экил, мени өөредип кагзын дээш силерни кыйгырдым».

1 Хааннар 28:6

Саул Дээрги-Чаяакчыдан айтырарга, Ол аңаа ооң дүжүнде-даа, урим дамчыштыр-даа, Бодунуң медээчилерин дамчыштыр-даа харыы бербээн.