Иеремия 20:9 - Ыдыктыг Библия

⁹ Мен ынчан: «Дээрги-Чаяакчы дугайында сагындырбаайн, Ооң өмүнээзинден моон соңгаар чүве чугаалаваайн!» – деп бодадым. Ынчалза-даа Ооң сөзү мээң чүрээмде кыпкан, мээң ишти-хөңнүмден ушта чүткээн от дег апарды, ону тудар дээш могап туруптум, тудуп шыдавайн бардым.

Иеремия 20:9 Iomraidhean Croise

Ырлар 39:3

Ол мени коргунчуг тамыдан, чиндиңнээштен ужулгаш, буттарымны быжыг үндезинге тургузуп, таваңгайымны быжыктырып каан;

Иеремия 23:29

Мээң сөзүм от ышкаш – деп, Дээрги-Чаяакчы медеглээн, – Мээң сөзүм хая-даш чуура шапкан маска ышкаш!

Иеремия 23:9

Бурганның медээчилериниң дугайында. Чүрээм чарылгыже саргып, соп тур, бүгү сөөктерим мунчурады. Дээрги-Чаяакчының ыдыктыг сөстериниң ужун Ооң мурнунга эзирик кижи дег, арагага алыскан кижи дег апардым.

Иеремия 4:19

Ишти-хөңнүмнү! Ишти-хөңнүмнү! Чүрээм аарышкыдан харыксырап, чарлыр чыгыы соп тур, ыыттавайн баар аргам чогул. Чүге дээрге трубалар эткенин – дайынчы медээни дыңнап тур мен.

Иеремия 6:11

Дээрги-Чаяакчының килеңин үлежип турар мен, ону доктаадып шыдавас мен! «Кудумчуда бичии уругларже, бөлүглежип чыылган аныяктарже Мээң килеңимни төвүт! Эр-даа, херээжен-даа улусту тудуп алгаш баар, назылап кыраан ирейни база.

Иезекиил 3:14

Сүлде мени көдүргеш, өскээр аппарды. Мен муңгарап, сеткилим аажок хөлзеп чордум, Дээрги-Чаяакчының холу мени чайгылыш чок башкарып турду.

Иезекиил 3:3

Ол меңээ: «Кижи амытан, Мээң берип турарым дүрүгнү чивит, ооң-биле бодуңну долдуруп ал» – диди. Мен ону чиптим, аксымга ол ары чигири дег амданныг болду.

Амос 3:8

Арзылаң ырланган соонда, кижи коргуп сирилевес деп бе? Дээрги-Бурган-Чаяакчы чугаалаан соонда, кижи Ооң сөзүн медеглевес деп бе?

Иона 1:2

«Улуг хоорай Ниневияже дүрген чорупкаш, ында чурттаан улусту билиндир сургап каг, чүге дээрге оларның кемниг үүлгедиглери меңээ билдингир апарды» – деп чугаалаан.

Иона 1:3

А Иона Дээрги-Чаяакчыдан дезип, Фарсисче чоруптарын шиитпирлээн. Ол Иоппия хоорайга чедип келгеш, Фарсисче эжиндирип чоруур деп турган корабль тып алгаш, орук хөлезинин берипкеш, Дээрги-Чаяакчыдан дезип, Фарсисче эжиндирип чорууру-биле олурупкан.

Лука 9:62

Ынчалза-даа Иисус аңаа: «Андазын сывын тудуп алгаш, хая көрнүп турар кижи Бурганның Чагыргазынга таарышпас болур» – деп харыылаан.

Ажыл-чорудулга 17:16

Павел эштерин манап, Афиныга чоруп тургаш, хоорайны дүрзү-бурганнар дола бергенин көргеш, сеткил-сагыжы аажок аараан.

Ажыл-чорудулга 18:5

Сила биле Тимофей Македониядан кээрге, Павел бодун суртаал кылырынга бараалгадып, иудейлерге «Иисус дээрге Христос ол-дур» дээрзин херечилеп турган.

Ажыл-чорудулга 4:20

Бис көрген болгаш дыңнаан чүвевис дугайында ыыттавайн барып шыдавас бис» – деп харыылааннар.