Иеремия 20:5 - Ыдыктыг Библия

⁵ Мен бо хоорайның бүгү бай-байлаан, ооң өнчү-хөреңгизин, бүгү улуг үнелиг чүүлдерин, Иудеяның хааннарының эртинелерин – шуптузун дайзыннар холунга хүлээдип бээр мен. Олар бүгү чүвени үптеп-тонааш, хунаап алгаш, Вавилонче аппаар.

Иеремия 20:5 Iomraidhean Croise

2 Чылдар 36:10

Чылдың эгезинде Навуходоносор хаан улузун чорудуптарга, олар Иехонияны база Дээрги-Чаяакчының өргээзиниң улуг үнелиг эт-херекселин Вавилонче эккелген. Навуходоносор Иудея биле Иерусалимниң хааны кылдыр Иехонияның төрели Седекияны олуртуп каан.

Исайя 39:6

„Сээң ордуңда бар бүгү чүвени, сээң ада-өгбеңниң бөгүнге чедир чыып алган бүгү чүвезин Вавилонче алгаш баар хүннер кээр, маңаа чүү-даа артпас – деп, Дээрги-Чаяакчы чугаалаан. –

Иеремия 12:12

Ээн кургаг ховуда бүгү тас тейлерни кырлай базып, узуткакчылар чедип келди; Дээрги-Чаяакчының хылыжы черниң чурттакчыларын бир кыдыындан өске кыдыынга чедир кыргып-хыдып каапты, кым-даа амыр-тайбың көрбестеди.

Иеремия 15:13

Иудея, сээң бүгү девискээриңге үүлгеткен бачыттарың дээш эт-хөреңгиңни, эртине-байлааңны дайзыныңга белен олча-тывыш кылып каар мен.

Иеремия 3:24

Бистиң аныяк шаавыстан-на бужар дүрзү-бурганнар ада-өгбевистиң эт-хөреңгизин, оларның шээр, бода малын, оглу-кызын сыырып турган.

Иеремия 32:24

Бүзээлел чалдары хоорай ханалары-биле деңнежи берген-дир, дайзын хоорайны эжелеп аар, бо хоорайны бүзээлээн халдейлер ону холунга киирип аар. Хоорай дайын-чаа, аш-чут болгаш хамчык аарыгдан калыр. Сээң чугаалап турган чүвең боттанган-дыр, Сен ам ону көрүп тур сен.

Иеремия 39:2

Седекияның чагыргазының он бирги чылында, дөрт айның тоста хоорайның ханазын деже шаапкан.

Иеремия 39:8

Хаанның ордузун база карачал чоннуң бажыңнарын халдейлер хуюкталдыр өрттедипкен, а Иерусалимниң ханаларын бузуп каапкан.

Иеремия 4:20

Халапты халап солаан, бүгү чурт хоозураан; чадырларывыс хенертен, оран-сававыс – карак чивеш дээр аразында буступ кээп дүшкен.

Ыы-сыы 1:10

Ооң бүгү эртине-байлаан дайзынның холу хунаан. Ыдык өргээ саза баскан өске чоннар улузун ол көрүп турар. «Ниитилелиңерге олар каттышпазын!» – деп хорудуң чоп, Дээрги-Чаяакчы! כ (каф)

Ыы-сыы 1:7

Иерусалим түреп-човаан, улчуп-тояан хүннеринде; дайзынга чон алзыпканда; өмек болур кижи чокта, эрте шагдан эдилеп чораан эртине-байлаан сактып туру. Олче кайгаан дайзыннар, кошкаан көргеш, шоодуп турлар. ח (хет)

Ыы-сыы 4:12

Иерусалим хаалгазындан өштүг дайзын кирип кээр деп, черде хааннар, делегейде чурттаан улус бодап безин чорааннар бе?! מ (мем)

Иезекиил 22:25

Ында турар Бурганның медээчилери сүлчээлиг-дир, олар олчазын үзе-чаза тыртып, ырланган арзылаң ышкаш-тыр; олар улусту узуткап, эт-хөреңги болгаш эртине-байлакты хунаап ап, бо черде дулгуяк херээженнерни көвүдедип турар-дыр.

Даниил 1:2

Иудеяның хааны Иоакимни база Бурганның өргээзиниң эдилелдериниң чамдыызын Дээрги-Чаяакчы Навуходоносорнуң холунче киирипкен. Навуходоносор ол эдилелдерни Сеннаарже аппаргаш, бодунуң бурганының өргээзинде эртине шыгжамырынче суп каан.

Осия 13:15

Эфрем акы-дуңмазынга бодаарга, өзүген-даа болза, өрттендир чиир хат чедип кээр – ээн кургаг ховудан Дээрги-Чаяакчының хады көдүрлүр, ынчан ол хат Эфремниң суунуң бажын соолдуруп каар, булаан кадырып каар; ол хат Израильдиң эртине-байлаан үптээр, ооң бүгү үнелиг чүүлдериниң шыгжамырын куругладыр.