Иеремия 20:16 - Ыдыктыг Библия

¹⁶ Шак ол кижи Дээрги-Чаяакчының кээргел чок узуткап каапкан хоорайлары дег болзун. Ол кижи эртен уё-човуур, дал дүъште – дайын-чааның алгы-кышкызы дыңназын!

Иеремия 20:16 Iomraidhean Croise

Иеремия 18:22

Кажан оларже үптекчилерни хенертен эккээриңге, оларның бажыңнарындан уё-човуур дыңналзын, чүге дээрге олар мени тудуп аар дээш оңгар казып, мээң буттарымга дузак салып каан-дыр.

Иеремия 18:8

А бир эвес ону чугаалап каан чонум бодунуң бузудундан ойталаар болза, Мен база өскээр бодай берип, ол чонга таварыштырар дээн айыыл-халавым ытпас мен.

Иеремия 23:14

Мээң Иерусалимде медээчилерим коргунчуг чүүл үүлгедип турарын база көрүп тур мен; олар самыыраан, мегеге башкартып чурттап чоруур, бузуттуг хейлерниң холун быжыктырып, деткиир улус-тур, ооң түңнелинде бузуттуг хейлер бак херектерин кагбас-тыр. Мээң мурнумга олар шупту Содом дег, Иерусалимниң чурттакчылары – Гоморра дег!»

Иеремия 26:13

Оруктарыңар биле ажыл-херээңерни экижидип ап көрүңер, Дээрги-Чаяакчы Бурганыңарның сөзүн дыңнаңар. Дээрги-Чаяакчы ынчан бодалын өскертип, силерге аазааны айыыл-халапты болдурбас.

Иеремия 4:19

Ишти-хөңнүмнү! Ишти-хөңнүмнү! Чүрээм аарышкыдан харыксырап, чарлыр чыгыы соп тур, ыыттавайн баар аргам чогул. Чүге дээрге трубалар эткенин – дайынчы медээни дыңнап тур мен.

Ыы-сыы 4:6

Содомнуң-даа кеземчезин мээң чонум кеземчези ажып турар: шак ол хоорай, кижи холу көңгүс дегбейн, карак чивеш дээр аразында буступ дүшкен. ז (зайин)

Иезекиил 21:22

Ооң холунче „Иерусалимче“ деп айыткан төлге кирер-дир – ол аңаа дайынчы алгы үндүрүп, кыргып-хыдыышкынче кыйгырар, хана буза үстүрер чепсектер тургузар, хоорайны дескиндир чалдар кылыр, бүзээлел суургалары тудар.

Осия 10:14

Сээң чонуңга удур чаа-дайын үнер, Салманның Бет-Арбел хоорайны тулчуушкун үезинде үреп бускаш, аваларны ажы-төлү-биле катай чылча октап-шывадап турганы дег, сээң бүгү шивээлериңни үреп бузуп каар!

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Осия 13:14

Мен израильчилерни өлүглер оранының эрге-чагыргазындан адырар мен бе? Чок, оларга кээргел көргүспес мен! Өлүм, сээң хамчык аарыың кайыл? Алдыы оран, сээң халдавырлыг аарыың кайыл?

Амос 1:14

Равва хоорайның ханазынга отту кыпсыр мен, ол от ооң шивээлерин чаа-дайын хүнүнде алгы-кышкы аразынга, хат-шуурганныг хүнде казыргыланып келгеш, чиптер.

Амос 2:2

Моавче отту ыдар мен, ол от Кериот хоорайның шивээлерин чиптер, моав чон ону чылча шапкан аг-шеригниң алгы-кышкызының аразынга, дайзыннар труба этсип турда, кырлып каар.

Амос 4:11

«Мээң Содом биле Гоморраны чылча базып кааным дег, силерниң чуртуңарда чамдык хоорайларны чылча базып кагдым; ынчан силер оттан ушта тырткан кезектен дээредевес турдуңар. Ындыг-даа болза, Менче эглип келбээн силер». Дээрги-Чаяакчының медеглээн чүвези ол-дур.

Иона 3:4

Иона хоорайны чаңгыс хүн дургузунда эртиптер шаа-биле эргип: «Дөртен хонук арткан-дыр, оон Ниневия узуткаттырар!» – деп суртаалдап эгелээн.

Иона 4:2

Ынчангаш ол Дээрги-Чаяакчыга мөргүп, мону чугаалаан: «О, Дээрги-Чаяакчы! Бо дугайында мен чуртумга тургаш, чугаалавайн туржук мен бе? Мен Сени килеңнээчел эвес, кээргээчел, ээ көрнүүчел, өндүр улуг энерелдиг Бурган – кижилерге онааган кеземчезин өскертип шыдаар Бурган деп билгеш, Фарсисче чорупкан турган мен.

Софония 1:16

дайынчы труба эдер, быжыглалдыг хоорайлар биле бедик суургаларга удур тулчуушкунче кыйгы хүнү болур.

Софония 2:9

Ынчангаш дириг Бодумнуң адым-биле даңгыраглап тур мен – деп, Аг-шериглиг Дээрги-Чаяакчы, Израильдиң Бурганы медеглээн. – Моав Содом ышкаш, аммон чон – Гоморра ышкаш апаар. Оларның чери кезээ мөңгеде шагар-оът дуй үнген, кужурланчак девискээр, ээн кургаг хову апаар. Мээң чонумнуң дириг арткан улузу оларны олчалап аар, Мээң улузумнуң артынчызы оларның черин өнчү кылдыр алыр.

Лука 17:29

Ынчалза-даа Лоттуң Содом хоорайны каггаш үнүпкен хүнүнде дээрден оттуг күгүрден бүткен чаъс чаггаш, оларның шуптузун чок кылып каан ийик чоп.

Ы. х. к. 29:22

Дараазында салгал, силерниң сооңарда чурттаар ажы-төлүңер база ырак чурттан чедип кээр даштыкы кижи бо черниң айыыл-халавын, Дээрги-Чаяакчының аңаа халдаткан аарыгларын көргеш:

Ы. х. к. 29:23

„Күгүр, дуска бүрүнү-биле чирткен, өрттенип калган чер-дир, тараа тарывастаан, дүжүт бербестээн, кандыг-даа оът-сиген өзүп үнмес апарган чер-дир; Дээрги-Чаяакчы килеңнеп хорадааш, таптай базып каапкан Содом, Гоморра, Адма болгаш Цевоим хоорайларның узуткаттырган үезинде дег хоозураан чер-дир“ – дээр.

2 Пётр 2:6

Ол Содом биле Гоморра хоорайларны чылча базар кылдыр шииткеш, келир үениң бачыттыг улузу-биле чүү болу берип боорун сагындырып чорзун дээш, оларны от-биле хуюктап каапкан.

Иуда 1:7

Содом биле Гоморраны болгаш оларны хүрээлээн хоорайларны база сактып келиңер. Ук хоорайларның чурттакчылары, дээрниң ол төлээлери кара олчаан, самыыраашкынга алзып, бужар хевир-биле бирикшижип турганнар. Шупту улусту кичээндирер дээш, оларны мөңге оттуң кеземчези-биле шаажылаан.