Иеремия 20:12 - Ыдыктыг Библия

¹² Аг-шериглиг Дээрги-Чаяакчы чөптүг-шынныг улусту шылгаар, Ол кижиниң сеткил-чүрээ биле ишти-хөңнүн өттүр көрүп турар. Мени истеп-сүргеннерден Сээң өжээн негээриңни көрейн, чүге дээрге бодумнуң чаргы-чаалымны шиитпирлээрин Сеңээ бүзүрээн мен.

Иеремия 20:12 Iomraidhean Croise

2 Чылдар 24:22

Оон Иоас хаан Захарияның ачазы Иодайның аңаа көргүскен энерелин сагынмайн, ооң оглун өлүрүп каан. Өлүп чыда, Захария: «Дээрги-Чаяакчы көрүп кааш, өжээн негезин!» – дээн.

Ырлар 11:5

Ол улус: «Аксы-сөзүвүс-биле ажып тиилээр бис, дылдарывыс бисти деткип турда, кым биске дээрги боорул?» – дижип турар.

Ырлар 17:3

Дээрги-Чаяакчы – мээң быжыг шивээм, хоргадалым, камгалалым. Мээң Бурганым – чалым-хаям. Ол – дозуг-камгалалым, мени камгалап турар күчү-күш, мээң чаглаам.

Ырлар 54:7

Ынчангаш мен мынча дидим: «Көге-буга ышкаш чалгын-чүглүг болурум кай, ужуп үнгеш, оожум черге хонуп алза.

Ырлар 58:10

Күчү-күш – Сенде, Сээң дузаң манап тур мен – Бурганым мээң шивээм болгай.

Ырлар 59:10

а Моавтың чери – Мээң бут чуур таваам болур, Эдомнуң черин сапыым таптай базар. Филистим чер, Мээң тиилелгем дээш өөрүп-байырла!»

Ырлар 62:8

Сен меңээ дузалап келдиң, Сээң чалгыннарың адаанга өөрүп-байырлаар мен.

Ырлар 7:9

Дээрги-Чаяакчы аймактарны шиидип турар. Меңээ шын шииткелден үндүрүп көр, чөптүүмнү, кем-буруу чогумну көрүп көр, Дээрги-Чаяакчы.

Ырлар 86:4

Бурган: «Мени чоок таныыр улуска Рахав биле Вавилон чурттугларже айтыр мен. Бо – филистимнер-дир, бо – Тир биле Эфиопияның чурттакчылары-дыр. Ол кижи аңаа, бо кижи дуу аңаа төрүттүнген» – дээр.

Исайя 37:14

Эзекия элчиннерден чагааны ап алгаш, номчуп көрген. Ооң соонда ол Дээрги-Чаяакчының өргээзинге баргаш, дүрүгнү Дээрги-Чаяакчының мурнунга чада туткан.

Исайя 38:14

Мен хараачыгай азы дуруяа ышкаш эдер-дир мен, көге-буга ышкаш човууртаар-дыр мен. Үргүлчү өрү көөр дээш, карактарым шылап калды. Меңээ бергезин! Дээрги-Чаяакчы, меңээ дузалап көр!

Иеремия 11:20

Аг-шериглиг Дээрги-Чаяакчы, чөптүү-биле шиидип турар сен база кижиниң сеткил-чүрээ, ишти-хөңнүн шенеп турар болгай сен! Олардан өжээн негээриңни мен көрүп көрейн, бодумнуң чаргы-чаалымны шиитпирлээрин Сеңээ бүзүредим.

Иеремия 12:8

Мээң чонум шырыш иштинде арзылаң дег: ол Менче ырланып эгелээрге, ону көөр хөңнүм чок апарды.

Иеремия 17:10

А Мен, Дээрги-Чаяакчы, кижиниң чүрээнче өттүр көрүп, сеткил-сагыжын шенеп турар мен, кижи бүрүзүн ооң херектерин ёзугаар, ажыл-херээниң үре-түңнелин барымдаалап, шаңнаар азы кезедир мен.

Иеремия 17:18

Мени истеп-сүрген улустуң ады баксыразын, а мээң адым баксыравазын, олар коргуп-сүртезин, а мен коргуп-сүртевээйн! Оларже айыыл-халап хүнүн ыдывыт, аар согуушкун-биле оларны чылча шаап каг!

1 Пётр 2:23

Христосту дорамчылап турда, Ол дорамчылал-биле харыылаваан. Хилинчек көрүп тургаш, Ол кымга-даа кыжанмаан, а чөптүг Шииткекчиге бүрүнү-биле ынанган.

1 Пётр 4:19

Ынчангаш Бурганның күзел-соруунуң аайы-биле хилинчек көрүп чоруур улус, буян тарыырын уламчылавышаан, бады-шынчы Чаяакчызынга боттарының амы-тынын бүзүреп хүлээдип берзин.

Ажыдыышкын 18:20

Дээрлер, өөрүп-байырлаңар! Бурганның бүгү улузу, элчиннери болгаш медээчилери, өөрүп-байырлаңар! Чүге дээрге силерге кылган хамык бузуду дээш, Бурган ону кезеткен-дир!

Ажыдыышкын 2:23

Иезавелди эдергеннерни база узуткаар мен. Улустуң угаан-бодалынче, күзелинче бакылап турар Кижи дээрге-ле Мен-дир дээрзин бүгү христиан ниитилелдер билип алыр. Мен кижи бүрүзүн ооң кылган херектерин ёзугаар шаңнаар азы кезедир мен.

Ажыдыышкын 6:10

Олар ыыткыр үн-биле алгыржып турдулар: «Ыдыктыг болгаш шынныг Чагырыкчы, ам чеже чылзыр сен?! Бисти өлүргени дээш, черниң улузундан өжээн негээр шииткелиң кажан болурул?!»

1 Хааннар 1:15

Анна мынча деп харыылаан: «Чок, дээргим! Мен дээрге сеткил-сагыжымда кажыыдалдыг херээжен кижи-дир мен. Арага-даа, өске эзиртир суксун-даа ишпээн мен. Харын Дээрги-Чаяакчыга сеткил-сагыжымны тө каап берип тур мен.