Иеремия 2:7 - Ыдыктыг Библия

⁷ Мен силерни дүжүткүр черже, ооң ачы-буянныг беримчези-биле чемнензин дээш, эккелдим. А силер чедип келгеш, канчалдыңар? Мээң чуртумну бужартадып, Мээң ээлээн черимни чүдек-бужар чүүл кылып кагдыңар!

Иеремия 2:7 Iomraidhean Croise

Неемия 9:25

Израильчилер быжыглалдыг хоорайларны, дүжүткүр черлерни эжелеп алган. Янзы-бүрү эт-хөреңги долган бажыңнарны, хаяда оюп кылып каан кудуктарны, виноград шөлдерин, оливалыг сесерликтерни, эңдерик чимистиг ыяштарны олар эжелеп алган. Олар Сээң өндүр улуг буяның ачызында чемненип, тодуп, семирип, таалап-ханып турган.

Неемия 9:26

Ындыг-даа болза, үймээнчилер апарып, Сеңээ удур тура халааннар, Сээң хоойлуңну артынче октапканнар. Сээң медээчилериң израильчилерни Сенче ээлдирер дээш сагындырып турган, а олар демги медээчилерни өлүрүп турду. Улус-чон Сеңээ удур коргунчуг дорамчылалдар кылып турган,

Исайя 19:25

Аг-шериглиг Дээрги-Чаяакчы оларны алгап-йөрээп: «Мээң египет чонум, Мээң холумнуң бүдүргени Ассирия, Мээң өнчүм Израиль – олар шупту Мээң ачы-буянымны алыр» – дээр.

Иеремия 16:18

Мен оларны кем-буруузу, бачыттары дээш база Мээң черимни амы-тын чок чүдек дүрзүлери-биле бужартатканы, Мээң ээлээн черимни боттарының чүдек-бужар чүүлдери-биле долдурганы дээш ийи дакпыр кезедир мен».

Иеремия 3:1

«Ашаа кадайын чандырыптарга, кадайы оон чоруй баргаш, өске ашакка барып аар болза, баштайгы ашаа олче эглип кээп болур бе? Ынчаар болза, ол чер бужартай бербес деп бе? А сен хөй таныштарың-биле самыырап турган хиреңде-ле, Менче эглип кээр деп тур сен бе? – деп, Дээрги-Чаяакчы медеглээн. –

Иеремия 3:2

Тас тейлерже көрүжүң шигле, ында сээң самыырап турбааның чер бар-дыр бе? Ээн кургаг ховуда чорумалдар кеденген араб кижи дег, таныштарыңны орук кыдыынга манап турдуң. Бодуңнуң самыыраашкын болгаш бузудуң-биле черни бужартаттың.

Иеремия 3:9

Ол бодунуң ыят чок самыыраашкыны-биле черни бужартадып, даш, ыяш дүрзүлер-биле Меңээ өскерлип турду.

Иеремия 32:23

Олар чедип келгеш, ол черни ээлеп алган. Ынчалза-даа Сээң сөзүңнү тооп дыңнавайн барганнар, Сээң дүрүм-хоойлуң ёзугаар чурттавайн турганнар. Оларга кылзын деп айыткан чүвеңни кылбайн барганнар. Ол бүгү дээш, Сен оларже бо бүгү айыыл-халапты ыткан сен!

Иеремия 32:30

Чүге дээрге Израиль биле Иудеяның чону аныяандан-на Мээң мурнумга чүгле бузут үүлгедип турган; израиль чон бодунуң ажыл-херектери-биле Мени чүгле килеңнедип турган – деп, Дээрги-Чаяакчы медеглээн. –

Иезекиил 20:24

Чүге дээрге олар Мээң хоойлуларымны күүсетпейн, айтыышкыннарымны хүлээп көрбейн турган; Меңээ тураскааткан амыр-дыш хүннерин бужартадып, боттарының ада-өгбезиниң дүрзү-бурганнарын чарашсынып магадап турганнар.

Иезекиил 20:28

Мен оларны бээр бооп даңгыраглаан черимче эккелдим. А олар бедик тей азы улуг хөлегелиг ыяш көрүп кааш-ла, аңаа өргүлдер кылып, Мээң килеңим оттурар өргүл белектери салып, чаагай чыттыг чүүлдер кыпсып, арага өргүлдери чажып турду.

Иезекиил 20:6

Ол хүн оларны Египеттен үндүргеш, Мээң оларга көрүп бергеним, сүт биле ары чигири агып чыдар байлак, бүгү черлерниң эң каазы болур черже чедире бээрин аазаан мен.

Иезекиил 23:35

Ынчангаш Дээрги-Бурган-Чаяакчы: «Сен Мени уттуп, Мени артыңче октапкан болганыңда, бодуңнуң кем-бурууң, самыыраашкыныңны чүктээр апаар сен» – деп чугаалаан.

Иезекиил 36:17

«Кижи амытан, израиль чон бодунуң черинге чурттап тургаш, ону бодунуң ажыл-херээ база үүлгедиглери-биле бужартадып алган. Чоннуң оруу Мээң мурнумга ай демдээ көрүп турар херээжен кижиниң арыг эвези дег болган.

Осия 9:3

Олар Дээрги-Чаяакчының черинге чурттап артпас. Эфрем Египетче дедир чоруптар, Ассирияга база арыг эвес аъш-чем чиир.

Михей 2:10

Дораан чоруй барыңар – бо черге ам амыр-дыш турбас, ону арыг эвези дээш буурадып каар, ол болза коргунчуг буураашкын боор.

Саннар 13:27

Олар Моисей биле Ааронга база бүгү израиль ниитилелге Фаран ховузунга, Кадес деп черге чедип келгеш, оларга харыы тудуп чугаалааш, чедип чорааны черниң чимистерин көргүскеннер.

Ы. х. к. 21:23

мага-бот ыяшка хондур турбазын, ону ол-ла хүн ажаап каг, чүге дээрге ыяшка азып каан кижи Бурганга каргаттырган-дыр, Дээрги-Чаяакчы Бурганыңның сеңээ хуваап берип турар черин ынчалдыр бужартатпас ужурлуг сен».

Ы. х. к. 32:9

Дээрги-Чаяакчының үлүү – Ооң чону ол, Израиль – Ооң Бодунга хуваап алган өнчүзү-дүр.

Ы. х. к. 6:18

Дээрги-Чаяакчының мурнунга чөптүг, эки чүведен кыл, ынчан сеңээ эки-чаагай болур, Дээрги-Чаяакчының ада-өгбеңге бээр бооп даңгыраглап турган черин ээлеп аар сен;