Иеремия 2:5 - Ыдыктыг Библия

⁵ Дээрги-Чаяакчы мынча дээн: «Таанда-ла ада-өгбеңер Мени кем-буруулуг деп көрген бе? Чүге олар Менден ырай берди? Олар хоозун чүүл сүргеш, боттары хоозун куруг апардылар.

Иеремия 2:5 Iomraidhean Croise

4 Хааннар 17:15

Олар Дээрги-Чаяакчының дүрүмнерин, Ооң оларның ада-өгбези-биле чарган чагыг-керээзин, Ооң оларга ажыдып турган сагындырыгларын тоовайн барганнар. Олар хоозун дүрзү-бурганнарны эдерип, боттары база хоозун куруг апарганнар. Дээрги-Чаяакчы израильчилерге оларны долгандыр чурттап турар чоннарның кылып турар чүүлдерин кылырын хоруп каан-даа болза, олар ол чоннарны өттүнүп чурттап турганнар.

Ырлар 115:8

Өөрүп четтириишкин өргүлүн Сеңээ эккеп салыр мен; Дээрги-Чаяакчының адын кый деп, мактаар мен.

Исайя 29:13

Дээрги мынча дээн: «Бо чон Меңээ аксы-сөзү-биле чоок чон-дур, Мени сөс кырында хүндүлээр, а сеткил-чүрээ-биле Менден ырак чон-дур. Оларның Меңээ мөгейиишкини – чүгле кижилерден шиңгээдип алганы сагылга-дүрүмнер-дир.

Исайя 44:9

Дүрзү-бурганнар кылып турар бүгү улус чүү-даа эвес-тир, оларның аажок үнелээр дүрзүлери кандыг-даа ажык-дуза чок. Оларның ол херечилери чүнү-даа көрбес, чүнү-даа угаап билбес, ынчангаш бак атка кирер!

Исайя 46:12

Чөрүү, актыг-шынныг чоруктан ырак улус, Мени дыңнаңар!

Иеремия 10:8

Ол улус мелегей болгаш бүдүүлүк. Оларның өөредии чөгенчиг – анаа-ла ыяш.

Иеремия 12:2

Сен оларны тарып өстүрүп кагдың – олар дазылдангаш, улгадып өскеш, чимизин берип тур. Сээң адың оларның аксындан дүшпестээн-дир, а сеткил-чүрээнден ырак-тыр.

Иеремия 14:22

Өске чоннарның хоозун дүрзү-бурганнары чаъс чагдырып шыдаар бе? Дээр чайыкты боду хайырлаар бе? Дээрги-Чаяакчы Бурганывыс, Сен хайырлаар эвес сен бе? Сеңээ идегеп тур бис, чүге дээрге ол бүгүнү Сен чаяап турар болгай сен.

Иеремия 2:31

О, амгы салгал, Дээрги-Чаяакчының сөзүн тооп билип ап көрүңер! Мен израиль чонга хамаарыштыр ээн кургаг хову, дүмбей караңгы бооп турдум бе? Ынчаарга чүге-ле Мээң чонум: „Бодувустуң барыксаан оруувус-биле чоруй баар бис, Сенче дедир ээп келбес бис!“ – дээрил?

Иеремия 2:4

Иаковтуң салгалы, Израильдиң бүгү аймактары, Дээрги-Чаяакчының сөзүн дыңнаңар!

Иеремия 8:19

Чурттуң бүгү булуңнарындан мээң күжүр чонумнуң: «Таанда-ла Сионда Дээрги-Чаяакчы чок бе, таанда-ла ооң Хааны чок бе?» – дээн кыйгызы дыңналып тур. «Олар Мени чүге хары, чөгенчиг дүрзү-бурганнары-биле килеңнедип алганыл?»

Иезекиил 11:15

«Кижи амытан, бодуңнуң ха-дуңмаңны, төрел чонуңну, сээң-биле кады туттуруушкунга турган улусту, бүгү израиль чонну бодап көр. Иерусалимде чурттап турар улус оларның дугайында: „Олар Дээрги-Чаяакчыдан ырап чоруй барган-дыр, бо черни ээлээр кылдыр оларга эвес, а биске берип каан-дыр“ – дижип турар-дыр.

Иезекиил 14:5

Израиль чон дүрзү-бурганнар дээш Мени каапкан-даа болза, оларның сеткил-чүрээн Бодумче ээлдирип аар мен.

Иона 2:8

Сагыш-сеткилим харыксырай бээрге, Дээрги-Чаяакчыны сактып келдим, мээң мөргүлүм Сеңээ, Сээң ыдыктыг өргээңге чеде берген-дир.

Матфей 15:8

„Бо чон Мени сөс кырында хүндүлээр, а сеткил-чүрээ-биле Менден ырак.

Ажыл-чорудулга 14:15

«Улус-чон! Бо канчап бардыңар? Силер-биле дөмей кижилер-дир бис! Силерге Буянныг Медээ медеглеп келдивис. Бо хоозун дүрзү-бурганнарны каапкаш, дээрниң, черниң, далайның база оларда бар бүгү чүвениң Чаяакчызы, дириг Бурганче эглириңерни күзеп тур бис.

Римчилерге 1:21

Бурганны билип алгаш-даа, олар Ону Бурганны дег алдаржытпааннар, Аңаа өөрүп четтирбээннер. А ооң орнунга хоозун угаашкыннарга алзып алганнар, оларның сарыыл чок чүректери караңгыга бүргедипкен.

Ы. х. к. 32:21

Олар Бурган бооп шыдавас дүрзүлер-биле Мээң хүннээчел сагыжымны оттуруп алды, хоозун дүрзү-бурганнары-биле анчыгзындырып алды; Мен чон дээр арга чок улус-биле оларның хүннээчел сагыжын оттурар мен, угаан-бодал чок чон-биле анчыгзындырар мен.

1 Хааннар 12:21

Ажык-дуза чок база камгалап шыдавас хоозун бурганнарга чүдүвеңер, чүге дээрге олар чүү-даа эвес-тир.