Иеремия 2:3 - Ыдыктыг Библия

³ Израиль – Дээрги-Чаяакчының ыдыктыг чону, Ооң дүжүдүнүң баштайгызы-дыр. Ону чип турган улус шупту буруудаар, айыыл-халап оларны хөме таварыыр“». Дээрги-Чаяакчының медеглээн чүвези ол-дур.

Иеремия 2:3 Iomraidhean Croise

Хосталыышкын 22:29

Сээң дүжүдүңнүң башкылыын: баштайгы тарааңны болгаш баштайгы чимизиңниң чулуун Меңээ бээрин саадатпа; дун оглуңну Меңээ бараалгадыры-биле бер.

Хосталыышкын 23:16

Бодуңнуң шөлүңде тарып алган үрезиниңниң болгаш күш-ажылыңның үре-түңнели – баштайгы дүжүдүңнүң байырлалын демдеглеп чор. Чыл төнчүзүнде шөлүңден күш-ажылыңның үре-түңнелин ажаап аарың – дүжүт ажаалдазының байырлалын демдеглеп чор.

Исайя 41:11

Сеңээ килеңнээн бүгү улус бак атка кирип, бужартаар, сеңээ удурланган улус чүү-даа эвес апаар, өлүп чидер.

Исайя 47:6

Мен Бодумнуң чонумга килеңней бердим, Бодумнуң өнчүмнүң адын бакка суп, сээң холуңга хүлээдип бердим. А сен оларга өршээл көргүспедиң, кырганнарга безин аар дөңгү кедирип кагдың.

Иеремия 12:14

Дээрги-Чаяакчы: «Израиль чонумга хайырлааным ээлээн черже семеп халдаан бузуттуг-бак кожа чоннарны Мен боттарының чер-чуртундан тура тыртар мен, Иудеяның чонун база оларның аразындан тура тыртып аар мен.

Иеремия 2:4

Иаковтуң салгалы, Израильдиң бүгү аймактары, Дээрги-Чаяакчының сөзүн дыңнаңар!

Иеремия 30:16

Ындыг-даа болза, сени сыырып турганнарның боттарын сыырар, сени кызып-кыйып турган улусту тудуп алгаш баар! Сени үптеп турганнар боттары үптеттирер, сенден олча-тывыш ап турган улус боттары олча-тывыш боор кылып каар мен!

Иеремия 50:7

Уткужуп келген бүгү улус оларны чип турар, кызып-кыйган дайзыннары: „Бисте буруу чок! Чүге дээрге олар Дээрги-Чаяакчының мурнунга, чөптүг-шынныг оран-саваның мурнунга, ада-өгбезиниң идегели болур Дээрги-Чаяакчының мурнунга бачыт үүлгеткен болгай“ – деп чугаалап турар.

Иоил 1:3

Ол дугайында ажы-төлүңерге чугаалап бериңер, а олар боттарының ажы-төлүнге дамчытсын, а оларның ажы-төлү дараазынга салгалга чугаалап берзин.

Амос 6:1

Сион дагда сагыш амыр чурттап турар улус ат болур, «Самарияның даанга айыыл чок чурттаар бис» деп бодап турар улус, израильчилерниң оларга кээп турары баштың чоннуң ат-сураглыг улузу ат болур!

Аввакум 1:11

Оон ол чон хат ышкаш ужугуп, оруун уламчылаар. Шак ол бачыттыг улус бодунуң күжүн бурганчыдып турар».

Захария 1:15

а амыр-шөлээн чурттап турар чоннарже кедергей хорадап тур мен. Израильчилерге килеңнээним шоолуг эвес турда, ол чоннар хора халдадырын күштелдирген-дир.

Захария 2:8

Чүге дээрге Аг-шериглиг Дээрги-Чаяакчы силерни олчалап ап турган чоннарга хамаарыштыр (алдарлыг Бурган мени айбылап чоруткан соонда) мынча дээн: «Мээң чонумга дээп турар улус Мээң караамның огунга дээп турары ол-дур.

Саннар 18:12

Сеңээ эң шынарлыг чаа олива үзү, эң эки чаа виноград арагазы болгаш далган-тарааны – улустуң Дээрги-Чаяакчыга өргүп турары баштайгы дүжүдүн берген мен.

Римчилерге 11:16

Баштайгы дүжүттүң бирги хлевин Бурганга бараалгаткан болза, бүгү далган-тарааны база Бурганга бараалгаткан боор. Ыяштың дазылын Бурганга бараалгаткан болза, будуктарны база Аңаа бараалгаткан боор.

Римчилерге 16:5

Оларның бажыңында чыглып турар христианнарга база байырым чедириңер. Асиядан Христоска эң баштай бүзүрээн ханы ынак эжим Эпенетке байыр.

Эфесчилерге 1:4

Ооң мурнунга ыдыктыг, кем чок улус бооп чурттазын дээш, Бурган бисти өртемчейни чаяар бетинде-ле Христосту дамчыштыр шилип алган. Бодунуң биске ынакшылы-биле

Ы. х. к. 14:2

чүге дээрге Дээрги-Чаяакчы Бурганыңга хамааржыр ыдыктыг чон-дур сен, чер-делегейде бар бүгү чоннарның аразындан Ол сени Бодунуң улуг үнелиг өнчү-хөреңгизи болзун дээш шилип алган болгай».

Ы. х. к. 26:19

Ол сени Бодунуң чаяаганы бүгү өске чоннардан өрү көдүрүп каарын, мактал-хүндүнү, алдар-атты, өндүр-чаагай чорукту сеңээ хайырлаарын, Ооң чугаалап турганы дег, Дээрги-Чаяакчы Бурганыңның ыдыктыг чону болуруңну аазап, медеглээн».

Ы. х. к. 7:6

Чүге дээрге Дээрги-Чаяакчы Бурганыңга хамааржыр ыдыктыг чон-дур сен, чер-делегейде бар бүгү чоннарның аразындан Бодунуң улуг үнелиг өнчү-хөреңгизи болзун дээш, Дээрги-Чаяакчы Бурганыңар силерни шилип алган.

Иаков 1:18

Ол бисти, Ооң бүгү чаяалгазының иштинде баштайгы дүжүт ышкаш болурувус дээш, Бодунуң күзел-соруу-биле алыс шынның сөзүн дамчыштыр амыдыралче тынгарган.

1 Пётр 2:9

А силер болза – шилиттинген аймак, Хаанның бараалгакчылары, Бурганга хамааржыр ыдыктыг чон, Ооң кайгамчык ажыл-херектерин чарлаар дээш кыйгырткан улус силер. Ол силерни дүмбей караңгыдан Бодунуң кайгамчык чырыынче кыйгырып эккелген.

Ажыдыышкын 14:4

Олар дээрге херээжен кижиге дээп көрбээн, боттарын арыг хевээр кадагалап арттырып алган улус-тур. Олар дээрге, Хураган кайнаар-даа баар болза, Ону эдерер улус-тур. Оларны бүгү кижи төрелгетенниң иштинден адыргаш, хостап каан; Бурганга база Хураганга өргүп салган баштайгы дүжүт дег улус ол-дур.