Иеремия 2:25 - Ыдыктыг Библия

²⁵ Ынчаар маңнап тургаш, идииң эледир кедип аарындан кичээн, суксааш, боостааң кургап калбазын халак! Ынчалза-даа: „Хей чүве! Өске бурганнарга ынак мен, оларның изин истээр мен“ – дээш турар болдуң.

Иеремия 2:25 Iomraidhean Croise

2 Чылдар 28:22

Кызагдаткан үезинде-даа Ахаз хаан Дээрги-Чаяакчыга шынчы чорукту улам күштүг үреп турган.

2 Чылдар 28:23

Ол Дамаскының бурганнарынга, ону олар чылча шаап каан деп бодааш, өргүлдер салып: «Арамей хааннарның бурганнары оларга дузалап турар-дыр. Мен ол бурганнарга өргүлден салыйн, олар меңээ дузалазын» – деп турган. Ынчалза-даа олар ону база бүгү израиль чонну буураашкынга чедирип каан.

Исайя 2:6

Сен Бодуңнуң израиль чонуңдан ойталаан сен. Чүге дээрге оларның хары чоннар-биле харылзаазы ханылап, Чөөн чүк улузундан өттүнүп алган чаңчылдары эңдерик-тир, филистим чонда дег, төлгечилери-даа бар-дыр.

Исайя 57:10

Үр дилээшкиннериңден бодуң могап-шылааш-даа, „Хей чүве!“ дивээн сен, харын күзээшкиниң улам хайныгып, шыдал-күжүң немежип турду.

Иеремия 13:21

Сени башкарар кылдыр бодуңнуң чаңчыктырып алган улузуңну Дээрги-Чаяакчы сээң бажыңга салып каарга, чүү дээр сен? Божаан херээжен дег, аарышкыга алзыр сен!

Иеремия 13:22

Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.

Иеремия 14:10

Дээрги-Чаяакчы бо чон дугайында: «Олар буттарын чагырбайн, улчуурунга ынак чорду, ол дээш Мен оларга таарзынмайн бардым. Мен ам оларның бузуттуг үүлгедиглерин бодап кээр мен, бачыттары дээш кезедир мен» – дээн.

Иеремия 18:12

Ынчалза-даа олар: „Хей чүве! Күзээн чүвевис кылыр бис, кижи бүрүзү бодунуң бузуттуг чүрээниң чөрүү чоруунуң аайы-биле кылыр“ – деп харыылаар».

Иеремия 2:31

О, амгы салгал, Дээрги-Чаяакчының сөзүн тооп билип ап көрүңер! Мен израиль чонга хамаарыштыр ээн кургаг хову, дүмбей караңгы бооп турдум бе? Ынчаарга чүге-ле Мээң чонум: „Бодувустуң барыксаан оруувус-биле чоруй баар бис, Сенче дедир ээп келбес бис!“ – дээрил?

Иеремия 22:20

Сион-кыс, барып, Ливан сынга ыглап-сыкта, Васан дагга алгыр, Аварим сынга ишкирнигип ыгла, чүге дээрге сээң хандыкшааннарың шупту чылча шаптырган-дыр.

Иеремия 22:21

Амыр-чаагай чурттап чоруңда, Мен сээң-биле чугаалажып, сагындырып турдум, а сен „Дыңнавас мен!“ дээн сен. Аныяаңдан-на ындыг чордуң, Мени тооп дыңнавайн келдиң!

Иеремия 3:13

Чүгле бодуңнуң кем-бурууңну билин: Дээрги-Чаяакчы Бурганыңга удур бачыт үүлгедип, таварышкан-на хөлегелиг салбагар ыяш адаанга өске бурганнарга хандыкшып шаг болдуң, Мээң сөзүмнү тооп дыңнавайн турдуң». Дээрги-Чаяакчының медеглээн чүвези ол-дур.

Иеремия 44:17

Кылыр бооп аазаан бүгү чүвевисти моон-даа соңгаар кылыр бис: мурнунда боттарывыстың, ада-өгбевистиң, хааннарывыстың болгаш нояннарывыстың Иудеяның хоорайларынга, Иерусалимниң кудумчуларынга кылып турганывыс дег, дээрниң Кадынынга айдызаашкын кылып, арага өргүлү чажар бис. Бис ону кылып тургаш, тоттур чемненип, аас-кежиктиг чурттап, бак чүве көрбээн болгай бис.

Ыы-сыы 1:2

Дүнелерде ыглап орар – чаактары көк суг болган. Ынак чораан улустан ам аргалаптар кижи чок-тур. Өөрү шупту саттыныпкаш, өжээтеннер апарган-дыр. ג (гимел)

Ыы-сыы 4:4

Хензиг чаштың өгү, дылы кагып-суксааш, чыпшынышкан. Аъш-чем дилээн уругларга кым-даа, чүү-даа бербейн тур! ה (хе)

Иезекиил 20:32

Силер: „Бүгү өске чоннар ышкаш, өске чер чурттуг аймактар ышкаш, ыяш биле дашка бараан болур бис“ – дээр-дир силер. Ынчалза-даа силерниң угаан-бодалыңарга кирген ол чүве канчап-даа боттанмас.

Осия 2:3

Оон башка Мен ооң хевин уштуп, шалдаңнааш, чаа төрүттүнгенинде дег көзүлдүр тургузуп каар мен: ону ээн кургаг хову ышкаш кылып, када берген чер кылдыр хуулдурар мен, кагыдып-суксадып өлүрүп каар мен.

Осия 2:5

оларның авазы самыын-садып турган, төрээн иези бодунуң адын баксырадып: „Хандыкшааннарымга барайн, олар мени аъш-чем, суг, дүк, лён, олива үзү болгаш суксуннар-биле хандырып турар болгай“ – деп турган.

Малахия 3:14

Силер: «Бурганга бараан боорга, ажык чок-тур. Аг-шериглиг Дээрги-Чаяакчының дүрүмнерин сагып, Ооң мурнунга качыгдап ыглаан улус дег муңгарап чоруп тургаш, кандыг ажык-дуза алдывыс?

Лука 15:22

А ачазы бодунуң чалчаларынга мынча дээн: „Эки дээн хепти саадал чокка эккелгеш, ону хепкерип калыңар, ооң холунга билзектен, а будунга идиктен кедириңер.

Лука 16:24

Бай кижи ынчан: „Авраам, ачам, мени кээргеп, Лазарны бээр чорудуп көр. Ол салаазының бажын сугга өттүргеш, мээң дылымны шыгытсын. Чүге дээрге мен бо чалбыыш-отка хилинчектенип, ат болдум“ – деп кыйгырган.

Римчилерге 8:24

Шак ол идегел-биле камгалалды алган бис. Ынчаарга идегеливис бүде берген болза, ол идегел эвес-тир. Бар деп көрүп турар чүвезинге кым идегээрил?

Ы. х. к. 28:48

Дээрги-Чаяакчының сеңээ удур салганы дайзыныңга бараан болуп, аштап-суксаар сен, кедер хеви чок, чүү-даа чүвези чок кижи болур сен; Дээрги-Чаяакчы, сээң амы-тыныңны үзүп каггыжеге чедир, мойнуңга демир хомут кедирип каар.

Ы. х. к. 32:16

Израильчилер өске бурганнарга мөгейгеш, Бурганны хорададып алган, чүдек-бужар чүүлдерге мөгейгеш, Ону килеңнедип алган.