Иеремия 2:23 - Ыдыктыг Библия

²³ Сен канчап: „Бужартаваан мен, Ваалдың дүрзүлеринге мөгейбээн мен“ – дээр сен? Шынаага кылып турган херектериңче көрүп көр, чүнү үүлгеткениңни медереп билип ал! Эңгин теве дег, оруктарга дөскелчок караңнадыр маңнап турдуң.

Иеремия 2:23 Iomraidhean Croise

Эсфир 8:16

А Сузыда чурттап турар еврейлерге ынчан чүден-даа чырыткылыг, өөрүнчүг үе дүжүп келген.

Ырлар 36:2

олар удавайн оът-сиген дег оңуп каар, ногаан үнүш дег кадып каар. ב (бет)

Ырлар 50:21

Ынчан шынныг, бүрүн өрттеткен өргүлдер Сеңээ таарымчалыг апаар; ынчан Сеңээ өргүл салыр бедигээшче бугажыктарны улус эккеп салыр.

Чугаалар 28:13

Бачыттыг үүлгедииңни чажырар болзуңза, эки чүве көрбес сен, а ону ажыы-биле миннип, ойталаар болзуңза, өршээл алыр сен.

Чугаалар 30:12

боттарын арыг деп бодаар хирезинде, мыяанга боражып алган улус турар;

Чугаалар 30:20

Ашаанга өскерилген херээженниң оруу мындыг: чемненип алгаш, аксын чоткаш: «Багай чүү-даа чүве кылбаан мен» – дээр.

Иеремия 14:10

Дээрги-Чаяакчы бо чон дугайында: «Олар буттарын чагырбайн, улчуурунга ынак чорду, ол дээш Мен оларга таарзынмайн бардым. Мен ам оларның бузуттуг үүлгедиглерин бодап кээр мен, бачыттары дээш кезедир мен» – дээн.

Иеремия 16:10

Кажан сен бо чонга ол бүгү сөстерни дамчыдарыңга, олар сенден: „Чүү дээш Дээрги-Чаяакчы биске ындыг улуг айыыл-халап оштады? Кем-буруувус кандыг чүвел? Дээрги-Чаяакчы Бурганывыстың мурнунга бачыдывыс кандыг чүвел?“ – деп айтырар.

Иеремия 2:36

Чүге алызын бодавайн, оруктарың солудуң? Ассириядан чөгелиң төнгени дег, Египеттен база чөгелиң төнер.

Иеремия 3:2

Тас тейлерже көрүжүң шигле, ында сээң самыырап турбааның чер бар-дыр бе? Ээн кургаг ховуда чорумалдар кеденген араб кижи дег, таныштарыңны орук кыдыынга манап турдуң. Бодуңнуң самыыраашкын болгаш бузудуң-биле черни бужартаттың.

Иеремия 31:22

Кажанга чедир улчуп кээр сен, өскерликчи кыс? Дээрги-Чаяакчы чер кырынга туруп көрбээн чүүлдү кылды: кыс кижи бодунуң эр эжинче дедир эглип келди».

Иеремия 7:31

Олар Бен-Энном шынаазында Тофет деп черде өргүл салыр бедигээштер кылып алгаш, боттарының оглу-кызын отка өрттедип турар-дыр. Мен ындыг айтыышкын бербээн мен, ындыг чүве Мээң сагыжымга-даа турбаан!

Иеремия 9:14

Олар боттарының чөрүү чүректериниң аайынче кирип, Ваалдың дүрзүлеринге мөгейип турарлар, ол бүгүге ада-өгбезинден өөренип алганнар-дыр» – деп чугаалаан.

Осия 1:2

Дээрги-Чаяакчы Осия-биле мынчаар чугаалажып эгелээн. Ол аңаа: «Барып, самыын-садар кадайдан ап ал, ооң самыын харылзаазындан тывылган ажы-төлдүг бол, ол чорук бо черниң улузу Дээрги-Чаяакчыдан ойталап, аажок самыырап турарынче айтыр» – дээн.

Лука 10:29

Ынчалза-даа демгизи, бодун агартынар дээш, Иисустан айтырган: «А мээң ынак болур ужурлуум чанымда кижим деп кымыл?»

Римчилерге 3:19

Кым-даа бодун агартырын семевезин дээш, харын бүгү кижи төрелгетен Бурганның мурнунга харыы тутсун дээш, ыдыктыг хоойлуда чугаалап турар бүгү чүүл ооң чагыргазының адаанда турар улуска хамааржыр дээрзин билир бис.