Иеремия 2:21 - Ыдыктыг Библия

²¹ Мен сени тарып каарымга, эң эки виноград үнген шөл, шилиттинген чаш будуктар турдуң. Оон Меңээ хамаарыштыр канчап хары, черлик сып болу бердиң?!

Иеремия 2:21 Iomraidhean Croise

Эге дөс 18:19

Бодунуң бүгү үре-салгалынга Мээң өөредиимни суртаалдазын дээш, олар чөптүг-шынныг чорук кылзын дээш, Мен Авраамны шилип алган мен. Ынчан Мен, Дээрги-Чаяакчы, чүнү аңаа аазаан мен, шуптузун күүседир мен».

Эге дөс 32:28

«Моон соңгаар сээң адың Иаков эвес, а Израиль болур. Чүге дээрге сен Бурган-биле-даа, кижилер-биле-даа тутчуп тургаш, тиилээн-дир сен» – деп, Ол чугаалаан.

Ырлар 105:6

Ада-өгбевис-даа, бис-даа бачытты үүлгеткен-дир бис, кем-бурууну, бузутту кылган-дыр бис.

Ырлар 44:2

Чүрээмейден ачылыг сөс куттулуп тур: хаанга тураскааткан чогаалымны чугаалаар мен, дыл-домаам – мергежилдиг бижээчиниң демир-үжүү дег.

Ырлар 80:8

Кыстырып-кыйдыргаш, Мени кый дидиң – ынчан сени камгалап кагдым; диңмирээшкин дагжап турар булуттан сеңээ харыыладым, Мериваның суунуң чанынга сени шенеп турдум. Сэла

Ырлар 80:9

Мээң чонум, дыңна, Сеңээ удур херечилеп чугаалаар мен, о Израиль, Мени тооп дыңнаарың кай!

Хосталыышкын 15:17

Чонуңну эдерткеш, Сеңээ хамааржыр дагга тургузуп каар сен, ол дээрге Сээң өргээң турар кылдыр шилип алган чериң-дир, Дээрги-Чаяакчы; ол дээрге Сээң тургузуп каарың ыдыктыг чер-дир, Дээрги!

Исайя 1:21

Бурганга шынчы турган найысылал, сен канчап самыын-садар херээжен дег апардың?! Сен шын шииткелге бүргеттирген турдуң, чөптүг-шынныг чорук сеңээ чурттап турду, а ам сенде өлүрүкчүлер чурттап турар-дыр.

Исайя 27:2

«Ол хүн кайгамчык эки виноград шөлүнүң дугайында ырлажыңар!

Исайя 41:8

О, Мээң чалчам Израиль, Мээң шилип алганым Иаков, Мээң өңнүүм Авраамның салгалы!

Исайя 5:4

Виноград шөлүнге ам-даа чүнү кылып берип болур турган мен, чүнү чедир кылбаан мен? Чаагай чимис манап турумда, чүге ол багай чимис бергенил?

Исайя 60:21

Сээң чонуң бүрүнү-биле чөптүг-шынныг улус апаар, чер-чуртту кезээ мөңгеде ээлеп чурттаар. Олар – Мээң олуртуп кааным өзүм-дүр, Мээң холумнуң Бодумну алдаржыдар чаяалгазы-дыр.

Исайя 61:3

Сион дээш качыгдаан улусче сагыш салып, оларга хүл орнунга каас оваадайны, качыгдал орнунга – чаагай чыттыг үстү, муңгагдаан сагыш орнунга – макталдың хевин берзин дээш чоруткан. Улус Бурганның чонунуң дугайында «Олар Дээрги-Чаяакчы Боду олурткан быжыг дөстүг ыяштар дег; олар чөптүг боорга, Дээрги-Чаяакчы оларны дамчыштыр алдаржып турар» деп чугаалажыр.

Иеремия 11:16

Дээрги-Чаяакчы сеңээ „Каас-чараш кылдыр чечектелген, тааланчыг чимистерлиг олива ыяжы“ деп ат тывыскан. Ынчалза-даа күштүг диңмит-кызаңнааштыг чаъс үезинде оливаже Ол чаңнык дүжүрерге, ооң будуктары сыйлып каар.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 5:10

Дайзын чоннуң виноград шөлдеринче барып, үрегдезин, ынчалза-даа бүрүнү-биле узуткавазын. Виноград сыптарын үрегдезин, чүге дээрге олар Дээрги-Чаяакчыга хамаарышпас-тыр.

Ыы-сыы 4:1

Аа халак! Алдын өңү чайнавастаан, тулган алдын хугбайзырап, өскерилген! Кудумчу санай, белдир санай ыдык даштар төктү берген. ב (бет)

Иезекиил 15:2

«Кижи амытан, виноград сывының будуу арга-арыгда бүгү ыяштарның будуктарындан чүзү-биле дээредээрил?

Матфей 21:33

«Ам өске угаадыглыг чугаадан дыңнаңар. Бир кижи бодунуң ээлээн черинге виноград тарып алган. Ол ону долгандыр кажаалааш, чимизин сы бастырар уургай каскаш, таңныылдаар суурга тудуп каан. Ооң соонда ол виноград шөлүн ажаакчыларга ачылалга берипкеш, боду өске чуртче чоруй барган.

Марк 12:1

Иисус оларны база катап угаадыглыг чугаалар-биле өөредип эгелээн: «Бир кижи виноград шөлү тарып алган. Ол ону долгандыр кажаалааш, чимизин сы бастырар уургай каскаш, таңныылдаар суурга тудуп каан. Ооң соонда ол виноград шөлүн ажаакчыларга ачылалга берипкеш, боду өске чуртче чоруй барган.

Лука 20:9

Оон Иисус чонга мындыг угаадыглыг чугаа чугаалап эгелээн: «Бир кижи виноград шөлү тарып алгаш, оозун виноград ажаакчыларынга ачыладып кааш, боду үр үе дургузунда өске чуртче чоруй барган.

Иоанн 15:1

«Мен дээрге ёзулуг виноград сывы мен, а Мээң Адам – виноград ажаакчызы-дыр.

Ы. х. к. 32:32

Оларның сыптарын Содомга тарып каан, Гоморраның шөлдеринге олуртуп каан, оларның чимистери – хоранныг, ажыг салбактар-дыр;

Ы. х. к. 4:37

Дээрги-Чаяакчы сээң ада-өгбеңге ынак болгаш, оларны салгап арткан үре-салгалын шилип алгаш, сени өндүр улуг күчү-күжү-биле Египеттен Боду үндүрүп эккелген.

Иисус 24:31

Израильчилер Иисус дириг чорда-даа, Иисустуң соонда Дээрги-Чаяакчының Израиль дээш чүнү кылганын билир баштыңнарның үезинде-даа Дээрги-Чаяакчыга бараан болуп келгеннер.