Иеремия 2:11 - Ыдыктыг Библия

¹¹ бодунуң ёзулуг Бурган безин эвес бурганнарын солуп турар чон бар бе? А Мээң чонум бодунуң алдарлыг Бурганын ажык-дуза чок дүрзү-бурганнарга орнапкан-дыр.

Иеремия 2:11 Iomraidhean Croise

3 Хааннар 11:33

Мен ынчаар кылыр мен, чүге дээрге Соломоннуң улузу Менден ойталап, сидончуларның бурганы Астартага, моавтарның бурганы Хамоска болгаш аммоннарның бурганы Милхомга мөгейип, Соломоннуң ачазы Давид ышкаш, Мээң оруктарым эдербээн-дир, Мээң тааржыр деп көөр чүвемни кылбайн турган-дыр, Мээң дүрүмнерим, айтыышкыннарымны сагывайн барган-дыр.

4 Хааннар 1:3

Ынчан Дээрги-Чаяакчының төлээзи Тешви чурттуг Илияга: «Самарияның хаанының айбылапкан улузунга уткуштур баргаш, оларга: „Израильде Бурган чок бе, чүге силер Экроннуң бурганы Веелзевулдан чүве айтырып бар чыдыр силер? – деп чугаалаар сен. –

2 Чылдар 13:9

Силер Дээрги-Чаяакчының бараалгакчылары болур Аароннуң үре-салгалын болгаш левиттерни үндүр сывырыпкаш, кожа чоннарның үлегери-биле боттарыңарга өске бараалгакчылар томуйлап алган эвес силер бе? Бурган болбас дүрзүлерге бараалгаксаан кижи бүрүзү бир бугажык болгаш чеди кошкарлыг чедип келгеш, оларның бараалгакчызы апаар-дыр!

Ырлар 106:20

Ол Бодунуң айтыышкыны-биле оларны экиртип каан, чевегге чыдарындан камгалап каан.

Ырлар 115:4

Камгалалдың дашказын хүлээп аар мен, Дээрги-Чаяакчының адын мактап кыйгырар мен.

Ырлар 3:3

Хөй-ле улус мээң салым-чолум дугайында: «Аңаа Бургандан камгалал келбес!» – дижип тур. Сэла

Исайя 37:19

оларның бурганнарын отче октап, узуткап кааны шын-на болгай. Чүге дээрге ол бурганнар болза Бурган эвес, а кижи холу кылган ыяш база даш ышкажыл.

Иеремия 16:20

Кижи бодунга бурганнар кылып ап шыдаар деп бе? Ол бурганнар дээр чүвелер – Бурган эвес-тир!» – дээр.

Иеремия 18:13

Ынчангаш Дээрги-Чаяакчы: «Чоннардан айтырып көрүңер, кым ындыг чүве дыңнааныл? Израиль-кыс кончуг багай чүве үүлгетти!

Иеремия 2:5

Дээрги-Чаяакчы мынча дээн: «Таанда-ла ада-өгбеңер Мени кем-буруулуг деп көрген бе? Чүге олар Менден ырай берди? Олар хоозун чүүл сүргеш, боттары хоозун куруг апардылар.

Иеремия 2:8

Бурганның бараалгакчылары: „Дээрги-Чаяакчыже чүткүүлү!“ – деп кыйгырбады, ыдыктыг хоойлу башкылары Мени билбес-тир, силерниң чагырыкчыларыңар Менден ойталаан-дыр, медээчилер Ваал бурганның өмүнээзинден медеглеп, ажык-дуза чок дүрзү-бурганнарга мөгейип турар-дыр!

Иеремия 5:7

Мен сени канчап өршээр мен? Сээң улузуң Менден ойталаан-дыр, Бурган болбас дүрзүлер ады-биле даңгыраглаар-дыр. Мен тоттуруп турумда-ла, олар самыыралга алзып, самыын херээженнер бажыңнарында тырлып турар-дыр.

Иезекиил 14:5

Израиль чон дүрзү-бурганнар дээш Мени каапкан-даа болза, оларның сеткил-чүрээн Бодумче ээлдирип аар мен.

Иезекиил 5:7

Ынчангаш Дээрги-Бурган-Чаяакчы: «Силерни долгандыр чурттап турар өске чоннардан артык ужур-дүрүм чок чорук кылып турган-дыр силер; Мээң хоойлуларымны сагывас, дүрүмнеримни күүсетпес-тир силер; оон туржук, силерни долгандыр чурттап турар өске чоннарның корум-чурумун-даа сагывас-тыр силер» – деп чугаалаан.

Михей 4:5

Бүгү өске чоннар боттарының бурганнарының аайы-биле чурттап турар, а бис кезээ мөңгеде Бурганывыс Дээрги-Чаяакчының аайы-биле чурттаар бис.

Римчилерге 1:23

Өлүм чок, өндүр бедик Бурганга мөгеерин олар өлүр тынныг кижиге, куштарга, дөрт даванныг адыгуузуннарга болгаш соястаарларга азы дүрзү-бурганнарга мөгееринге орнапканнар.

1 Коринфичилерге 8:4

Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок.

Галатчыларга 4:8

Кажан-бир шагда, Бурганны билбес чорааш, херек кырында бурганнар-даа эвес чүүлдерниң кулдары чораан силер.

Ы. х. к. 32:16

Израильчилер өске бурганнарга мөгейгеш, Бурганны хорададып алган, чүдек-бужар чүүлдерге мөгейгеш, Ону килеңнедип алган.

Ы. х. к. 32:21

Олар Бурган бооп шыдавас дүрзүлер-биле Мээң хүннээчел сагыжымны оттуруп алды, хоозун дүрзү-бурганнары-биле анчыгзындырып алды; Мен чон дээр арга чок улус-биле оларның хүннээчел сагыжын оттурар мен, угаан-бодал чок чон-биле анчыгзындырар мен.

Ы. х. к. 33:29

Израиль, амыр-чыргалдыг сен! Сен ышкаш, Дээрги-Чаяакчының камгалап турары өске чон бар бе?! Дээрги-Чаяакчы – сеңээ дузалап турар дозуг-камгалал-дыр, сени өрү депшидер хылыш-тыр! Дайзыннарың сенден корткаш, чашпаалаар апаар, оларның бедик черлерин таптай базып каар сен!»

1 Пётр 1:18

Чүге дээрге Бурган силерни ада-өгбеңерден салгап алганыңар хей-хоозун амыдыралдан адырар дээш, алдын азы мөңгүн ышкаш үнезин чидириптер чүүлдер-биле эвес, а арыг болгаш кем чок Хураган – Христостуң үнелиг ханы-биле төлээн дээрзин билир-дир силер!

1 Хааннар 4:21

Чаа төрүттүнген төлдү Ихавод деп адап алгаш: «Израильдиң ат-алдары баткан-дыр» – деп, ол чугаалаан. Бурганның аптаразын база алзып алган, бээ биле ашаа база өлген боорга, ол ынча дээн.