Иеремия 19:8 - Ыдыктыг Библия

⁸ Мен бо хоорайны хоозураашкын биле кочулалга чыгаар мен. Ооң чаны-биле эрткен кижи бүрүзү ооң бузундуларын көргеш, элдепсинер база кочулап сыгырар.

Иеремия 19:8 Iomraidhean Croise

3 Хааннар 9:8

Бо өргээ ам бедик-тир, ындыг-даа болза, ол үеде ооң чаны-биле эрткен кижи бүрүзү элдепсинер, кочулап сыгырар база: „Дээрги-Чаяакчы бо чуртту, бо өргээни чүге ынчаар аажылааны ол?“ – деп айтырар.

Иеремия 18:16

Бо чон бодунуң черин хоозураашкынга, мөңге кочулалга чыгаткан-дыр. Ооң чаны-биле эрткен кижи бүрүзү элдепсинип, бажын чаяр.

Иеремия 25:18

Иерусалимге, Иудеяның хоорайларынга, ооң хааннары биле нояннарынга – оларны хоозурадыр дээш, оларны ам хөме тавараан кочулал, куду көрүүшкүн болгаш каргаттырыышкынче чыгаар дээш – ижиртип кагдым;

Иеремия 49:13

Бодум-биле даңгыраглап тур мен! – деп, Дээрги-Чаяакчы медеглээн, – Восора хоорай коргунчуг байдалга, бак атка киреринге, хоозуралга болгаш каргышка чыгаттырган, аңаа чагырткан бүгү хоорайлар кезээ мөңгеде бузундулар бооп хуулар».

Иеремия 50:13

Дээрги-Чаяакчының килеңинден Вавилон чурттакчы чок чер апаар, бүрүнү-биле ээнзирээр. Вавилоннуң чаны-биле эрткен кижи бүрүзү ооң бузундуларын көргеш, элдепсинер, кочулап сыгырар.

Иезекиил 27:36

Өске чоннарның садыгжылары кочулап сыгырар; сен коргунчуг төнчүге таваржыр сен, моон соңгаар кажан-даа турбас сен».

Левит 26:32

Чер-чуртуңарны хоозурадып каарымга, аңаа чурттай берген дайзыннарыңар безин кайгап-харай бээр.

Михей 6:16

Омри хаанның чаңчылдарын, Ахав хаанның өг-бүлезиниң бүгү бузуттуг херектерин хевээр арттырып алган сен, оларның сүмелерин ёзугаар кылып турган сен. Ынчангаш Мен хоорайны хоозуралга, ооң чурттакчыларын – бак атка киреринге таварыштырар мен; силер өске чоннарның дорамчылалынга таваржыр силер».

Софония 2:15

Ол-дур, өөрүп-байырлап, сагыш амыр чурттап турар, чурттакчылары сеткил-чүрээнде: „Бо хоорай өндүр улуг, ол ышкаш хоорай чок!“ – деп турган Ниневия хоорай ынчап баар-дыр. Ол хоозуралга алзып, аң-мең чурттаар чер апаар! Ооң чаны-биле эрткен кижи бүрүзү кайгап-харап, кочулап сыгырар база олче холун чаңгыыр».

Ы. х. к. 28:37

Дээрги-Чаяакчының сени аппарып кааны черде бүгү чоннар сээң байдалыңны көргеш, коргуп-сестир, адыңны бужар үлегер-чижек кылдыр ажыглап, кочулап-шоодар.

Ы. х. к. 29:22

Дараазында салгал, силерниң сооңарда чурттаар ажы-төлүңер база ырак чурттан чедип кээр даштыкы кижи бо черниң айыыл-халавын, Дээрги-Чаяакчының аңаа халдаткан аарыгларын көргеш: