Иеремия 19:2 - Ыдыктыг Библия

² Бузулган савалар хаалгазын дамчыштыр Бен-Энном шынаазынче үне бергеш, Мээң сеңээ чугаалаар сөстеримни аңаа чарла.

Иеремия 19:2 Iomraidhean Croise

4 Хааннар 23:10

Иосия Бен-Энном шынаазында Тофетте өргүл бедигээжин, аңаа кым-даа оон ыңай оглу-кызын Молох бурганга от өттүр эрттирбезин дээш, бужартадып каапкан.

2 Чылдар 28:3

Ахаз Бен-Энном шынаазынга айдызаар өргүлдер кылып, Дээрги-Чаяакчының израильчилерниң мурнундан үндүр сывырыпканы чоннарның чүдек-бужар чаңчылдарын өттүнүп, бодунуң оолдарын от-биле өрттедип турган.

2 Чылдар 33:6

Ол бодунуң оолдарын Бен-Энном шынаазынга от өттүр эрттирип турган база төлгелээр, илби-шиди кылыр болгаш өлүг улус сүнезини кыйгырар, караң-көрнүр улус-биле харылзажып турган. Ол Дээрги-Чаяакчының мурнунга хөй бузутту үүлгедип, Ооң килеңин кыптыктырып турган.

Неемия 3:29

Оларның соо-биле Иммерниң оглу Садок бодунуң бажыңының дужунга, а ооң чанынга Шеханияның оглу, Чөөн хаалганың таңныылы Шемайя олар катап тудуп турган.

Иеремия 1:7

А Дээрги-Чаяакчы меңээ: «„Аныяк мен“ диве, Мен сени кымче-даа чорудупсумза, баар сен, Мээң сеңээ дужааган бүгү чүвемни чугаалаар сен!

Иеремия 11:6

Дээрги-Чаяакчы меңээ: «Бүгү бо сөстерни Иудеяның хоорайларынга, Иерусалимниң кудумчуларынга чарлап, чугаала. Шак бо чагыг-керээниң сөстерин дыңнаңар база күүседиңер!

Иеремия 26:2

Иеремияга мынча дээн: «Дээрги-Чаяакчының өргээзиниң шөлүнге туруп алгаш, Иудеяның шупту хоорайларындан Дээрги-Чаяакчының өргээзинге мөгейип кээп турар бүгү чурттакчыларга сеңээ чугаалаарын дужааган бүгү сөстеримни дамчыт, чаңгыс-даа сөс уттуп кагба!

Иеремия 3:12

Баргаш, соңгу чүкке: „Эглип кел, өскерликчи Израиль!“ – деп сөстерни чарлап чугаала» – дээн. Ол оон ыңай: «Мен сеңээ хорадап артпас мен, энерелдиг болгаш, кезээ мөңгеде килеңневес мен – деп медеглээн. –

Иеремия 32:35

Молох бурганга оглу-кызын өргүп, Бен-Энном шынаазынга Ваал бурганга өргүл салыр черлер тудуп алдылар. Мен оларга ынчаар кылырын дужааваан мен, ындыг чүдек-бужар чүүл Мээң сагыжымга-даа турбаан, Иудея ол дээш бачытка борашкан».

Иеремия 7:2

«Дээрги-Чаяакчының өргээзинде хаалга аксынга туруп алгаш, бо чугаа-сөстү медегле. „Бүгү Иудея, Дээрги-Чаяакчының сөзүн дыңна! Аңаа мөгеер дээш бо хаалга дамчыштыр кирип турар бүгү улус, дыңнаңар!“ – дээр сен».

Иона 3:2

«Улуг хоорай Ниневияже дүрген чорупкаш, Мээң сеңээ дужааган чүвемни ында чурттаан улуска билиндир сургап каг» – деп чугаалаан.

Матфей 10:27

Мээң силерге караңгыда чугаалаан чүвемни хүннүң чырыында чугаалаңар, силерниң кулааңарга сымыранган чүвемни шупту улуска дыңналдыр медеглеңер.

Ажыл-чорудулга 20:27

Чүге дээрге Бурганның күзел-соруун силерге долузу-биле коргуш чок суртаалдап келген мен.

Ажыл-чорудулга 5:20

Ол мынча дээн: «Бурганның өргээзиниң иштинге туруп алгаш, чаа амыдырал дугайында улуска, чүве арттырбайн, чугаалап бериңер!»

Иисус 15:8

Оон ыңай кызыгаар Иевустуң – Иерусалимниң мурнуу талазында Бен-Энном шынаазын таварып эрткеш, ол шынааның барыын талазында база Рефаим шынаазының соңгу талазында турар дагже үнген.