Иеремия 18:8 - Ыдыктыг Библия

⁸ А бир эвес ону чугаалап каан чонум бодунуң бузудундан ойталаар болза, Мен база өскээр бодай берип, ол чонга таварыштырар дээн айыыл-халавым ытпас мен.

Иеремия 18:8 Iomraidhean Croise

2 Чылдар 12:6

Израильдиң нояннары биле хаан томаарый бергеш: «Дээрги-Чаяакчы чөптүг-шынныг-дыр!» – дээннер.

Ырлар 135:14

Израильди Ол далай ортузу-биле эрттире берген. Ооң энерели кезээ шагда үстүп төнмес-тир.

Ырлар 90:13

Араатан биле чыланны базар сен, арзылаң биле хоран дылдыг чыланны таптаар сен.

Хосталыышкын 32:12

Египетчилер: „Ол израильчилерни Египеттен кара сагыштыы-биле, дагларга өлүрүп каар дээш база чырык чер кырынга амылыг арттырбас дээш үндүрүп эккелген-дир“ – деп хыы ханып чугаалавазын. Кыптыгып турар килеңиңни чайладып көрем, Бодуңнуң чонуңну узуткаарындан ойталап көрем.

Хосталыышкын 32:14

Дээрги-Чаяакчы ынчан Бодунуң чонунга таварыштырар бооп аазааны айыыл-халаптан ойталап, ону узуткавайн барган.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Иеремия 15:6

Сен Мени каапкаш бардың – деп, Дээрги-Чаяакчы медеглээн, – дедир чоруй бардың. Сеңээ удур Бодумнуң холумну көдүрдүм, узуткап кагдым – сени кээргээр күжүм-даа төндү.

Иеремия 26:13

Оруктарыңар биле ажыл-херээңерни экижидип ап көрүңер, Дээрги-Чаяакчы Бурганыңарның сөзүн дыңнаңар. Дээрги-Чаяакчы ынчан бодалын өскертип, силерге аазааны айыыл-халапты болдурбас.

Иеремия 26:19

Ындыг-даа болза, Иудеяның хааны Эзекия биле Иудеяның бүгү чону ол медээчини өлүрерин дидинген бе? Хаан Дээрги-Чаяакчыдан корга бергеш, Оон хайыра дилээрин оралдашпаан бе? Дээрги-Чаяакчы ынчан бодалын өскертип, Бодунуң оларга аазааны айыыл-халап болбас кылып каан болгай. А бис боттарывыстың бажывысче хан кудуп тур бис!»

Иеремия 26:3

Олар тооп дыңнааш, кижи бүрүзү бодунуң бузуттуг оруундан ойталаар чадавас. Мен ынчан бодалым өскертип, оларга үүлгедиглери дээш таварыштырар дээним айыыл-халап олар-биле болбас кылып каар мен.

Иеремия 36:3

Иудеяның чону Мээң оларга кандыг айыыл-халап таварыштырар деп турарымны дыңнап кааш, кижи бүрүзү бодунуң бузуттуг оруундан ойталаар чадавас. Ынчан Мен оларның кем-буруузун база бачыттарын өршээр мен».

Иеремия 42:10

„Бир эвес бо черге артар болзуңарза, Мен силерни быжыктырып, бууратпас мен, олуртуп, дазылыңар тура тыртпас мен, чүге дээрге силерже ытканым айыыл-халап дээш хараадап тур мен.

Иезекиил 18:21

Кем-буруулуг-даа кижи, бир эвес бодунуң үүлгеткени бүгү бачыттарындан ойталаар болза, Мээң бүгү дүрүмнеримни сагып, чөптүг-шынныг чорук кылыр болза, ыяап-ла амы-тынныг артар, өлүп калбас.

Иезекиил 33:11

Оларга мону дамчыт. Дириг Бодумнуң адым-биле даңгыраглап тур мен: Мен бачыттыгларның өлүмүн эвес, а боттарының оруктарындан чайлап, амы-тынныг артарын күзеп тур мен – деп, Дээрги-Бурган-Чаяакчы медеглээн. – Менче эглип келиңер, бузуттуг оруктарыңардан чайлаңар! Израиль чон, чүге өлүр ужурлуг сен?!

Иезекиил 33:12

Ынчангаш, кижи амытан, чонуңга мону дамчыт: бир эвес чөптүг-шынныг кижи кемниг херек үүлгедир болза, ооң чөптүг чоруу ону камгалавас; бузуттуг-бак кижиниң кем-буруузу, ол оон ойталаан болза, ону узуткавас. Бир эвес чөптүг-шынныг кижи бачыт үүлгедир болза, бодунуң биеэги чөптүг чоруу-биле амы-тынын камгалап шыдавас.

Иезекиил 33:13

Бир эвес Мен чөптүг-шынныг кижиге: „Ыяап-ла амы-тынныг артар сен“ – деп чугаалап каарымга, ол бодунуң биеэги чөптүг чоруунга ынангаш, бузут үүлгедир болза, ооң бүгү чөптүг-шынныг херектериниң чаңгызын-даа сагынмас мен, ол кижи үүлгеткен бузудунуң ужун өлүп каар.

Иезекиил 33:14

А бир эвес Мен бузуттуг-бак кижиге: „Сен ыяап-ла өлүп каар сен“ – дээримге, ол кижи бачыдындан ойталааш, шынныг база чөптүг чорук кылып эгелээш,

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Амос 5:15

Бузутка хөңнүңер чок, буянга ынак болуңар база шииткел черинге шын шииткелди тургузуңар; ынчан Дээрги-Чаяакчы, Аг-шериглиг Бурган Иосифтиң арткан салгалынче ээ көрнүр чадавас».

Иона 4:2

Ынчангаш ол Дээрги-Чаяакчыга мөргүп, мону чугаалаан: «О, Дээрги-Чаяакчы! Бо дугайында мен чуртумга тургаш, чугаалавайн туржук мен бе? Мен Сени килеңнээчел эвес, кээргээчел, ээ көрнүүчел, өндүр улуг энерелдиг Бурган – кижилерге онааган кеземчезин өскертип шыдаар Бурган деп билгеш, Фарсисче чорупкан турган мен.

Ы. х. к. 32:36

Дээрги-Чаяакчы Бодунуң чонун шын шиидип, Бодунуң чалчаларынга ээ-хайыралыын көргүзер, чүге дээрге оларның күчү-күжү харыксырап, кул-даа, хостуг-даа кижи барык артпаанын көрүп каар.

Баштыңчылар 2:18

Чонга баштыңчыны тургузуп берип тура, Дээрги-Чаяакчы Боду ол баштыңчы-биле кады турган болгаш ооң назынының дургузунда израильчилерни дайзыннардан камгалап турган; чүге дээрге Дээрги-Чаяакчы оларның дарлакчыларга дарлаткаш, кыдыглакчыларга кыдыглаткаш, човууртаан уё-човуурун дыңнааш, кээргеп турган.