Иеремия 17:6 - Ыдыктыг Библия

⁶ Ол кижи ээн кургаг ховуда чадаң үнүш дег, эки чүве көрбес, сай-даштыг, изиг кургаг ховуга, кужурлуг, ээн черге чурттаар.

Иеремия 17:6 Iomraidhean Croise

4 Хааннар 7:2

Ынчан Израильдиң хаанының чөленип алгаш турганы дүжүмет Бурганның кижизинге: «Бир эвес Дээрги-Чаяакчы дээрниң эжиктерин ажыдыпкан-даа болза, ындыг чүве канчап болурул?» – дээн. Элисей: «Сен ону карааң-биле көөр сен, ынчалза-даа ол чемни чивес сен!» – деп харыылаан.

Иов 20:17

Ол эки чүүлдерни – агым сугларны, ары чигири биле сүт аккан хемнерни көрбес.

Иов 39:6

Мен ону ховуга чурттадып каан мен, кужурлуг чурттаар чер кылып берген мен.

Ырлар 1:4

Бузуттуг улус көңгүс ындыг эвес – хатка ширбиткен бок сиген дег.

Исайя 1:30

Бүрүзү оңган ыяш дег, суггат чок сесерлик дег апаар силер.

Иеремия 29:32

Ынчангаш Дээрги-Чаяакчы мынча дээн: „Мен Нехелам чурттуг Шемайяны, ооң үре-салгалын кезедир мен! Ооң үре-салгалындан кым-даа бо чоннуң аразынга чурттавас, Бодумнуң чонумга Мээң хайырлаар ачы-буянымны көрбес, чүге дээрге Шемайя бодунуң чугаазы-биле Дээрги-Чаяакчыга удур үймээн үндүрген-дир“». Дээрги-Чаяакчының медеглээн чүвези ол-дур.

Иеремия 48:6

Дезип, амы-тыныңар камгалаңар! Ээн кургаг ховуда чадаң үнүш дег болуңар.

Иезекиил 47:11

А Дус далайны долгандыр тулаа, шалбааларның суу экирбээн хевээр артар, оларны дустаар дээш ажыглаар.

Софония 2:9

Ынчангаш дириг Бодумнуң адым-биле даңгыраглап тур мен – деп, Аг-шериглиг Дээрги-Чаяакчы, Израильдиң Бурганы медеглээн. – Моав Содом ышкаш, аммон чон – Гоморра ышкаш апаар. Оларның чери кезээ мөңгеде шагар-оът дуй үнген, кужурланчак девискээр, ээн кургаг хову апаар. Мээң чонумнуң дириг арткан улузу оларны олчалап аар, Мээң улузумнуң артынчызы оларның черин өнчү кылдыр алыр.

Ы. х. к. 29:23

„Күгүр, дуска бүрүнү-биле чирткен, өрттенип калган чер-дир, тараа тарывастаан, дүжүт бербестээн, кандыг-даа оът-сиген өзүп үнмес апарган чер-дир; Дээрги-Чаяакчы килеңнеп хорадааш, таптай базып каапкан Содом, Гоморра, Адма болгаш Цевоим хоорайларның узуткаттырган үезинде дег хоозураан чер-дир“ – дээр.

Баштыңчылар 9:45

Авимелех хоорайга удур ол хүн хүнзедир тулушкаш, ону эжелеп алгаш, аңаа турган чонну кырып каапкан. Оон ол хоорайны үрегдеп бускаш, ол черге дус чажып каан.