Иеремия 17:2 - Ыдыктыг Библия

^2-3 Олар өргүл салыр бедигээштеринче, Ашера бурганга тураскааткан ыяштарынче, саглагар ыяштарынче, бедик тейлеринче, ховуда дагларынче, боттарының оолдарынче дег, сагыш салып турар. Иудея, бүгү эт-хөреңгиңни, эртине-байлааңны өргүл салыр бедик черлериң дээш, бүгү девискээрлериңде үүлгедип турар бачыттарың дээш, өске улуска олча-тывыш кылдыр бериптер мен.

Иеремия 17:2 Iomraidhean Croise

2 Чылдар 24:18

Израильчилер боттарының ада-өгбезиниң Бурганы Дээрги-Чаяакчының өргээзин каапкаш, Ашера бурганга тураскааткан адагаштарга, дүрзү-бурганнарга бараан болуп эгелээн. Оларның ол кем-буруузу дээш, Иудея биле Иерусалимче Дээрги-Чаяакчының килеңи кыптыга берген.

2 Чылдар 33:19

Ооң мөргүлү, Бурганның олче ээ көргени, ооң бүгү бачыттары болгаш шынчы эвес чоруу, бодун томаартып аар бетинде мөгейиишкин кылыр бедик черлер тудуп кааны база Ашера бурганга тураскааткан адагаштар болгаш дүрзүлер тургузуп каан черлери өттүр көөр медээчилерниң бижилгелеринде бижиттинген.

2 Чылдар 33:3

Ол бодунуң ачазы Эзекияның узуткап каапканы бедик черлерни катап тудуп, Ваалдың дүрзүлеринге өргүл салыр бедигээштер, Ашера бурганга тураскааткан адагаштар тургузуп каан. Манассия сылдыстарның бүгү аг-шериинге мөгейип, аңаа бараан болуп турган.

Хосталыышкын 34:13

Оларның өргүл салыр бедигээштерин үрегдеп бузуп, даш көжээлерин чуура шаап, Ашера бурганга тураскааткан адагаштарны кезип каавыт.

Исайя 1:29

Таалал алыр ыдыктыг ыяштарыңар дээш бак атка кирер силер, боттарыңарга шилип алган ыдыктыг дээн сесерликтериңер дээш адыңар баксыраар.

Исайя 17:8

Олар ооң соонда өргүл салыр черлерже, боттарының холу, салаалары-биле кылган чүүлүнче көрбес апаар, ыдыктыг ыяштар, адагаштарга идегевестей бээр.

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 3:23

Тейлерде – чүгле меге, дагларда – чүгле шимээнниг чыыштар бар болгай. Израильдиң камгалалы чүгле Дээрги-Чаяакчы Бурганывыстан кээри шын-дыр!

Иеремия 3:6

Дээрги-Чаяакчы меңээ Иосияның хааннаан үезинде: «Өскерликчи херээжен дег Израильдиң чүнү үүлгедип турганын көрген-не болгай сен. Ол бедик даг бүрүзүнче барып, таварышкан-на хөлегелиг салбагар ыяш адаанче кирип, аңаа самыырап турду.

Иеремия 7:18

Ажы-төл ыяш чыып тур, адалары от кыпсып тур, херээженнер дээрниң Кадынынга өргүүр боовалар быжырар дээш далган нугуп, Мени хомудадыр дээш өске бурганнарга арага чажып тур.

Иезекиил 20:28

Мен оларны бээр бооп даңгыраглаан черимче эккелдим. А олар бедик тей азы улуг хөлегелиг ыяш көрүп кааш-ла, аңаа өргүлдер кылып, Мээң килеңим оттурар өргүл белектери салып, чаагай чыттыг чүүлдер кыпсып, арага өргүлдери чажып турду.

Ы. х. к. 12:2

Силерниң үндүр сывырып турарыңар чоннарның боттарының бурганнарынга бараан болуп турар черлерин: олар бедик дагларга-даа, тейлерге-даа, хөлегелиг саглагар ыяштар адаанга-даа турар болза, чок кылып кааптыңар.

Баштыңчылар 3:7

Израильчилер Дээрги-Чаяакчының мурнунга бужар-бак херектер үүлгедип, боттарының Бурганы Дээрги-Чаяакчыны уткаш, Ваал болгаш Ашера бурганнарның дүрзүлеринге бараан болуп турган.