Иеремия 17:12 - Ыдыктыг Библия

¹² Ыдыктыг өргээвис дээрге Бурганның эрте шагда көдүрлүп үнген алдарлыг дүжүлгези-дир!

Иеремия 17:12 Iomraidhean Croise

Ырлар 103:19

Дээрги-Чаяакчы үени тодарадыр дээш айны чаяап каан, хүн бодунуң ажар өйүн билир кылып каан.

Ырлар 96:6

Дээрлер Ооң чөптүүн медээлеп тур, бүгү чоннар Ооң өндүр чырыын көрүп тур.

Исайя 6:1

Озия хаанның мөчээн чылында өрү көдүрүлген бедик дүжүлгеде саадаан Дээргини көрген мен. Ооң хевиниң эдектери Бурганның өргээзин бүргей ап турган.

Исайя 66:1

Дээрги-Чаяакчы мынча дээн: «Дээр – Мээң дүжүлгем, чер – бут салыр ширтээм! Меңээ кандыг өргээ тудуп берип шыдаар силер, Мээң дыштаныр черим каяа туруп боорул?

Иеремия 14:21

Ынчалза-даа Бодуңнуң адың бодааш, бистен ойталава, Бодуңнуң алдарлыг дүжүлгеңни куду көрдүреринче чыгава! Бис-биле чарган чагыг-керээңни сактып кээп, ону үревейн көрем.

Иеремия 3:17

Ол үеде Дээрги-Чаяакчының дүжүлгези деп атты Иерусалимге тыпсыр, бүгү чоннар Иерусалимге чыглып келгеш, Дээрги-Чаяакчының адынга мөгеер, оон соңгаар боттарының чөрүүленген бузуттуг чүректеринге чагыртып чурттавайн баар.

Иезекиил 1:26

Оларның баштарында бопурук чүвениң кырында сапфир даштан кылган дүжүлгеге дөмей бир-ле чүве бар болду, а ол дүжүлгеге дөмей чүвениң кырында кижи амытан дег хевирлиг бир Кижи саадап олурду.

Иезекиил 43:7

Ол үн мынча дээн: «Кижи амытан, бо дээрге Мээң дүжүлгем турар чер-дир, Мээң бут салыр черим-дир. Мен маңаа израильчилер-биле кады кезээ мөңгеде чурттаар мен. Израиль чон Мээң ыдыктыг адымны моон соңгаар бужартатпас – олар боттары-даа, оларның хааннары-даа самыыраашкыны-биле база хааннары өлүп каарга, оларның мөчү-сөөгү-биле Мээң адымны бужартатпас.

Матфей 25:31

«Бодунуң өндүр чырыынга бүргеткен Кижи амытан Оглу хамык төлээлеринге үдеткен чедип келгеш, Бодунуң чайынналган дүжүлгезинге саадаптар.

Еврейлерге 12:2

Бүзүреливистиң Баштакчызы болгаш Эчизинге чедирикчизи Иисустан карак салбаалы. Ону манап турар өөрүшкү дээш, Ол белдир-ыяшка өлүмнү шыдажып эртип, бужар байдалга киргенин-даа херекке албайн, Бурганның дүжүлгезиниң оң талазынга барып олурупкан.

Еврейлерге 4:16

Ынчангаш өршээл алыры-биле база деткимче херек өйде авырал тывары-биле, авыралдың үнер дөзү боор Бурганның дүжүлгезинче коргуш чок чоокшулай берээли.

Ажыдыышкын 3:21

Тиилээш, Ачамның дүжүлгезинге Ооң-биле кады орупканым дег, тиилээн кижиге Мээң дүжүлгемге Мээң-биле кады орар эргени бээр мен.