Иеремия 17:10 - Ыдыктыг Библия

¹⁰ А Мен, Дээрги-Чаяакчы, кижиниң чүрээнче өттүр көрүп, сеткил-сагыжын шенеп турар мен, кижи бүрүзүн ооң херектерин ёзугаар, ажыл-херээниң үре-түңнелин барымдаалап, шаңнаар азы кезедир мен.

Иеремия 17:10 Iomraidhean Croise

3 Хааннар 8:39

ынчан Бодуңнуң чурттап турар дээриңден дыңнап кааш, оларны өршээп, хөделип көрем. Кижи бүрүзүн ооң ажыл-херээн ёзугаар, ооң сеткил-чүрээн билип, шын шиидип көрем, чүге дээрге чүгле Сен бүгү кижи амытанның сеткил-чүрээн билир болгай сен.

1 Чылдар 28:9

А сен, оглум Соломон, ачаңның Бурганын билип ал, Аңаа бүгү сеткил-сагыжыңдан, эки тураң-биле бараан бол, чүге дээрге Дээрги-Чаяакчы бүгү улустуң чүрээн шылгап, оларның бодалдарының шимчээшкиннерин билир болгай. Бир эвес Олче чүткүүр болзуңза, Ол сеңээ тыптыр. А бир эвес Оон ойталаар болзуңза, Ол сенден кезээ мөңгеде хая көрнү бээр.

1 Чылдар 29:17

Мен билип тур мен, мээң Бурганым, Сен улустуң чүрээн хынап, оларның шынчы сеткилин билип алыксап турар болгай сен. Мен бо бүгүнү арыг сеткилимден берген мен. Ам Сээң мында турар чонуң эки тура-биле өргүл-белек берип турарын өөрүшкү-биле көрүп тур мен.

2 Чылдар 6:30

ынчан Бодуңнуң чурттап турар дээриңден дыңнап кааш, оларны өршээп көрем. Кижи бүрүзүн ооң ажыл-херээн ёзугаар, ооң сеткил-чүрээн билип, шын шиидип көрем, чүге дээрге чүгле Сен кижи амытанның сеткил-чүрээн билир болгай сен.

Иов 34:11

Кижини Ол ажыл-херектерин ёзугаар аажылаар, аңаа кеземчени чогууру-биле онаар.

Ырлар 62:12

Хаан Бурган дээш өөрүп-хөглээр, Ооң ады-биле даңгырак берген бүгү улус чоргаарланыр, а мегелеп чугаалаар улустуң аксы хагдына бээр.

Ырлар 7:10

Бузуттугларның өжүнүң когу үзүлзүн, чөптүг-шынныг кижини быжыктыр – чөптүг Бурган болгай сен, улустуң чүректерин, ишти-хөңнүн шенээр-дир сен.

Ырлар 7:9

Дээрги-Чаяакчы аймактарны шиидип турар. Меңээ шын шииткелден үндүрүп көр, чөптүүмнү, кем-буруу чогумну көрүп көр, Дээрги-Чаяакчы.

Чугаалар 12:14

Кижи бодунуң чугаа-сөзүнүң буянныг дүжүдүн ажаап аар, ооң кылган күш-ажылы шаңнал бооп, орнун эгидер.

Чугаалар 17:3

Мөңгүн биле алдын хайылдырар суугуга эстир, а улустуң чүректерин Дээрги-Чаяакчы шенээр.

Экклесиаст 9:3

Чырык черде дойлуп турар бүгү чүүлдерниң багай талазы – шупту улустуң үүле-хуузу бир дөмей болганы-дыр! Ынчангаш дириг чорда, кижи амытанның чүрээн каржы сеткил болгаш мугулай чорук долуп чоруур-дур; а ооң соонда өлүглерже чоруй баар-дыр.

Исайя 59:18

Улустуң ажыл-херектерин ёзугаар Ол кеземче онаар: дайзыннарынче Ооң килеңи халдаар, өжээтеннерин Ооң өжээн негээшкини манап турар, ырак ортулуктарның чурттакчыларынга Ол чогуур кеземче онаар!

Иеремия 11:20

Аг-шериглиг Дээрги-Чаяакчы, чөптүү-биле шиидип турар сен база кижиниң сеткил-чүрээ, ишти-хөңнүн шенеп турар болгай сен! Олардан өжээн негээриңни мен көрүп көрейн, бодумнуң чаргы-чаалымны шиитпирлээрин Сеңээ бүзүредим.

Иеремия 12:13

Улус кызыл-тас тарааш, тенниг үнүш ажаап алды, чилчиин үзүлдүр ажылдаарга-даа, ажык-дуза чок болду. Ындыг дүжүдүңерден ыядыңар, Дээрги-Чаяакчының чалбыыштыг килеңи ол-дур!»

Иеремия 20:12

Аг-шериглиг Дээрги-Чаяакчы чөптүг-шынныг улусту шылгаар, Ол кижиниң сеткил-чүрээ биле ишти-хөңнүн өттүр көрүп турар. Мени истеп-сүргеннерден Сээң өжээн негээриңни көрейн, чүге дээрге бодумнуң чаргы-чаалымны шиитпирлээрин Сеңээ бүзүрээн мен.

Иеремия 21:14

Мен силерни үүлгедиглериңер ёзугаар кезедир мен! – деп, Дээрги-Чаяакчы медеглээн. – Силерниң эзим-аргаңарга от кыпсыр мен, ол от долгандыр турар бүгү чүвени чиптер!»

Иеремия 23:2

Мээң чонумну кадарып турар чагырыкчыларга Дээрги-Чаяакчы, Израильдиң Бурганы: «Мээң хойларымны тоо быдарадыр сывырыпкан, оларже сагыш салбаан силер. Мен ам бузуттуг үүлгедиглериңер дээш силерни кезедир мен – деп медеглээн. –

Иеремия 32:19

Сээң угаан-сарыылың өндүр улуг, ажыл-херээң сан-түң чок. Сээң карааң кижи төрелгетенниң бүгү оруктарын көрүп турар, Сен кижи бүрүзүн, ооң оруктары дээш, ажыл-херээниң үре-түңнелин барымдаалап, шаңнаар азы кезедир сен.

Иезекиил 11:5

Ооң соонда Дээрги-Чаяакчының Сүлдези менче бадып кээрге, Ол меңээ: «Дээрги-Чаяакчының чугаалаан чүвезин дамчыт: израиль чон, силерниң бодап турар чүвеңер бо ышкажыл; Мен силерниң бодалыңарга чүү кирип турарын билир мен.

Иезекиил 14:5

Израиль чон дүрзү-бурганнар дээш Мени каапкан-даа болза, оларның сеткил-чүрээн Бодумче ээлдирип аар мен.

Михей 7:13

А чер-делегей ооң чурттакчыларының үүлгедиглери дээш хоозуралга таваржыр.

Матфей 16:27

Кижи амытан Оглу Бодунуң Адазының өндүр чырыынга бүргеткен, Бурганның төлээлери-биле кады чедип келгеш, кижи бүрүзүн ооң кылган ажыл-херээниң аайы-биле шаңнаар азы шиидер.

Матфей 6:4

Сээң ол хайырлалың чажыт болзун. Ынчан бүгү чажыт чүвени көрүп турар Адаң сени шаңнаар».

Иоанн 2:25

Ол ышкаш кандыг-бир кижи дугайында өске кижиниң Аңаа чугаалап бээрин Ол хереглевес болган. Кижиниң сеткилинде чүү барын Ол Боду билир турган.

Ажыл-чорудулга 1:24

Элчиннер: «Дээрги-Чаяакчы, кижи бүрүзүнүң сеткил-чүрээн билир болгай сен. Бо ийи кижиниң кайызын шилип алганыңны база

Римчилерге 6:21

Ам кээп ыядып эгелээниңер ажыл-херектериңерден кандыг үре-түңнел чедип алдыңар? Оларның эчис түңнели өлүм болду чоп.

Римчилерге 8:27

Ынчалза-даа эң-не чажыт бодал-сагыжывысты өттүр билир Бурган Сүлдениң чүү дээш мөргүл кылганын билир, чүге дээрге Сүлде Бурганның күзел-соруунуң аайы-биле Ооң чону дээш дилеп, болчуп турар.

Ажыдыышкын 2:23

Иезавелди эдергеннерни база узуткаар мен. Улустуң угаан-бодалынче, күзелинче бакылап турар Кижи дээрге-ле Мен-дир дээрзин бүгү христиан ниитилелдер билип алыр. Мен кижи бүрүзүн ооң кылган херектерин ёзугаар шаңнаар азы кезедир мен.

Ажыдыышкын 20:12

Мен ынчан дүжүлгениң мурнунда турар улуг, биче өлүг улусту көрүп кагдым. Ажып каан номнар база бар болду. Оон база бир номну – амыдыралдың номун – ажыдып кагды. Өлүглерни оларның кылган херектерин барымдаалап, номнарда оларның дугайында бижээнин ёзугаар шииткен.

Ажыдыышкын 22:12

«Дыңна! Удавас чедип келгеш, шаңналды Бодум эккээр мен. Кижи бүрүзүнге ооң кылганын барымдаалап бээр мен.

1 Хааннар 16:7

Ынчалза-даа Дээрги-Чаяакчы Самуилге мынча дээн: «Ооң даштыкы хевиринче болгаш дурт-сынының узунунче көрбе. Ону Мен хүлээп албаан мен. Мен кижилер дег эвес мен. Кижилер улустуң арын-шырайынче көөр, а Дээрги-Чаяакчы улустуң чүрээнче көөр».