Иеремия 17:1 - Ыдыктыг Библия

¹ Иудеяның бачыдын демир шиш-биле, алмаз кески-биле бижип каан, оларның чүректерин калбак даш кылгаш, аңаа шыйып каан, өргүл салыр бедигээштериниң мыйыстарында оюп каан.

Иеремия 17:1 Iomraidhean Croise

Чугаалар 3:3

Шынчы чорууң биле энерелиңни кагба: ону, каасталга ышкаш, мойнуңга астып ал база чүрээңге сиилбирлеп бижип ал –

Чугаалар 7:3

Оларны, билзек ышкаш, салааларыңга суп ал, чүрээңге сиилбирлеп бижип ал.

Исайя 49:16

Мен сени Бодумнуң адыштарымда шыйып, демдеглеп алдым, сээң ханаларың кезээде Мээң сагыжымда.

Иеремия 11:13

Иудея, сээң кандыг-даа хоорайың боду бурганныг болгай. Иерусалимниң кудумчу бүрүзүнде чүдек-бужар Ваал бурганга айдызаар өргүл бедигээжи тургузуп алган силер.

Иеремия 2:22

Ынчангаш кандыг-даа саваң-биле арыдыр чунуп шыдавас сен – кем-бурууң Мээң мурнумда көскү! – деп, Дээрги-Бурган-Чаяакчы медеглээн. –

Иеремия 31:33

Мен ол хүннерде израиль чон-биле мындыг чагыг-керээ чарар мен: Бодумнуң дүрүм-хоойлумну оларның угаан-медерелинче киирер мен, оларның чүректеринге бижип каар мен! Мен оларның Бурганы болур мен, а олар Мээң чонум болур – деп, Дээрги-Чаяакчы медеглээн. –

Иеремия 4:14

«Иерусалим, бодуңнуң чүрээңни бузуттан арыглап ал, ынчан камгалалды алыр сен! Чежеге дээр кара бодалдарың амдажыдар сен?

Осия 12:11

А Галаад бузутка бердинген-дир, ооң чону чөгенчиг улус апарган-дыр. Олар Галгалга өргүл кылдыр бугажыктар салып турган-дыр, оларның өргүл бедигээштери аңдарган шөлде оваалай чыгган даштар дег-дир.

Осия 7:2

Оларның бузуттуг үүлгедиглериниң шуптузун сактып алганымны медереп билбестер-дир; ам оларны ажыл-херектери бүргеп алган, оларны тода көрүп тур мен».

Осия 8:11

Эфрем бачыт дээш өргүл салыры-биле хөй-ле бедигээштер тудуп алган, а оон оларны бачыт үүлгедири-биле ажыглап турган.

Левит 4:25

Бурганның бараалгакчызы өргүлдүң ханынче салаазын суккаш, өргүл салыр бедигээштиң мыйыстарын чаап кагзын, а арткан ханны өргүл бедигээжиниң дөжээнче төпсүн.

Захария 7:12

Олар чүректерин алмаз ышкаш кадыг кылып алган, ыдыктыг хоойлуну база Аг-шериглиг Дээрги-Чаяакчының Бодунуң Сүлдези-биле биеэги медээчилерни дамчыштыр чорудуп турган сөстерин тооп дыңнавайн барган. Ынчангаш Аг-шериглиг Дээрги-Чаяакчы Мен оларже аажок килеңней берген мен.

2 Коринфичилерге 3:3

Бистиң бараан болуушкунувус ачызында Христостуң бижээн чагаазы – силер-дир силер. Ындыызын бүгү улус көрүп турар. Будук-биле эвес, а дириг Бурганның Сүлдези-биле бижээн; калбак даштарга эвес, а кижилерниң чүректеринге бижээн чагаа силер.