Иеремия 16:7 - Ыдыктыг Библия

⁷ Өлген кижи дээш кажыыдаан улусту аргалаары-биле кым-даа оларга аъш-чем бербес, мөчээн ада-иези дээш безин оларже аргалалдың дашказын сунмас.

Иеремия 16:7 Iomraidhean Croise

Иов 42:11

Иовтуң бүгү эр, кыс ха-дуңмазы, бүгү биеэги таныш өөрү чедип келгеш, ооң бажыңынга кады чемненип дойлаан. Олар Дээрги-Чаяакчының олче ытканы бүгү хай-халап дээш ону кээргеп, аргалап турган. Кижи бүрүзү Иовка бир кесита биле бир алдын сырга берген.

Экклесиаст 4:1

Эргий көргеш, чырык черде үүлгеттинип турар бүгү-ле базымчаны көрдүм: базындыртканнарның караа чаштыг, а оларны аргалаар кижи чок; дарлакчыларның холунда эрге-күш бар-дыр, а дарлатканнарны аргалаар кижи чок-тур.

Иеремия 22:10

Өлген хаан дээш ыглашпаңар, ол дээш качыгдаваңар! Харын туттуруушкунда барган хаанның ажыын ажып ыглажыңар, чүге дээрге ол ам черле ээп келбес, төрээн чуртун көрбес.

Ыы-сыы 1:9

Ооң хеви хирлиг турган – келир өйде чүү боорун бодаваан-дыр. Кончуу сүргей буступ дүштү – аргалаптар кижи ам чок. «Дээрги-Чаяакчы, хинчээмни көр – дайзыным дендеп барды!» י (йод)

Иезекиил 24:17

Өлген кижи дээш ыыт чок човууртап, ыглап-сыктава; качыгдалдың демдээ кылдыр бажың дүгүн часпа, кызыл-даван кылаштава, сегелиң дуглава, ажыг-шүжүүң үлежип келген улустуң аъш-чемин чиве».

Осия 9:4

Олар ынчан Дээрги-Чаяакчыга арагазын өргүп кутпас, оларның өргүлдери Аңаа таарышпас, өргүл аъш-чеми оларга хөөржүдүлге аъш-чеми дег болур – ону чиген бүгү улус арыг эвес апаар, чүге дээрге оларның аъш-чеми чүгле боттарының чииринге ажыглаттынып, Дээрги-Чаяакчының өргээзинче кирбес.

Ы. х. к. 26:14

Мен ол аъш-чемни кажыыдап тургаш, чип көрбээн мен, арыг эвес тургаш, аңгылай салбаан мен, өлүг улустуң сүнезинин чемгерерин саналдаваан мен; Дээрги-Чаяакчы Бурганымның сөзүн тооп дыңнап, Сээң меңээ айтып-чагааның бүгү чүвени күүсеткен мен.