Иеремия 16:6 - Ыдыктыг Библия

⁶ Бо черге ат-сураглыг-даа, карачал-даа улус өлүп каар, оларны орнукшутпас, олар дээш кажыыдавас, кым-даа олар дээш качыгдал демдээ кылдыр мага-бодун балыглавас, бажын чүлүвес.

Иеремия 16:6 Iomraidhean Croise

2 Чылдар 36:17

Бурган оларже халдей хаанны ыдыптарга, ол хаан аныяк оолдарны ыдыктыг өргээге хылыш-биле шанчып каапкан, аныяк оолдар, кыстарны-даа, кырган, чөнүк улусту-даа кээргевээн. Бурган оларның шуптузун Навуходоносор хаанга хүлээдип берген.

Исайя 22:12

Аг-шериглиг Дээрги-Бурган-Чаяакчы силерге ол хүн ыглап-сыктаарын, качыгдалдан бажыңарны дөңгүрертир чүлүп, самдар хепти кедерин сүмелээн.

Исайя 24:2

Карачал улусту база Бурганның бараалгакчыларын, эр, херээжен чалчаларны база оларның дээргилерин, чегдинген кижини база чээли берикчизин, чиижең хөөчү кижини база өрелиг кижини – шуптузун чаңгыс салым-хуу манап турар.

Иеремия 13:13

Ынчан оларга мону чугаала. Дээрги-Чаяакчы мынча дээн: „Бо черниң бүгү чурттакчыларын – Давид хаанның дүжүлгезинде саадаан хааннарны, Бурганның бараалгакчылары биле медээчилерин, Иерусалимде чурттаан бүгү улусту – оларның шуптузун ужур эзиртир арага-биле долдурар мен!

Иеремия 16:4

«Олар хилинчектиг өлүм-биле өлүр, улус олар дээш кажыыдавас, оларны орнукшутпас – черге өдек дег чыдып каарлар. Олар дайын-чаа биле аш-чутка узуткаттырып аар, оларның мөчү-сөөктери дээрниң куштарынга, черниң аң-араатанынга чемиш болур» – деп чугаалаан.

Иеремия 41:5

Сихем, Силом болгаш Самария хоорайлардан сезен кижи чедип келген. Олар качыгдалдан салын чүлүп алган, ора тырткан хептер кеткен, мага-бодунда кезиглерлиг улус болган. Ол улус Дээрги-Чаяакчының өргээзинче далган-тараа өргүлдери болгаш ладан деп чаагай чыттыг чүүл көдүрүп эккел чыткан.

Иеремия 47:5

Муңгаралдан Газа хоорайның чону бажын дөңгүрертир чүлүүр, Аскалон хоорайның чону үн чок апаар. Шынааның дириг арткан чурттакчылары, кажанга чедир боттарыңарны, качыгдалыңар демдээ кылдыр, балыглаар силер?»

Иеремия 48:37

Олар шупту муңгаралдан бажын дөңгүрертир таартып, салын чүлүп алган, холунга кезиглер кылып алган, оларның белинде качыгдалдың самдар хеви орааттынган.

Иеремия 7:29

Сион-кыс, чажың үзе кескеш, ыңай октавыт, тейлерге ыыткыр кажыыдап ыгла, чүге дээрге Дээрги-Чаяакчы бо салгалга килеңнээш, ону хүлээп көрбейн, каапкаш барган-дыр.

Иеремия 8:2

Ол сөөктерни хүн биле айның адаанга, ол улустуң ынак чорааны, бараан болуп чорааны сылдыстарның бүгү аг-шерииниң мурнунга тарадыр октаптар. Олар ук чырымалдарга мөгейип, олардан айтыртынып, оларның мурнунга доңгая кээп дүжүп турган болгай! Ол сөөктерни кым-даа чыгбас, орнукшутпас – черге өдек ышкаш артып каар.

Левит 19:27

Бажыңарның кыдыын долгандыр дөңгүретпеңер база салыңарның кыдыгларын таартпаңар.

Левит 19:28

Өлген улус дээш кажыыдап, мага-бодуңарны чара кеспеңер база шыйбактаваңар, эът-кежиңерге кадап будаан бижимелдер кылбаңар. Мен – Дээрги-Чаяакчы-дыр мен!

Амос 6:11

Чүге дээрге Дээрги-Чаяакчы дужаарга, улуг-даа бажыңнар буступ каар, бичии-даа бажыңнар чуурлуп каар.

Матфей 9:23

Иисус дарганың бажыңынче кирип келгеш, шоор ойнакчыларын база аймап-хөлзээн чонну көрүп каан.

Ы. х. к. 14:1

«Силер – Дээрги-Чаяакчы Бурганыңарның ажы-төлү силер; өлү берген улус дээш кажыыдаарда, мага-бодуңарны чара кеспеңер, хавааңар үстүнде бажыңар дүгүн дөңгүрертир чүлүвеңер,

Ажыдыышкын 20:12

Мен ынчан дүжүлгениң мурнунда турар улуг, биче өлүг улусту көрүп кагдым. Ажып каан номнар база бар болду. Оон база бир номну – амыдыралдың номун – ажыдып кагды. Өлүглерни оларның кылган херектерин барымдаалап, номнарда оларның дугайында бижээнин ёзугаар шииткен.

Ажыдыышкын 6:15

Черниң хааннары база чагырыкчылар, шериг баштыңчылары, байлар, эргетеннер база арткан улус – кулдар-даа, хостуглар-даа куйларже болгаш дагларда хаялар аразынче чашты бердилер.