Иеремия 16:4 - Ыдыктыг Библия

⁴ «Олар хилинчектиг өлүм-биле өлүр, улус олар дээш кажыыдавас, оларны орнукшутпас – черге өдек дег чыдып каарлар. Олар дайын-чаа биле аш-чутка узуткаттырып аар, оларның мөчү-сөөктери дээрниң куштарынга, черниң аң-араатанынга чемиш болур» – деп чугаалаан.

Иеремия 16:4 Iomraidhean Croise

4 Хааннар 9:10

А Иезавелди Изреелдиң мурнунга ыттар чип кааптар, ону кым-даа хөөржүтпес» – дээн. Оон медээчи эжикти ажыткаш, дезип чоруй барган.

Ырлар 83:10

О Бурган, дозуг-камгалалывыс, бээр көрнүп келем, Бодуңнуң шилип алган хааныңны деткип көрем!

Исайя 18:6

Ол бүгүнү дагларда араатан куштар биле черлик аң-меңге арттырып каар; куштар чайны өттүр ону чиир, черлик аң-мең кыштадыр чиир» – дээн.

Исайя 5:25

Ол дээш, Дээрги-Чаяакчының килеңи Ооң чонунче кыптыгар; Ол Бодунуң холун оларже көдүрүп, эттеп-согар. Даглар сирилей бээр, улустуң мөчү-сөөктери кудумчуларда өдек-бок дег чыдып бээр. Ынчан безин Ооң килеңи чайлаттынмас, Ооң холу ам-даа улусту кезедип, көдүрлүр!

Иеремия 19:7

Шак ол черге Иудея биле Иерусалимниң бодап алган чүүлүн буурадыр мен, оларны дайзынның хылыжынга шаштыртып каар мен – оларның амы-тынын үзүксээн улустуң холундан кырлып каарлар. Оларның мөчү-сөөктерин Мен дээрниң куштарынга, черниң аң-араатанынга чемиш кылдыр бээр мен.

Иеремия 21:6

Бо хоорайда чурттаан амылыгларны – кижилерни-даа, дириг амытаннарны-даа – узуткаар мен. Олар коргунчуг хамчык аарыгдан өлүп-кырлып каар!

Иеремия 25:33

Ол хүн Дээрги-Чаяакчыга өлүрткен улус чер-делегейниң бир кыдыындан өске кыдыынга чедир чыткылаар. Улус оларның ажыын ажып ыглашпас, мөчү-сөөгүн чыып, ажаавас, олар чер кырынга өдек дег чыдып каар.

Иеремия 34:17

Ынчангаш Дээрги-Чаяакчы мынча дээн: «Силер Мени тооп дыңнавадыңар – боттарыңарның ха-дуңмаңарга, чаңгыс аймак улузуңарга хосталга хайырлавадыңар. Ол дээш Мен ам силерге хосталга хайырлап тур мен – деп, Дээрги-Чаяакчы медеглээн. – Дайын-чаа, аш-чут болгаш хамчык аарыгдан өлүр хосталганы! Мен силерни чер-делегейниң бүгү күрүнелеринге коргунчуг үлегер-чижек кылып каар мен.

Иеремия 34:20

Мен ол улусту дайзыннар холунче, оларны өлүрүксээн улустуң холунче хүлээдип бээр мен. Оларның мөчү-сөөктери дээрниң куштары биле черниң аң-араатанынга чемиш болур.

Иеремия 36:30

Ынчангаш Дээрги-Чаяакчы Иудеяның хааны Иоаким дугайында: „Ооң үре-салгалы Давид хаанның дүжүлгезинге саадавас. Ооң мөчү-сөөгүн хүннүң изии биле дүннүң соогунче үндүр октап, бужартадыр.

Иеремия 44:12

Египетке чурттаар деп шиитпирлээш, чоруп турар дириг арткан иудейлерни чок кылыр мен – олар шупту аңаа узуткаттырып, кырлып каар. Олар дайын-чаа биле аш-чутка узуткаттырар, кырган-аныяа чокка, дайын-чаа, аш-чуттан өлүп каар. Каргыш биле хоозуралдың, дорамчылал биле бак атка кирериниң үлегер-чижээ апаарлар.

Иеремия 44:27

Силерге ачы-буян эвес, айыыл-халап келзин дээш, Мен силерден карак салбас мен. Египетте турар бүгү иудейлер, төндүр кырлып калгыжеге чедир, дайын-чаа болгаш аш-чуттан өлүп кээр.

Иеремия 7:33

Ол чоннуң улузунуң мөчү-сөөктери дээрниң куштарынга, черниң аң-араатанынга чемиш болур, аң-кушту ойладып-хойзур кижи тывылбас.

Иеремия 9:22

«Оларга мону чугаала. Дээрги-Чаяакчы: „Кижилер мөчү-сөөктери шөлде өдек дег, тараа кезикчизиниң соонда арткан моожалар дег чыдып каар, оларны ажаап чыыр кижи чок“ – деп чугаалаан».

Ыы-сыы 4:9

Хову-шөлдер куруглаарга, тыны үстүп, диригге-ле кадып калган, аштап өлген кижилерден хылыш-биле шаштырганнар кежиктиг-дир. י (йод)

Иезекиил 24:21

Дээрги-Бурган-Чаяакчы израиль чонга чугаалаан чүвезин дамчыдарын айыткан: Мен Бодумнуң ыдыктыг черимни – силерниң чоргаарланып турарыңар быжыг өргээни, сеткилиңерниң өөрүшкү-маңнайын, карааңар огунуң таалалын – бужартадыр деп тур мен. А каапкаш барган оглу-кызыңар хылыштан кырлып каар.

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Софония 1:17

Мен кижи амытанны аажок кызагдаптарымга, олар согурлар дег улчуп чоруптар, чүге дээрге Дээрги-Чаяакчыга удур бачыт үүлгеткен-дир. Оларның ханы черже агар, мөчү-сөөктери өдек дег тарай октаттынар.

Ы. х. к. 28:22

Оон Дээрги-Чаяакчы сенче харыксырадыр аарыгны, халыынны, дегдирер аарыгны халдадыр; сээң дүжүдүңче каңдаашкынны, өрттендир чип турар изиг хатты болгаш дүдүктү салыр – ол бүгү айыыл-халап өлгүжеңге чедир сени истеп-сүрер.

Ы. х. к. 28:26

Улузуңнуң мөчү-сөөгү дээрниң хамык куштарынга, черниң аң-араатанынга чемиш болур, оларны ойладып-хойзур кижи тывылбас.