Иеремия 16:12 - Ыдыктыг Библия

¹² Силерниң кылып турар үүлгедиглериңер ада-өгбеңерниинден-даа дора. Кайыңар-даа бузуттуг чүрээниң чөрүү чоруунуң аайы-биле чурттап, Мени тооп дыңнавайн турар.

Иеремия 16:12 Iomraidhean Croise

Эге дөс 6:5

Кижилерден үнүп турар каржы-бак чүүлдүң чер кырында хөйүн Дээрги-Чаяакчы көрүп каан. Оларның бүгү бодалдары үргүлчү-ле каржы-бак чүүлче угланган болган.

Эге дөс 8:21

Өргүткеннерниң чаагай чыдын тынып ора, Дээрги-Чаяакчы мынча деп шиитпирлээн: «Моон соңгаар кижилерниң хайының ужун черже каргыш салбас мен. Оларның бодалдары аныяандан тура каржы-бак чүүлдерже угланган-даа болза, Мен, суг халавы чорудуп турганым дег, моон соңгаар амылыг чүвелер кырбас мен.

Экклесиаст 8:12

Бачыттыг кижи чүс-даа катап бачыт кылып чорааш, узун назы назылаарын-даа көрүп чордум. Ийе, билир мен: «Аас-кежик Бургандан коргар улуска кээр,

Экклесиаст 9:3

Чырык черде дойлуп турар бүгү чүүлдерниң багай талазы – шупту улустуң үүле-хуузу бир дөмей болганы-дыр! Ынчангаш дириг чорда, кижи амытанның чүрээн каржы сеткил болгаш мугулай чорук долуп чоруур-дур; а ооң соонда өлүглерже чоруй баар-дыр.

Иеремия 13:10

Бо бузуттуг чон Мээң сөстеримни тооп дыңнаарындан ойталап, чөрүү чүрээниң аайынга кирип, өске бурганнарга мөгейип, оларга бараан болуп, сөгүрүп турар-дыр! Ол чон канчаар-даа ажыглаттынмас бо кур ышкаш апаар.

Иеремия 17:9

Кижиниң сеткил-чүрээ оп-мегелиг, эдип аар арга чок; кым ону билип шыдаарыл?

Иеремия 18:12

Ынчалза-даа олар: „Хей чүве! Күзээн чүвевис кылыр бис, кижи бүрүзү бодунуң бузуттуг чүрээниң чөрүү чоруунуң аайы-биле кылыр“ – деп харыылаар».

Иеремия 22:28

Таанда-ла ол кижи, Иехония, ажыы чок бузук дой доңга бе, херээ чок сава бе? Чүге ону ажы-төлү-биле кады оларның билбези чуртче сүрүп аппарганыл?

Иеремия 7:24

А олар тооп дыңнавады, кулаан Менче ээктирбеди, боттарының угаап билир аайы-биле, чөрүүленген бузуттуг чүректериниң аайы-биле чурттап чордулар – Менче көрүнмейн, хая көрнү бердилер.

Иеремия 7:26

Ынчалза-даа силер Мени тооп дыңнаваан силер, Менче кулааңар ээктирбээн силер, чөрүүңер дам барып, ада-өгбеңерден артык бак апарган силер.

Иеремия 9:14

Олар боттарының чөрүү чүректериниң аайынче кирип, Ваалдың дүрзүлеринге мөгейип турарлар, ол бүгүге ада-өгбезинден өөренип алганнар-дыр» – деп чугаалаан.

Ыы-сыы 5:7

Ада-өгбе бачыт кылган – олар ам чок, а кем-буруузу дээш кеземче – бисте дүшкен.

Иезекиил 20:30

Ынчангаш израиль чонга Дээрги-Бурган-Чаяакчының чугаалаан чүвезин дамчыдар сен: ада-өгбеңерниң үлегер-чижээ-биле боттарыңарны бужартадып, оларның чүдек-бужар дүрзү-бурганнары-биле самыыраар силер бе?

Амос 2:4

Дээрги-Чаяакчы мынча дээн: «Хөй санныг кемниг үүлгедиглери дээш, Иудеяның чурттакчыларын өршээвес мен, чүге дээрге олар Дээрги-Чаяакчының хоойлузундан ойталап, Ооң дүрүмнеринге шынчы бооп артпаан-дыр; ада-өгбезиниң эдерип турганы меге бурганнар ол чонну оруундан өскээр дуурайлап каапкан-дыр.

Марк 7:21

Кижиниң иштинден, ооң чүрээнден үнер чүүлдер бо-дур: бузуттуг-бак бодалдар, самыыраар чорук, ооржу база өлүрүкчү чорук,

Ы. х. к. 29:19

Ындыг кижи ол даңгырактың сөстерин дыңнап кааш, сеткил-хөңнүнге бодун алгап-йөрээп: „Бодум турам-биле-даа чурттап чорааш, амыр-чыргалдыг болур мен“ – дээр болза, ол бак кижи бодун-даа, өске улусту-даа айыыл-халапче киирер.

Ы. х. к. 9:27

Бодуңнуң чалчаларың: Авраам, Исаак болгаш Иаков оларны бодап кел – бо чоннуң чөрүүзүнче, ооң кем-буруузунче база бачыттарынче көрбейн көр.

2 Тимофейге 3:13

А бузуттуглар болгаш хуурмак хейлер багынга улам өнемчип, өскелерни будулдурар, оон боттары база будулар.

Еврейлерге 3:12

Ха-дуңма, силерниң кайыңар-даа дириг Бургандан хая көрүнген, бачыттыг, бүзүревес чүректиг болбазын дээш, кичээниңер.

Баштыңчылар 2:19

Ынчалза-даа баштыңчы чок апаарга-ла, израильчилер катап база адаларындан дора болуп, хары бурганнарже чайгылып, оларга бараан болуп, оларга мөгейип эгелээр турганнар. Ынчалдыр олар боттарының үүлгедиглеринден болгаш чөрүү-хедер оруундан ыравайн турганнар.

1 Хааннар 15:23

А чагыртпас чорук дээрге илби-шиди ышкаш бачыт-тыр, удурланыр чорук дээрге дүрзү-бурганнарга чүдээни-биле дөмей-дир. Дээрги-Чаяакчының сөзүн дыңнаарындан ойталааның дээш, Ол сени хаан кылдыр арттырарындан ойталап каапкан-дыр» – деп чугаалаан.