Иеремия 16:10 - Ыдыктыг Библия

¹⁰ Кажан сен бо чонга ол бүгү сөстерни дамчыдарыңга, олар сенден: „Чүү дээш Дээрги-Чаяакчы биске ындыг улуг айыыл-халап оштады? Кем-буруувус кандыг чүвел? Дээрги-Чаяакчы Бурганывыстың мурнунга бачыдывыс кандыг чүвел?“ – деп айтырар.

Иеремия 16:10 Iomraidhean Croise

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 13:22

Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.

Иеремия 2:23

Сен канчап: „Бужартаваан мен, Ваалдың дүрзүлеринге мөгейбээн мен“ – дээр сен? Шынаага кылып турган херектериңче көрүп көр, чүнү үүлгеткениңни медереп билип ал! Эңгин теве дег, оруктарга дөскелчок караңнадыр маңнап турдуң.

Иеремия 2:35

„Мен актыг мен, Бурганның килеңи менден чайлаар боор“ – дээр-дир сен. Мен сени „Бачыт үүлгетпедим“ дээн сөстериң дээш харыы тударынче кыйгырар мен!

Иеремия 44:3

Чүге дээрге оларның чурттакчылары бузут үүлгедип, Мени килеңнедип турган – олар боттарының-даа, силерниң-даа, ада-өгбеңерниң-даа билбес чорааны хары бурганнарга мөгейип, айдызаар өргүл кыпсып, бараан болуп турган.

Иеремия 5:19

Улус: „Дээрги-Чаяакчы Бурганывыс бо бүгүнү бис-биле чүү дээш кылганы ол?“ – деп айтырарга, „Силер Оон ойталааш, бодуңарның чериңерге өске бурганнарга бараан болуп турдуңар, ынчангаш өске черге хары улуска бараан болур силер“ – деп харыылаар сен, Иеремия.

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Осия 12:8

Эфрем: „Мен-даа олар ышкаш байыдым, эт-хөреңги чыып алдым. Мээң бүгү ажыл-херээмден улус хоойлуга удурланышкак, бачыт деп санадыр чүү-даа чүве тыппас“ – деп чугаалаан.