Иеремия 15:9 - Ыдыктыг Библия

⁹ Чеди-даа ажы-төлдүг турган иелер ам харыксырап, сагыш-сеткили куруглап калган, оларның хүнү дүъште-ле ажа берген, олар, ады баксырап, дорамчылаткан. А чоннуң арткан улузун хылышка чиш кылдыр берип, дайзыннарынга хүлээдип бээр мен». Дээрги-Чаяакчының медеглээн чүвези ол-дур.

Иеремия 15:9 Iomraidhean Croise

Исайя 47:9

Ол-даа, өске-даа айыыл сени таварыыр – хенертен, чаңгыс хүн дургузунда, ажы-төлүң-даа чидирер сен, дулгуяк-даа апаар сен. Хөй санныг караң көрнүүшкүн кылып турзуңза-даа, илби-шидилиг сөстериң аажок күштүг-даа болза, ол бүгүнү бүрүнү-биле көрүп эртер сен.

Иеремия 19:7

Шак ол черге Иудея биле Иерусалимниң бодап алган чүүлүн буурадыр мен, оларны дайзынның хылыжынга шаштыртып каар мен – оларның амы-тынын үзүксээн улустуң холундан кырлып каарлар. Оларның мөчү-сөөктерин Мен дээрниң куштарынга, черниң аң-араатанынга чемиш кылдыр бээр мен.

Иеремия 21:7

А ооң соонда Иудеяның хааны Седекияны, ооң дүжүметтерин, бүгү албаты чонун, бо хоорайда хамчык аарыгдан, дайын-чаа биле аштан дириг арткан бүгү улусту Вавилоннуң хааны Навуходоносорнуң холунга, дайзыннар холунга, оларның өлүмүн күзээн улустуң холунга хүлээдир мен – деп, Дээрги-Чаяакчы медеглээн. – Хаан оларны хылыш-биле шанчып каар, кээргевес, оларга хайыра көргүспес, өршээл бербес!»

Иеремия 44:27

Силерге ачы-буян эвес, айыыл-халап келзин дээш, Мен силерден карак салбас мен. Египетте турар бүгү иудейлер, төндүр кырлып калгыжеге чедир, дайын-чаа болгаш аш-чуттан өлүп кээр.

Иеремия 50:12

Ол дээш силерниң ие-чуртуңарның ады баксыраар, төрээн ие-чериңерниң арны кызар, ол ам чоннарның адак-багы апаар, ээн кургаг хову, суг чок ээн чер болур.

Иеремия 6:4

Олар: „Иерусалимге удур тулчуушкунну белеткеңер! Туруңар, дал дүъште үнүптээли! Харалаан, хүн ажар чедип, имиртиңней берди.

Иеремия 7:19

Ынчалза-даа херек кырында кымны хомудадып турарларыл, Мени бе? – деп, Дээрги-Чаяакчы медеглээн. – Чок, боттарын хомудадып турарлар, боттары бак атка кирерлер».

Ыы-сыы 1:1

Аа халак! Аажок хөлдүг хоорай-даа ээнзирээн-дир. Көвей чоннар агайы ам дулгуяк дег. Чурттарның кадыны ам албадаткаш, ажыл кылыр үүлелиг! ב (бет)

Ыы-сыы 4:10

Чонум ынчаар кырлып турда, буян-чолдуг иелер-даа ажы-төлүн пашка дүлүп, боттарынга аъш-чем кылып турганнар ийик. כ (каф)

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:13

Ынчан Мээң килеңим бүрүнү-биле кыптыгып кааптар, оларга хорадааным намдаар, сеткилим ханар. Ажынган сеткилим, хорадаан сагыжым оларже кыптыгарга, Дээрги-Чаяакчы Мээң чугаалап турганымны билип аарлар.

1 Хааннар 2:5

Тодуг-догаа чораан улус ам хырны дээш ажылдаар, а аш чораан улус ам аштавас апаар; үре-төл чок чораан херээжен чеди катап божуур, а хөй уругларлыг херээжен куруг артар.